اليوم العاشر

خالد عاطف اسرة مهما يكون رقم 120:بورسعيد
كان يوم اكثر من رائع يوم الام والاب القصة كانت مأصرة جدا فى وفى كل الناس بصراحة انا حسيت بتقصيرى لامى وابى وفى لعبة المنشار انا مكنت اتخيل ان اقدر اكمل للاخر
بس فى حاجة مزعلانى التدريب هيخلص وانا مش عارف اليوم اذاى هيعدى من غير لما اشوف الفريق الرائع ده والمدربين المحترفين
د\محمد الطيب
ومستر\محمد مكرم

اليوم كان قوي للغاية
ومن (بداية) البارحة تغيرت حياتي و نظرتي لها
و تضاعفت امالي و اتضحت

ولعبة المنشار أعتبرها ليست سببا في النجاح بل نجاحا في حد ذاتها
يزداد حبي وارتباطي به كلما رأيته
وإزداد ذللك عندما جاء اليوم وهو مريض د-محمد الطيب....

الدكتور الرائع ذو التأثير القوي و الذي أثر في حياتنا د-محمد مكروم ....
شكر غير متناهي لكما و أعدكما بنتائج فوق المزهلة

يا جماعة خش شارك على صفحة باية على النت إضغط ورشح لأحسن حاجة في الدورة
إضغط هنا>>http://bedayathaya.blogspot.com

خش و استمتع بفريقك

أولا وليس آخرا باعتذر لطنت منى عشان أتكلمت لما كانت بتقول رأيها في لعبة المنشار

كان يوم جميل طلعت فيه كل حاجة جوايا سواء كانت حب أو كره أو زعل من حد
لعبة المنشار حددت حاجات كتيير في حياتي لكن أنا باعتذر مرة تانية لمستر مكروم لآني مش هاقدر اسمع كلامه ومانتقمش من اللي ظلمني و استغل الظروف وخلاني اعترف بحاجة أنا لم ارتكبها قط ولو مرة بحياتي و لو كنت اعرف أقول هيا إيه و الشخص ده مين كنت قولت عشان ارتاح لكن أنا مش هارتاح ولا هيهدالي بال غير لما أخد حقي بزيادة و اشرب الشخص ده من نفس الكأس اللي شربني منه ولازم أدوقه المر وها يشوف

كان يوم الاصرار والعزيمة والتحدى انا مبسوطة قوى ومش هنام انهاردة لانى عاوزة اجرى كل الخطوات اللى فاتتنى وحاسة ان انا جويا طاقة كبيرة قوى وعايزة اعمل حاجات كتير اعوض اللى فات ومفيش حاجة هتوقفنى
اعتقد ان لعبة المنشار هى البونبوناية بتاعة التدريب لان احنا اتعلمنا حاجات كتير فى التدريب ولعبة المنشار هى اللى بتثبت كل اللى اتعلمناة وبتعلمنا ان احنا نطبق كل اللى اتعلمناة فى التدريب باصرار وعزيمة ومثابرة وهودة التغير الحقيقى
اعتقد دلوقتى بقى عندنا جميع مقومات ااتغير
ايمان باللة+ تغير الاعتقاد المحدود +الثقة بالنفس +تنظيم الوقت +المثابرة =النجاح
احنا جوانا طاقة كبرة جدا بس مكناش عارفين ان اجنا جوانا الطاقة دى وكمان مكناش نعرف نطلعها ازاى
انا عاجزة عن الشكر لكل من د/ الطيب ومستر مكروم وربنا يوفقكم ويجعل كل اللى بتعملوة فى ميزان حسناتكم

