اليوم الثاني(الدفعة السابعة ببورسعيد)

تسنيم عطية السعداوي
اسرة رقم 1
اسرة التعاون
رقم 195
السن 17
الصف الثالث الثانوي

النهاردة في اليوم التاني اتعلمنا اصعب حاجة في الدنيا و هي تحمل المسؤلية . عرفنا انوعها و تطبيق كل نوع و اللعبة كانت صعبة جدا ( بالنسبة لناس ) بس بالنسبة لي كانت سهلة جدا و بالرغم ان احنا فشلنا كذا مرة الا ان طعم النتصار و تحقيق الهدف كان احلى بكتيرمن لو كنا نجحنا من اول مرة و تعلمنا ازاي نعرف نشتغل ونركز تحت ضغط كبير و نتحمل مسؤلية غيرنا و الشجاعة و مش نتحرج ان احنا نعتذر للناس لو أخطأنا ......على فكرة اول مرة في حياتي احس بالمسؤلية تجاه اي حاجة لاني كنت بعيدة كل البعد عن الاحساس ده ..... و بس



ياريت كله يرد و يشارك

عبدالله محمد السيد
السره رقم4
اسرة ميلاد جديد
رقم 210
17سنه




السلام عليكم ورحمه الله وبركاته

النهارده كان اليوم الثانى من الدفعه السابعه
كان يوم جميل واتعلمت فيه حاجات كتيرواولها واهمها تحمل المسئوليه
وده كان صعب جدا وعشان تتحمل المسئوليه لازم تكون صبور ومتعاون
مع الفريق كاملا ولو غلط لازم تعتذر لان غلطك بيضر الفريق كاملا
ولازم نحاول مره واتنين وعشره لغايت منوصل لهدفنا
انا النهارده استفدت حاجات كتيره جدا وكل ده بفضل الله اولا ثم بفضل اجمل واحلى مدربين شوفتهم مستر محمد مكروم والدكتور محمد الطيب انا بشكرهم كتير جدا جدا واتمنى لهم التوفيق دائما باذن الله


والسلام عليكم ورحمه الله وبركاته

السلام عليكم ورحمت الله وبركاته
الاسم : مصطفى حسن حسين امين الاسره: بكره احلى.اللصفه : الاب
رقمي : 204
___________________________________________

تسنيييم بجد فعلا سوبر تسنيم ههههه
اولا الواحد مش عارف يحكي بجد انا عجبني اليوم اوي اولا الاسترخاء النهرضه كان احلى من امبارح
وتانيا عجبني كلام دكتور محمد الطيب قبل البريك واحلى كلمه علقت في دماغي وبجد كسبتها اوي الحاجه الصح في الوقت الصح بالشكل الصح دي بجد اهم حاجه الواحد لازم يعملها وبعدين بعد البريك كانت احلى في تعليمنا المسؤليه وبجد اعترف احنا فريق واحد وبجد كلنا كنا زيرو بس دلوقتي لا وهنعلى مع بعض ونرتقي لأعلى مستوه وطبعا نيجي بقى على اللعبه طبعا كلكم شتمتوني لاني غلط في رقم 10 بس محدش ينكر اننا اتبسطنا وكتييير مننا بعد ما خلصنا اللعبه كان نفسو يخسرنا عشان نعيدها تاني اعترف بجد احنه عيله جمده اوي ويارب الى الامام وبعديها طبعا اتدبست انا في ترتيب الكراسي بعد اعتراضي على عبدالله و صهيب بس دي اخر الي بعترض وبجد شكرا واي لدكتور محمد الطيب ومستر مكروم والى الامام

الاسم :الاء
السن :16
الاسرة :المستقبل
الرقم:223
السلام عليكم و رحمة اللة و بركاتة
لعبنا اول لعبة و عملنا رياضة خفيفة واخذنا محضرة عن المسئولية لعبنا لعبة المسئولية لعبةالمسئولية
لعبة محيرة ولا صعبة و لاسهلة بس لذيذة

