اليوم السابع (الدفعة السابعة) ببورسعيد

اليوم النهاردة كان جميل جدا جدا لعبنا قفزة الثقة وانا حبيتها اوى تحس بعدها بالانتعاش بالمتعة بجد لعبة روعة ماخوفتش ابدا بس بجد مستر مكروم تعب معانا موت موت احنا ارهقناة علي الاخر ويارب يجعل مجهودة دة في ميزان حسناتة ويجعلنا اد المسئولية لان الدكتور الطيب ومستر مكروم بذلوا مجهود صعب جدا وكبير اوي واحنا ان شاء اللة هنكون اد المسئولية وهنتغير وهنكون عند حسن ظنكم ومش هنكون ذي السلحفاة الصغيرة ال مقدرتش مجهود وتعب السلحفاة الكبيرة ال ياما سعدتها

السلام عليكم
إسمي بتول عطية
رقم 202 أسرة الحياة والأمل
الدفعه السابعة بورسعيد
الحقيقة أنا كان نفسي أكون أول واحده تعلق على اليوم لأنه بجد يوم مايتوصفش بالكلام وكمان علشان أنا حسيت إني زعلانة أوي وأنا باقول للدكتور إني ماشاركتش على المنتدى إمبارح وكان نفسي أكفر عن ذنبي بس البركة في أسماء وربنا يجزيها خير....
اليوم زي ماقلت مايوصفهوش كلام ....بجد أحلى حاجة فيه الأحاسيس المختلطة اللي عشناها ....حسينا بالخوف والفرح والتعب والقوة والضعف والحب وإحساس يعني إيه تكون في فريق زي فريق بداية حياة وإحساس بالتقصير في حق نفسك وحق اللي حوليك وبالتقصير في شكر نعم ربنا علينا...بجد الأحاسيس دي عمري ماعشتها مع بعضها غير إنهاردة...
لعبنا لعبة نطة الثقة وقدرنا نحطم الخوف اللي جوانا وحسيت إن اللعبة دي بجد زودت ثقتي في إخواتي في الفريق وحسيت إنها قربتني منهم أوي...وبجد مش عارفة أقول إيه لمستر مكروم كنت مبهورة جدا جدا جدا جدا بإصراره ومازهقش أبدا لحد لما عملناها كلنا ....باشكره جدا جدا جدا جدا..
بعد كده رحنا كلنا لملجأ الأيتام وبجد لما تعمل خير وسط فريق بيكون له إحساس تاني غير لما تعمل لوحدك وحسيت إنه أد إيه لما تكون القلوب مجتمعه على هدف وغاية سامية وبتشتغل مع بعضها ممكن تحطم كل قيود وتعمل المستحيل...
نسيت أقول إن قصة السلحفاة عجبتني جدا...
شكرا وأتمنى إن الأيام اللي جاية تكون أحلى كمان وكمان

تسنيم عطية السعداوي
اسرة التعاون
195
النهارده اليوم كان حلو بس انا اديقت عشان عيطت مع اني مش عارفة انا عيطت ليه لحد دلوقتي
بس في الاخر اتبسطت عشان عرفت انط و الحمد لله عرفت اتغلب على خوفي
و عجبتني اوي قصة السلحفاة ...........و اليوم في دار الايتام كان حلو اوي وكان احلى عمل خير عملته في حياتي لاني كنت وسط ناس انا بحبهم و كان هدفنا واحد و نيتنا واحدة كنت زعلانة و انا ماشية

عبدالله محمد السيد
اسره ميلاد جديد
رقم210

النهارده كان يوم حلو اوى وكان احلى ما فيه نطه الثقه انا كنت بحسب انها صعبه
بس طلعت سهله بس هو فى شويه خوف فى الاول
انا بعتذر علشان انا مدخلتش وشاركت امبارح
واشفكو بكره ن شاء الله

انا تسنيم عادل
اسرة ميلاد جديد
رقم213
بجد اليوم كان جميل جدااااااااااااااا بس متعب جدااااااااااااااا بجد ربنا يكون فى عونك يا مستر مكروم لأنك استحملتنا كلنا بجد بشكرك جداااااااااااااااااا وربنا يجعله فى ميزان حسناتك

اسمى عبدالرحمن عادل
اسرة المستقبل
رقم218
اليم كان جميل جدا و اجمل شئ هو نطة الثقة فى البداية كانت لا توجد ثقة فى اللى تحت و مازالت