سلمى محمد ندا 132 من اسرة الحياة بورسعيدية

اليوم ده فعلا فعلا نقطة تحول فى حياتى النهارده قلبت صفحة جديدة فى حياتى تخيل لو بدات حياتك بيوم زى ده ده لو حديد قابلك تقرقشة لو واحد اول يوم فى حياته المنشار اسم جمييييييل خالص لو واحد اول يوم فى حياته يعرف امه وابوه بالشكل ده لو واحد اول يوم فى حياته يعرف دور والديه بالشكل ده انا لما كلمت ماما كانت مخضوضة وبتقولى ايه فى ايه هما عملوا فيكى ايه لكن الحمد لله طمنتها لما رجعت و لو واحد اول يوم فى حياته يشوف دكاترة بيحمسوا زى د/الطيب (الف سلامة عليك يا دكتور وشد حيلك ) ود/مكروم (راوى الحكايات) ويعرف كمان ناس جامدة وشجاعة ومبيقفش قدامها اى حاجة زى كل الفريق بنات وشباب النهارده حقيقى كانوا يعنى يقوموا الدنيا ويقعدوها بصوتهم بقوتهم لكن بصراحة لعبة المنشار فى الاول لما شوفت أ/مؤمن واحمد عبد الوهاب انا كنت حاسة ان انا بلعب معاهم خلصوا انا كنت تعبانة اوى لكن لما جربتها مع حبيبة قلبى مروة ربنا يجعلنا صحبة خير دايما يا رب كنت تعبانة جدا لكن ساعتها كنت حاسه اد ايه ببقى مرتاحة وانا بعمل اى حاجة غلط فلازم اتعب وانا بنشرها حقيقى انا قولت لدعاء وعلياء واحنا خارجين احنا دلوقتى بقينا اشخاص جديدة (new girls)

انا new salma ودعاء new duaaوعلياء new alyaa بجد فعلا كل واحد يقول لنفسة انا جديد ويحسها بجد بكل مشاعرة فعلا ربنا يدى الصحة لكل الفريق ويخلينا كلنا لبعض وميفرقناش لان احنا اول ما فتحنا عنيننا على الدنيا لقينا بعض وافتكروا احنا لسة عندها 3سنين و10 ايام فعلا بجد والله العظيم ربنا يجازى د/الطيب و د/مكروم اجدع ناس حقيقى الواحد قابلهم حقيقى بدل فى ناس زيكوا فى الدنيا الواحد ميقلقش ان شاء الله واحنا كمان قولنا مفيش اى حاجة هتوقفنا وبدل احنا قبلنا الناس الجدعة دى مكناش زعلنا او بكينا او يأسنا لكن سبحان زى مالضربة بتيجى علطول كمان كمان الهدية من ربنا بتيجى علطول حقيقى انا مش قادرة اوصف مشاعرى انا كده لسه جوايا مشاعر كتيرة نفسى حقيقى ابينهالكوا حقيقى الواحد عمره مهينساكوا ابدا ولو الدنيا لقدر الله فرقتنا هفضل برضه فاكراكوا بقلبى لكن انا حبيت استخدم موهبة التأليف عندى والفت شعر للفريق يا رب يعجبكوا معلش بقى اصبروا عليه طولت عليكوا بسم اله الرحمن الرحيم :
أنا لازم اتغيرانا انسان مسئول
هواجه كل تحدى وهغير المعقول
كل اللى عايزه هيجى علطول
هتقدم وهتقدم لغاية لما أنول

لو عايز تتغير مش لازم تبقى انانى
لازم تبص لغيرك وانا هقول من تانى

وقتك هوه حياتك مينفعش تفرط فيه
لو صلحت حياتك اكيد هتكبر بيه
لو هتلف وتدور مش هيجيلك اكتر من اللى بتحلم بيه

أنا عايز اتغير مش هينفع تقولها كده
أنا لازم اتغير مفيش احسن من كده
بكلمة واحدة من قلبك هيتصلح كل ده

اوعى تقول الحياة بمبى وتعيش وتفرح فيها
خليك هنا جنبى علشان نكبر فيها
نزرع ورد وياسمين والبركة تطرح فيها

الهمة والاصرار دى صفات الناس الاخيار
خلى بالك من نفسك متمشيش ورا التيار
انت ليك كلمتك وليك القرار
هتتعب وهتعرق وهتدوس عالنار
لكن لازم تفضل ثابت وتشغل الردار