الاسم : صهيب محمد السيد السن : 19 الرقم : 190 الاسره : التعاون اسره رقم 1 الصفه اب السلام عليكم ورحمه الله وبركاته النهارده كان يوم رائع جدا وممتع جدا ومسلي جدا مع انا انا راحت عليا نومه ورحت متأخر بس مش مشكله انشاء الله مش هتتكرر تاني واحب اعتذر مره تانيه للدكتور محمد الطيب والاستاذ محمد مكروم واحب اقول ان النهارده اتعلمت الصبر وتحمل المسؤليه وروح الفريق الواحد لازم تبقى موجوده دايما عشان نعدي اي حاجه احنا عيزنهاواحب اشكر الفريق على ااداء الفوق رائع النهارده الحقيقه واحب اقول لمصطفى حبيبي ياريت ميعترضش تاني عليا عشان انا اللي بيجي عليا مبيكسبش وفي النهايه احب اشكر الدكتور محمد الطيب والاستاذ محمد مكروم على الاداء الرائع النهارده الحقيقه ويارب دايما على طول ان شاء الله والسلام عليكم ورحمه الله وبركاته

دعاء عماد
124
اسرة مهما يكون
الدفعة الرابعة بورسعيد

ربنا يوفقكوا وتكملوا وتستفيدوا وان شاء الله هتتغيروا جامد والايام الى جايه ان شاء الله تكون احلى واحلى وتستفيدوا منها وتتبسطوا فيها

انا كان نفسي والله اكون اول واحد يفتح الموضوع بس
مبروك عليكي المبادرة صحيح زي ما قال مصطفى انتي سوبر تسنيم
وصحيح اللي عايز حاجة مبيستناش بيبادر بيها بسرعة انا بحييكي على مبادرتك ده

عمر محمود
198
اب اسرة الحياة والامل
اسرة 2

والله انهاردة اليوم كان فوق الروعة فوق الخيال
غير اننا اتعاقبنا في اول اليوم عشان الطابور

انا اسف انا غلطان يا اسرتي لانهم قالولي تعالى يا عمر نقف الطابور فانا قلتلهم استنوا شوية ده هم هيقولولنا نقف امتى
{وانا قلت كده على اساس كلام د.مكروم انه من تالت يوم هنقف طابور لوحدنا }
وهم اتعاقبوا بسببي..... انا اسف انا غلطان

انا الحمدلله في يوم ال enter view ما فطرتش ومكلتش اي حاجة واليوم طول اوي والحمدلله خلصت ورجعت بس كنت بمشي بصعوبة وبطني كانت بتتقطع
واول يوم تدريب الحمدلله خرجت وكتفي وركبي بعد ما طقوا بس الحمدلله انهاردة راجع فرحان اوي والحمدلله مش تعبان.


بعد العقاب والعد لحد خمسين على رجل واحدة دخلنا اوضة الاسترخاء الكبيرة
نمت بس انا اللي ضيع مني الاسترخاء شوية .... اني كنت بفكر في اسرتي {اسرة الحياة والامل}
وبعدين طلعنا لفوق وكل واحد قال ايجابياته وانا كنت فخور جدا انني مع ناس بالعزيمة والارادة ده كلها انهم يعملوا الايجابيات ده كلها وبصراحة انا استغربت انه في بنات ماتفرجوش على التلفزيون وبصراحة انا صدقتهم
وبعدين لعبنا لعبة المسؤولية بعد مافهمناها صح
وبصراحة اللعبة جامدة جدا
واتعلمت منها كتيييير جداااااااااااااااااااا

وانا بصراحة فخور بأسرتي جدا والفخر ده بيزيد كل مرة عن الاول وبالذات لما دخله دم جديد {رنا} وربنا يوفقنا.

وانا بفتخر انني بتدرب مع د.محمد مكروم و د.محمد الطيب

وربنا يكرمك يا دعاء عماد
وشكرا ليكي

السلاااا عليكم
النهارده كان يوم جامدموووت بصراحه انا ما صدقتش انكم هتعدوا اللعبه قلت ااكيد هنثقعد لبليل بس الحمد لله عدتوها على خير كنت سعيده جدا النهارده واليوم كان رااائع وشدوا حيلكم الألعاب الجايه أقوى و أحلى بكتييييييييييييييييير

شكرااااااااااا دعاء و مروه على الدفعه اللى بتدوهلنا دى
وربنا يكرمكوا فى باقى مراحل التدريب

لااااااااااااااااا انا حرمت شر انا من هنا ورايح مسااالم وهطلب مسامحت كل المتأخريين والمتزنبيين انا مالي انا لالالا حرمت خلاص هههههه

