اليوم التاسع ( الدفعة السابعة ببورسعيد)

تسنيم عطية السعداوي
اسرة التعاون
195

النهارده احلى يوم من بداية التدريب في الاول مكنتش عايزة العب اللعبة دي لاني لعبتها قبل كدة و مش اتبسطت فيها بس المرة اللعبة كانت رووووووووووووعة و اتعلمت منها ان شريك الحياة ده زي الدليل و اللي يضيع دليله هيتوه في نص الطريق ....
و عايزة اشكر جهاد علاء على اللعبة الحلوة و انها ساعدتني و خلت بالها مني و خلتني اعدي الطريق بأمان و بقولها انا اسفة اني سبتك تتضربي .........و بس

انا أسفه يا تسنيم مشوفت انك عملتى الاول
سوررررررى

لا عادي مفيش حاجة
و الله العظيم اللي احنا فيه ده (...................)

انا تسنيم عادل العتال
اسرة ميلاد جديد
رقم 213
اولا بحب اشكر كل الضيوف اللى تعبوا نفسهم وعطلوا وقتهم وجم معانا النهاردة علشان نلعب اللعبة الرائعة دى بجد هى مش مجرد لعبة وخلاص لأ هى درس اتعلمت فيه ازاى اعرف قيمة شريك حياتى واهميته انه بالنسبة ليا نور عينى اللى بشوف بيه زى ما انا برده نور عينه حتى لو احنا الاتنين فقدنا نور عينينا احسسنا ببعض هو اللى هيرجعنا لبعض تانى ، بجد اسهل حاجة فى الدنيا انك تبيع انسان وتخرجه من حياتك لكن بجد اصعب حاجة انك تلاقى شريك حياتك اللى هتضحى بكل حاجة علشانه وهو كمان هيحميك بكل ما يملك 00000000
انا كمان عايزة اشكر دكتور \محمد ومستر \مكروم :جدا ع المجهود الكبير اللى بيبذلوه معانا وانهم كانوا السبب بعد ربنا طبعا اللى خلانا نحس بقيمة شركاء حياتنا واننا مستحيل هنعرف نكمل من غيرهم
وكمان عايزة اقول لمستر مكروم هتوحشنا جدا اليومين اللى جايين وهنفتقدك ف التدريب وكمان انا مبسوطة جدا ان دكتور محمد هيكمل معانا 00000000

لعبة شرييك الحياااه
تعدييل لعبة شرييك الموت
ههههههههههههههههههههههههه بجد لعبه كانت جمده اوي وضحكت واتنرفزت واضربت بس الاخر اتعلمت حاجه مكنتش عارف قيمتها هي شريك الحياه بجد مهما كنت شايف نفسك كويس وانك قوي مستحيل تقدر تكمل لوحدك لازمك الي يكون معاك ويعرفك وتعرفو (شريك الحيا) هو ده وطبعا نشوفك يوم الاتنين انشاء الله يا مستر مكروم ف المنشااااااااااااااااااااااار
وطبعا الدكتر محمد الطيب هيكمل معانا باقي الايام يعني هنظبط وقتنا هيظبطنا مش هنظبط وقتنا برضو هيظبطنا بس من نوع التاني ههههههههههههه

عمر محمود
198
اب لاسرة الحياة والامل

انهاردة كان يوم الضيوف و اتعاقبنا قدامهم في الطابور بعدين نزلناعملنا قعدة الاسترخاء وبعدين اخدنا الشارات وحلفنا اننا هنعلم اكبر قدر من الناس اللي احنا اتعلمناه وانا بصراحة كنت خايف بس انشاء الله هعمل بحلفاني
وبعدين لعبنا شؤيك الحياة انا اترشيت مية واتضربت على راسي واتضربت على رجلي وبرده ووالله كنت واثق في شريكي(عبدالرحمن المليجي) انه هيحميني
وكنت واثق انني هلاقيه.

والشكر والتقدير لد.محمد مكروم و د. محمد مكروم

فعلا والله اليوم كان ممتع جدا وانا كنت مبسوطه اوي وربنا يعينكم علي المنشار

الاسم:آية
الاسرة:التعاون
الرقم:192
اليوم كان جااامد جدا واستمتعت جدااا بلعبة شريك الحياة بس تعبت علشان القى شريكت حياتى وفى الاخر لقية شريكت حياتى
وبشكر د:محمدالطيب وا:محمدمكروم

أمينة مهدى
216
ميلاد جديد
كان يوم جميل جدا يوم شريك الحياة مع انى مكنتش عايزه احضره حتى مش اشارك فيه كانت بدايته صعبه بالنسبة لى احساس ان مافيش حد يجى معى كان صعب على جدا بس ايمان من الدفعة اللى فاتت لحقتنى وقالت هتيجى معى والموقف عدا وحصل اللخبطة وكنت مع رضوى اللى ليها موقف انا اسميه قسمة القدر لان من اكتر من سنة كنت واقفه فى المعديه تقريبا المهم شفت بنوته لبسه بينك فى رمادى ومشيه بوقار وبرقه ساعتها تمنيت ان نصبح اصدقاء وتمر السنه ويمكن اكتر ويجى يوم الانتر فيو ولاقيها قدامى ساعتها قلت سبحان الله معجزة واتعرفت عليها وبعدين يجى تقسيمة الاسر وانا وهى اخترنا بعض مع مجموعة تانيه ويجى دكتور مكروم ويفرق الناس اللى اختاروا بعض وسبحان الله تفضل رضوى معى ويوم الانظمه التمثيليه نكون زى بعض ويوم شريك الحياة برضه تيجى معى ولما اجا دورها فى ارشادى حفظت على جدا جدا بس هى اتخبطت فى راسها كتير بسببى بس لما جم يفرقونا استخدمت كل الاساليب الممكنة وغير ممكنه علشان احافظ عليها رغم انى مش عارفه ده صح ولا غلط بس انا شيفه ان لما تلاقى شريك حياتك لازم تحافظ عليه وزنبه فى رقبته اللى يحاول يفرق بينكم فعلا فعلا كان يوم رائع لم يعكره غير مودى اللى كان ولازال متعكر ونفسى بكره يجى بسرعة علشان وحشتونى ويارب يكرم مدربينا الافاضل على كل اللى بيعملوه معانا وبجد انا مش لاقيه ولا حرف ولا كلمة ولا جمله توفى حقهم حتى لو شكرناهم عدد ذرات كل نقطة ماء فى البحار والمحيطات برضه عمرى مهعرف اشكر من احيانى بعد ما كنت ميته _اينعم فوقتى دى حطانى فى مشاكل _بس كتر الف خيرهم على جهودهم الجباره ويارب يصبرنا على بعدهم وتصبحوا على خير

بتول عطية محمد
رقم 202 أسرة الحياة والأمل
الدفعة السابعة بورسعيد

إزيكم كلكم بجد إفتقدتكم جدا اليوم اللي ماجتش فيه ووحشني التدريب جدا جدا
كان نفسي أكون معاكم وأتمنى تكونوا إتبسطوا وأحب أشكر تسنيم أختي علشان هي حاكتلي كل كبيرة و صغيرة في اليوم
شكرا

ازيك كلكم بجد شريك الحياة حاجة جميلة جدا وانا لعبتها مع واحدة اول مرة اشوفها وهى مروة اخت رضوى كانت رائعة بجد انا اضربت بس مش عرفة لية وبجد انا عرفت قيمة البصر وبشكر الدكتور محمد والمستر مكروم ومروة اخت رضوى