اليوم الحادى عشر

السلام عليكم ورحمة اللة وبركاتة
اليوم انهاردة كان جميل وخفيف اتعلمت حاجات جامدة اخر حاجة فى التسويق والمبيعات واول مرة اعرفها
وايضا استفدت جدا من درس العادات السبع وخاصة ان احنا ربطنها بالعملى
انهاردة محدش فينا قادر يبص فى عنين التانى عشان كل واحد فينا مخبى دمعتة ربنا يعدى بكرة على خير

النهارده كان يوم جميل جدا واتعلمنا منه حجات كتير فى المبيعات ونمط العملاء واستفدت كتير منه ونفسى اكمل فى المجال ده واكون كويس فيه
واستفدت كتييييير من العادات السبع وعرفت فعلا ان العادات دى اصلا موجوده فى دينا وده خلانى ارجع تانى واتعرف على دينى اكتر بأذن الله
وبشكر اخويا أحمد صادق و أخته مى على الترايفل الجامد ده بجد وبجد تسلم ادين مامتهم على العمل الرائع
بس انا زعلان جدا جدا جدا لان بكرا أخر يوم هنشوف فيه بعض لان بجد يا جماعه انا حبتكم كلكم فى الله ونفسى اعمل حاجه تجمعنا علطول مع الدكاتره كمان بس انا ليا طلب ورجاء فى نفس الوقت ياريت يجماعه متنسونا وخليكوا فاكرنا دايما اننا كنا معاكم واتمنى اننا نطمن على بعض على طول بجد يا جماعه انا ان شاء الله مش هقدر انساكم ولا انسى احلى ايام بجد عشتها فى حياتى
انا عايز اقول انى عمرى مكنت مبسوط زى مكنت مبسوط معاكم والله يا جماعه انا لما كنت امبارح فى لعبه المنشار وشايفكم كلكم وانتوا بتلعبوا انا قلبى كان بينفض جامد جدا جدا لدرجه انى قلت لمؤمن كمل شويه مش قادر قلبى هيقف والله يجماعه انا كنت شايف كل واحد وكل واحده وهما بيلعبوا واد ايه ققدروا فعلا يتغلبوا على اى حاجه ممكن تعيقهم لدرجه ان فى ناس كانت فى الاول مكتومه بس بعد كدا بدأوا فعلا يبان عليهم التعب والاصرا ر والعذيمه وانه لازم يكون قوى ويتحدى اى ظروف والله يجماعه انا شفت ده بعنيا انا عايز اقولكم انى عيطت من مناظركم وانتوا بتلعبوا وصتكوا بدأ يعلا وكله كان بيقول انا انسان ناجح انا انسان مسؤل صوتكم هذنى جامد والله يجماعه انا لما كنت بشجعكم التشجيع ده كان طالع من قلبى بجد يجماعه محدش ينسانا لان عمرى مهنساكم
انا اسف لو كنت فعلا طولت عليكم بس انا حبيت اوصل جزء من الى كنت حاسه معاكم

انا عايز حد كاتب بقى اللى انتو ختوه دا انا كنت عايزة بس ملحقتوش
شكلى موحشتكوش ولا ايه هههههه مفيش حمد لله ع السلامة طيب
وبعدين انا سمعت ان كلتو ترايفل تانى من غيرى دى خيانة دى هههه

اليوم كان سهل النهارده واستفدت كتيييير من المبيعات وخصوصا العادات 7 للأشخاص الأكثر فعاليه
بس بجد كل الى شايله همه هو بكره يوم صعب اوى عليه وعلى كل واحد فى الفريق يا جماعه بجد لازم مننساش بعض ابدا طول حياتنا ولازم ننزل كل جمعه ونروح دار او اى عمل خيرى يجمعنا ولازم نتفق ان احنا نتقابل مش عاوزين نتفرق بس بجد لازم نتفقان احنا منبعدش عن بعض
بس رساله منى احب اوصلها لكل واحد فى الفريق بجد(انى احبكم فى الله ) وعمرى عمرى ما هقدر انساكم انتم بقيتم كل حياتى مش عاره بجد انا بكت الرساله وانا ببكى جااامد جدا مش متخيله بكره عندى احساس انى مش هقدر انزل من البيت بكره واجى اشوفكم ياااريت مننساش بعض ابدا وبصراحه انا اول مره ارتبط واتعلق بحد للدرجه دى زى الفريق حسيت بجد ان دو اسرتى وعائلتى ربنا يقدرنا كلنا بكره
وبقول لميسرالف حمد لله على السلامه كنا نتمنى انك تبقى معانا ودوق من الترافيل
وسلااام كبييييير للدكتوره سالى وحشتينا مجتيش ليه النهرضه كنا مفتقدينك وفاتك اكيد الترايفل
اما بالنسبه ان مستر مكروم ما اجى النهرضه فأنا زعلانه جدا جدا جدا كان نفسى يدوق معانا الترافيل يسلم ايد ابله منال وبجد مستر مكروم كان وحشنا كلنا جدا جدا ووحشتنا ابتسامته الجميله الى بتعطينىامل كبيييير كنت اتمنى ان احنا كنا نشوفه معانا اليوم
ياااااااااااااااارب نفضل مع بعض مدى الحياه