اشوفكم علي خير بكره باااااااااي

عمر محمود
198
اب لاسرة الحياة والامل

والله انهاردة اليوم كان مميز اوي عن يوم المسؤولية او يوم لعبة المسؤولية,
انهاردة كل واحد قال ايجابياته وكانت برده جميلة جدا وبعدين بصراحة انا كنت خايف من نطة الثقة من قبل ما اعملها لانني شفتها في البرومو وحسيت انها هي بصراحة وكمان كنت خايف لانني كنت واثق ان الدكتور هيخترني
والدكتور اخترني و بصراحة كنت خايف اوي لانني مكنتش واثق فيهم وغي كده لما كرروا الجملة (متخفش احنا معاك هنسعدك) قولتلهم (بثق فيكم) و كنت بعنيها بجد لانني حسيت انهم بيقولوها من قلبهم والحمدلله نطيت.
والبنات ربنا يخليهم كل اللي عملوه انهاردة انهم طولوا فترة البريك, غير الباقي لسه هتكلم عنه.
وبعدين حكالنا د. مكروم قصة السلحفة وكانت حلوة اوي ومليانة عبر و دروس كتيرة جدا.
وبعدين جه انني اتكلم بأه عن اليوم: منة الله يخليها جابت اللعب ولمت الفلوس
وانا مسامحها في الباقي بصراحة هي تعبت في ده اوي, وجهاد جابت البسكوت والعصاير هي وعفيفي الله يخليهم بس اليوم كنا كلنا مفتقدينها بصراحة.
وكان يوم جميل و الولاد والبنات كانوا مبسوطين جدا وبالذات لما لعبنا مع الولاد كورة, وكمان البنات كان ليهم دور كبير اوي انهم اسعدوا كل الاطفال ولاد وبنات وانا بصراحة كان دوري بس التصوير فانا اقل واحد ظهر في الصور وكان يوم جميل اوي بصراحة.
وانا بقول انني بجد افتقدت حمص في اليوم ده.
والشكرل د.محمد مكروم
وطبعا انا كنت مفتقد جدا د. محمد الطيب ربنا يعينه على ظروفه.

السلام عليكم ورحمة الله وبركاته
الاسم : جهاد عاطف
اسرة الامل
رقم 108
والله يا جماعه انا مبسوطه اوي بتعليكم وبردودكم وكمان مبسوطه لان العيله بتاعتنا كل يوم بتكبر واحلي حاجه ان احنا بنشوف الكلام ده

أمينة مهدى
216
ميلاد جديد
انتم كلكم وصفتم اليوم اجمل وصف
بس انا هضيف انى حسيت حاجات كتير اليوم اهمها انى تعبانة لحد الوقت وظهرى وجعنى جدا بس انتم وحشتونى
ومفتقدين دكتور محمد الطيب جداااااااا جدااااااااا جدااااااااااااا
يارب يجى بكره بسرعه

صهيب محمد السيد 190 التعاون النهارده اليوم الصراحه كان جامد جدااااااااااااااااااااااااااااااااااااااااااااااااااااااااااااااااااااااااااا واجمل حاجه نطة الثقه الصراحه في الاول هي كانت صعبه بس لما الواحد طلع ع الكرسي ووثق في اللي تحت نطها واجتاز الخوف اللي كان جواه واحب اشكر الاستاذ محمد مكروم جداااااااااااا جدااااااااا وتحيه خاصه جداااااااا في نفس الوقت للدكتور محمد الطيب وبقوله وحشتني جداااااااااااااااااااااااااااااااا واحب اقوله البقاء لله وانا لله وانا اليه راجعون والسلام عليكم ورحمة الله وبركاته

اسراء ابو زيد
اسرة بكره احلى 208
النهاردة كان يوم رائع ونطة الثقة كانت روعة مع انى وقعت على ظهرى بس كنت عايز اعملها تانى وكمان حسيت ان مستر مكروم بذل طاقة مش عادية
وكان اليوم كله رائع لانى اضيت اكترمن نصه مع فريقى و الناس البحبهم بجد

بسم الله ربنا الرحمن الرحيم
الله عليكوا يا دفعة 7 بجد انتوا حاجة جميله اوى تفرح اوى .. ويارب يكون التدريب ده هو اكبر واهم حدث يدفعكوا للامام بإذن الله . ولا تنسوا ان هناك الكثير ممن يحبونكم وينتظرون تعليقاتكم .
فاكتبوا كل ما فى قلوبكم وسيروا بهدف وعلى رؤية مفصلة لمستقبلكم .. وفقكم الله
ولكم يسعدنى أن أذكر وأشكر جزيل الشكر كل من جعله الله عوناً لنا على الخير وفى الخير وللخير يوفقهم وبه يجزيهم عنا وعن كل من لهم فضل عليه ...آمين
وصلى اللهم وسلم وبارك على سيدنا محمد وعلى آله وصحبة آجمعين..

سبحانك اللهم وبحمدك اشهد ان لا اله الا انت استغفرك واتوب اليك..

بسم الله ربنا الرحمن الرحيم

الله عليكوا يا دفعة 7 بجد انتوا حاجة جميله اوى تفرح اوى .. ويارب يكون التدريب ده هو اكبر واهم حدث يدفعكوا للامام بإذن الله . ولا تنسوا ان هناك الكثير ممن يحبونكم وينتظرون تعليقاتكم .
فاكتبوا كل ما فى قلوبكم وسيروا بهدف وعلى رؤية مفصلة لمستقبلكم .. وفقكم الله
ولكم يسعدنى أن أذكر وأشكر جزيل الشكر كل من جعله الله عوناً لنا على الخير وفى الخير وللخير يوفقهم وبه يجزيهم عنا وعن كل من لهم فضل عليه ...آمين
وصلى اللهم وسلم وبارك على سيدنا محمد وعلى آله وصحبة آجمعين..

سبحانك اللهم وبحمدك اشهد ان لا اله الا انت استغفرك واتوب اليك..

الاسم زينب محسن العدوى
اسرة الحياة والامل
اليوم دة يوم لا انساها فى حياتى كنت خايفة ومروعبة اوى وبعدين نزلت على رجلى اول مرة وقولت مش هكمل المستر قالى التدريب هيوقف بسببك فكان لازم اعملها وجيت على نفسى وعملتها علشان خاطر الفريق شوفتوا معزتكم
وانا بعتذر للمستر على كل اللى حصل منى وبعتذر للفريق

يا ستس احنا مسامحين ده احنا فريق