السلام عليكم جميعا
أنا بتول عطية محمد
أسرة الحياة والأمل رقم 202
الدفعه السابعة
بالنسبة لإنطباعي عن اليوم إنهاردة كان بجد جميل وحسيت إني بدأت أندمج مع الجو ومع الناس أكتر لأني بصراحة ماحضرتش المحاضرة التمهيدية ولا عاملت الenterview علشان كدة تقريبا كنت مستغربة الموضوع شوية إمبارح بس إنهاردة حسيت إني إندمجت أكتر وكنت مبسوطة أكتر وأكتر شئ بيعجبني إن دكتور محمد كان بيطلع واحد واحد يتكلم أدام الناس بجد الموضوع ده عانيت منه كتير في الكلية كنت باترعب و أقعد أستخبى من الدكتور علشان مايطلعنيش أشرح شغلي أدام الدفعة وكان صعب عليه جدا في مناقشة مشروع التخرج لأني باقف أدام تقريبا 15 دكتور أشرحلهم مشروعي بجد لو كنت حضرت التدريب قبل الموضوع ده كان الموقف هايختلف علشان كدة يا شباب مفيد إنك تتعلم إزاي تتكلم أدام كل الناس وعيونهم كلها عليك من غير ماترتبك....كمان الللعبة بجد مؤثرة جداااااااا وحسيت فعلا إن إحنا كلنا كأننا شخص واحد الموضوع ده برضة حسيته جدا في الكلية لأن كل شغلنا كان في مجموعات وكانت لما واحد مايعملش شغله كل المجموعه بتاخد درجة مش كويسة....أحب أشكر عمر وأقوله إن شاء الله نفتخر أكتر بأسرتنا الأيام اللي جاية لما تطلع إن شاء الله الأسرة المثالية وأقوله إنك بدأت تطبق درس إنهاردة بجد لما حسيت بالذنب ناحية أسرتك ربنا يوفقك إن شاء الله الأيام اللي جاية.......على فكرة تسنيم (سوبر تسنيم )كان هاين عليها تاخد طيارة للبيت علشان تلحق تكتب أول واحدة وقالتلي إسبقيني بسرعة نزلي الأسانسير و إفتحية علشان أنط فيه بسرعة وألحق أكتب أول واحدة ههههه...
شكرا وربنا يوفقكوا جميعا وماتنسوش دايما تستحضروا النية في كل اللي بتعملوه......

انا أبرار الدمرداش
من اسرة رقم 1 التعاون
رقم 191
اليوم كان راااائع واستفدنا من اليوم كتير من بداية اليوم فقرة الاسترخاء ولعبة المسؤليه وهى كانت اصعب حاجه فى اليوم لكن فى الاخر النجاح كان طعمه حلو ويارب استفيد بيها فى حياتى العمليه ونشيل الزيرو0 ونحط رقم محترم وبشكر
الدكتور محمد الطيب
والاستاذ محمد مكروم

واتمنى الايام الجايه تغير فيا اكتر واكتر

لا شكر على واجب يا سلمى وبجد انا سعيده جدا بتفاعلكم النهارده والروح الحلوه الى بقت بينكم وان شاء الله كلكم فى تقدم مستمر مع فريق بدايه

مروة احمد ابراهيم العزبي
رقمي:194
اسرت:التعاون
الاسرة رقم 1
الدفعة السابعة ببورسعيد
انا بصراحة كنت مبسوطة اوي انهرضة
عجبني الاسترخاء واتبصت اوي فية انهرضة اكتر من امبيرح
واتعقبنا في الطابوركلنا السيئة تعم علي الكل بس اتعلمت انهرضة من العقاب دة ان لازم الواحد يعرف المطلوب منة من غير ما حد يقولة ويتحمل مسؤلية الكل
محاضرت المسؤلية كانت اكتر من ممتعة
الاختبار كان سهل اوي وصعب اوي انا كنت متشوقة اني اعرف الاختبار و تعلمت منة كتير جدا ان الواحد ميستسلمش والصبر و التحمل التركيز و ان مش كل حاجة بتيجي بساهل و هنتعب كتير عشان نوصل لهدفنا .
بصراحة وحشتوني اوييييييييييييييييييييييييييييييييي
متشوقة اوي لبكرة
نفسي اغمض عيني وفتحها القيكم قدامي
اشفكم علي خير
باييييييييييييييييييييييييييييييييييييييييي