ان شاء الله يا مروه ما احنا اتفقنا علي كده ومتزعليش يا مروه والله انا بصبركم وانا مش قدره استحمل بجد وفعلا مش عارفه هنعمل ايه بكره بس هي دي سنة الحياه هنعمل ايه وحمد الله علي السلامه يا ميسر حظك بقي متدقش الترايفل

rabana ma3ako an sha2a alah ya fari2 badaya ya gamad we yahawan 3alako la7zat al fora2

ميسر(ابن اختي ) وحشتنى جدا ....الف حمد لله على السلامة ...التدريب ...كان نقصك....كل اللي اخدناه انا لسة بشتغل فيه ولاتخاف.... كله هيوصلك ... يا باشا

السلام عليكم ورحمة الله وبركاته

حمد الله على يلامتك يا ميسر كان يوم محتاجك وكمان احنا كلنا ترايفل وانت لااااا
انا ذعلان جدا لان التدريب انتهى بس لازم نشارك مع بعض على اللينك بتاع احمد
وانا بشكر احمد ومى على الترايفل وانا بحبكم جدااااااااااااااااااااااااااااااااااااااااااااااااا
ولازم منسبش بعض انا فى اشياء فهمتها من دوره المبيعات مش كلها بس كان نقصنا
شخصين د/محمد مكروم وميسر
اسمى:عصام ثابت

لينك كتاب العادات السبع للاشخاص الاكثر فعالية
http://en.wikipedia.org/wiki/The_Seven_Habits_of_Highly_Effective_People

السلام عليكم ورحمة الله وبركاتة

الاسم:علاء محمد ثابت الاسرة:الامل الرقم:146

اولآ اشكر ل احمد واختة على الترايفل وسوف ادخل على موقعك ان شاء الله ولقد أستفد ان كيف اعمل
بزنس بدون مال وسوف ادخل على الموقع وسوف استفاد منة وسوف اعلم نفسى ولن ابخل ان اعرفة لغيرى وتمنى ان تزودو المدة وسوف اكون ان شاء الله فى livel2 وشكرآ لكم جميعآ على كل شئ

انا اسف لان هذا باسم عصام

اليوم بدأ بقصص كفاح ذات أثار عميقة
بدأت بمؤمن ومن ثم بدكتور محمد الطيب
والتي كان الأساس فيها هو طاقة المنشار
فكان المجهود الذي بذل في لعبة المنشار يبذل لألاف الأشجار التي ينشرها يوميا الشاب محمد الطيب حتى يحفر إسمه ويقول ها أنا هنا
ولقد أثارت هذه القصص في في البداية يأسا و شعور بالقلة لكن عندما رأيت عملية التحول من ذرة لشجرة عملاقة ضخمة بعث الأمل و الطاقة الكامنة في

لا أستطيع بمجرد ضغطي عل لوحة المفاتيح أن أعبر عن مشاعري تجاهك
لكن شكرا للك وان يضيع مجهودك إنشاءالله

http://bedayathaya.blogspot.com/
خش و شارك في بداية حياة

انا اسراء السيد احمد اسرة الحياة رقم 147 الحصة كانت سهلة وحلوة وانا استفدت منها كتير وخصوصا من العاداتين اللى اخدناهم وكمان عرفت حاجات كتيرة فى التسويق والمهارات وازاى اتعامل مع كل شخص من البائعين وازاى اشترى بضاعة من برة لك جزيل الشكر يا د/محمد الطيب

السلام عليكم

اليوم انهارده كان خفيف وجميل اخدنا انماط العملاء كانت حلوة اوي بجد المجال ده مشوق جدا ببئا مستمتعه جدا ود/ الطيب بيشرحه وجزء الاعتماد البنكي حلو اوي فهمتها فعلا كل لما اعرف جزء في المجال ده ببئا عايزة اعرف اكتر واكتر
والضيف اللي كان معانا أ/ اشرف العزبي جزاه الله كل خير كلامه مؤثر جدا
والعادات السبع هيا فعلا احنا طبقناها خلال التدريب وان اصلها موجود في ديننا
وشكرا لمي واحمد علي الترايفل خلاص انا كده هتعود عليه بئا لازم اعرف الطريقه
وكنا مفتقدينك جدا جدا يا د/ مكروم

اليوم كان رائع و استفدت كتييييييييييييير من العادات السبعة بقول لميسر حمد الله ع السلامة
بس انا كنت عايز اسأل سؤال
هى الدكتورة (سالي) جت في اليوم الحادي عشر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انهارده كان يوم حلو جدا بس انا خايفه اوى من اخر يوم بجد بس يا جماعة ياريت نتفق على عمل جماعى نعملة كل اسبوع مع بعض كفريق بداية بورسعيد مثلا كل جمعة يبقى فى حاجة زى دار ايتام او اى حاجة من دى وطبعا التواصل هيستمر بيننا على المنتدى واى حاجة عايزين نتفق عليها هتبقى على المنتدى بجد هتوحشونى جدااااااااااا بقيت حاسة انها حاجة اساسيه كل يوم اقعد مع اهلى واخواتى وطبعا شكرا لمامة مى واحمد على الترافل التحفة دا

أنا بجد بعد ما قرأت كل المشاركات انا مش شايفة الشاشة من كتر الدموع بجد انا مش قدرة اصدق ان النهاردة اخر يوم هقابل احلى واجمل واجدع واطيب صحاب صحاب ايه لئه اخواتى والله بجد انا مش عارفة ابطل بكا لكن فعلا مش عارفة بكرة الساعة 5 مش هاقوم البس علشان انزل واجى التدريب يا ريت يا جماعة محدش ينساتى انا فعلا بحبكم اوى كلكم امبارح ماما واخويا الكبير ماكانوش موجوديب سالى وميسر امبارح فعلا كان عاوزكم ومستر مكروم وحشتنا اوى انا فعلا استفدت كتير امبارح لما أ/مؤمن حكى اللى حصله قبل كده انا حمدت ربنا ان انا بنت ربنا معاكوا يا شباب بس اكيد هنتبهدل مش هنمشى بسهوله كده لكن كمان درس التسويق والمبيعات كان روعه حقيقى كان مفيد جدا وكمان الصفات دى كمان اكيدلنا هنتحلى بيهم ومش هنفرط فى كلمة سمعناها ودى حاجة كمان عاوزة اكتبهالكوا:


يا اصحابى يا اغلى الناس
انتوا حبايبى وباخلاص
لما بشوفكم بنسى الدنيا وبعيش اجمل احساس
افرح جدا لما اقابلكم
افرح اكتر انا لفرحكم
واما بنلعب مع بعضينا
نرسم فرحة يا ناس فى عنينا
نملا الدنيا هنا وسعادنا
ويبقى لقائنا اجمل عادة
ربنا ابدا ما يفرقنا
ولا يبعدنا عن بعضينا
وينصرنا كده فى الدنيا
على كل من يعدينا
الشعر ده من تاليف ابن عمى هو فى سنة 6 لكن حبيت انقله ليكم بس علشان هوه فعلا بيوصف مشاعرى ليكوا شكرا وسلام عليكم

شكرا للمهندسة مامة احمد ومى على الترافيل الرائع ... وعايزبن ننزل المقادير على المنتدى في فقرة طبق اليوم.....

كان يوم خفيف لكن اليوم ال12 هيبقى يوم الفراق يعني من الاخر احلى و اوحش يوم من ايام التدريب لان انا متاكدة 100 في المية ان احنا كلنا هنعيط

انا حابة اشكر م/ رحاب واحمد صادق على الشغل الجامد قوى ..............
انتوا بجد قدوة لية

السلام عليكم ورحمه الله وبركاته
بجد اليوم كان جامد جدا واستفدت منه كتير وبجد انا بشكر مى واحمد ومامتهم على الترايفل الجامد وبجد انا كان نفسى ان التدريب ميخلص دلوقتى وبجد عمرى ما هبعد عنكوا بجد لان بجد انتوا اخواتى وربنا يوقنا ويوفقم.

لقد كتبت هذا العنوان،لأن هذا حقا ما أشعر به ،لأنى لا أتصور كيف أصحوا من النوم ولا أجهز للذهاب ألى فريق بداية حـــياة
ولكنى قلق بشأن غدا وأرجوا ألا يكون اخر يوما نلتقى فيه