اني احبكم في لله
انا ايمان اسماعيل
ام لاسرة رقم 3 بكرة احلي
رقمي 205 بورسعيد الدفعه السابعه
فريق جميل ومتدربين مميزين اسال الله لهم التوفيق والنجاح
وبعتبر من حظنا ان نلتقي بأناس لديهم المعرفه والعلم مع الدين والفقه فهنئا لبرسعيد بأن هئ لها مثل هؤلاء الاخوه الافاضل القائمين علي هذا العمل ولكن احزن عندما اري واسمع صرخاتهم من اجل التغير واقول لو ان هذة الماده العلميه تدرس في هذة المناهج من الصغر كما يفعل غيرنا من البلاد المتقدمه كاليابان مثلا كان هيبقي فرق كبير جدا علي الاجيال فاالتعليم في الصغر كالنقش علي الحجر وهذا ما يحثه فينا ديننا الحنيف

السلام عليكم ورحمة الله وبركاته
اسمى نوران
رقمى216
اسرتى ميلاد جديد
انهارد كان يوم رائع جدا استمتعنا بيه اوى بالحظات الصعبة و اللحظات الحلوةاول حاجة اتعلمتها كانت ف الطابور ان انا لازم اعمل الى عليافى وقته الصح مستناش حد يقولى وبالطريقة الصح وفى المكان الصح
و محاضرة د.الطيب كانت رائعة جدا
حسيت فيها بحاجات كتيييير كان لازم اعرف انا فين عشان اتغير
لما الدكتور سألنا انت فين؟رقمك ايه انا محطتش لنفسى زيرو بالعكس انا حطيت سالب بس معرفتش سالب كام ولما عرفت ان انا صفر كان احسن اكيدمن الرقم الى حطيته ف دماغى ف لحظة حسيت بسعادة انى زيرو بس بعدها ع طول خفت اوى خفت من انا اموت الحظة دى واتسأل انا ليه صفر ليه؟ بعدها قررت ان انا لازم ابقى رقم ورقم مميز ومحترم وانى لازم اطور نفسى وانميها لانها غالية اوى وع اقدر احط الرقم المحترم وانفع نفسى والى حوليا وبلدى ودينى

وبعد البريك كانت محاضرة المسئولية ل ا.مكروم
كانت جميلة جدا عرفنا فيهاان المسئولية بتخلى الحياة اصعب ولكنها انجح واجمل و انواع المسئولية وازاى وليه نتحملها واحلى حاجة انها كانت نظرى وعملى وعرفنا
اللعبة كانت حلوة اوى اتعلمنا منها الصبر التفكير قبل التنفيذوالمسئولية الفردية وحاجااات كتيييير
انهاردا الدكاترة بذلوا اقصى جهدهم ع نتغير بجد ونحط رقم محترم لذا فهم يسحقو كل الكر والتقدير لمجهودهم العظيم

السلام عليكم ورحمة الله وبركاته
اسم اية
رقم 192
اسرة التعاون
انا عجبنى اللى انا بقيت منتظمه فى مواعيدى وعجبنى الطابور جداوالاسترخاءوحسيت اللى فى حلم ونمت خالصوعجبنى محاضرة الدكتور محمد الطيب ومحمد مكروم وعجبتنى اللعبةو تعلمت منها اللى احنا فريق واحدو لو حدوقع احنا كلناهنقع

السلام عليكم
على زكى , رقم 171,أسرة التميز
والله احنا فرحنيين بيكو جيدا جيدا و يرب انتوا كمان تبئو مبسوتيين انشاء الله

السلام عليكم اجمل عائله في الدنيا
أنا إسراء عبد المعز احمد
أسرة المستقبل الدفعه الرابعه رقم 118

بجد يا جماعه كنت سعيده جدا وانا معاكم اليوم كان اكثر من رائع استمتعت كتير جدا ورجعتوني لاجمل ايام حياتي اللي قضيتها في التدريب وافتكرت اليوم الجميل ده وكنت سعيده جدا باصراركم انكم لازم تنجحوا وتشيلوا المسؤليه وفرحت اكتر لما نجحتوا في ده اكيد تعبتوا بس اتعلمتوا ان النجاح مش بييجي بالساهل لازم نتعب عشان نوصله ولسه هتستفيدوا اكتر واكتر وكل يوم اجمل واجمل وربنا يوفقكم يارب