هدفى انى انجح فى حياتى واحقق كل مناتى
عملت كل حاجة وسمعت كلام ربى الهادى
ده احنا عايشين بخيره متقولش ده كله عادى
لولا رضاه مكناش عشنا لازم تبقى راضى

اخبارك ايه مع اللى حواليك
خلى بالك ده كلهم بيبصوا ليك
ده انت حته منهم مبيفرحوش الا بيك
خد بالك منهم ومتفكرش بس فيك

حط هدف واعتقاد انك لازم تحققه
لازم الفعل والنتيجة يثبت انك مصدقه
متفكرش فى حاجة تانيه غير انك لازم تحققه

الناس انواع كتير سمعى وبصرى وحسى
مش لازم تقول لنفسك يلا اهربى وانسى
دول ليهم عليك حق وانت مسئول عنهم
يلا بقى اثبتلهم اك ليهم كلهم

مصر دى بلدى امى وحبيبتى
لا هقدر انساها ابدا دى زى بنتى
لازم اتغير عشانها واثبت انها ملكى

بتعرف تسوق وتبيع مش هوه ده الموضوع
موضوعنا انك راجل ولازم تقنع كل دول
هتبيع حاجات كتيرة سلع وهدوم
لكن لازم تورينا انك لو وقعت هتقوم

اما شريك حياتى فده نصى التانى
هيعيش معايا حياتى ونحقق الامانى
ولو وقعنا سوا اكيد هنقوم من تانى
هنعيش الحياة سنين بس هتعدى فى ثوانى

اما فلسطين دى حبيبتى وروح الروح
هدعى وهتبرع وممكن كمان اروح
هساعد اخواتى اللى هناك دول هما روح الروح

يوم المنشار ده كان اصعب قرار
اخدته فى حياته انى ولا مكن فى يوم انهار
هتعب واوصل للى انا عايزاه وهكمل المشوار

اما فريق بدايه فليه أحلى سلام
اكيد هيكبر معايا ولو عدت الايام
هيفضل د/مكروم والطيب فى قلبى عطول
وكل فريق بدايه ايوه كل دول
اكيد هكبر معاهم ومش هشيل هموم
كفايه لمتنا الحلوة تغطى كل دول
عمرى مهنساهم ولا حتى يوم

ده الشعر بتاعى الفته النهاردة يوم المنشار احلى يوم فى حياتى النهاردة 16/2/2010 الساعة 4.5 عصرا قبل ماجى التدريب علطول عجبنى الفيديو لفريق بدايه القاهرة 1 و 2 والصور بتاعتهم مع الاغنية فقلت اشمعنه فريق بورسعيد لئة فقلت لازم انى االف حاجة تتغنى وتتحط مع الصور لفريق بدايه طبعا مش نا نفسى الكلمات دى تتعمل اغنية اكيد مش كل دول ممكن حضراتكم د/الطيب ومكروم او الاعضاء او اى حد تختاروا احى كوبليهات ونعملها اغنيه وتبقى تحت اسم فريق بداية بورسعيد معلش انا طولت عليكم اوى انا بدات الكتابة الساعة 11.5 وخلصت الساعة 1 اتعشيت بقى وظبطت نفسى بشكركم وسلام عليكم

السلام عليكم
مش عارفه اقول ايه بجد يوم فوق الوصف بصراحه كان صعب جدا
اولا موضوع الأم كان موضوع مهم جدا جدا جدا ربنا يجازيكم كل خير بجد حسستونا بقيمة الأم والأب وأنفسنا أول مره فى حيااتى كلها اكتب رساله لنفسى
ثانيا المنشار كان صعب اوى بس حسيت بأحساس غرب جدا فى الثلاثه الأخار
طلعت كل طاقتى انا قعدت اعيط كنت خلاص فى اخر لحظه هنسحب بس قلت لازم اكمل وانا بجد بحيى احمد ميدو على التشيجع الى عمله هو ومؤمن كان قوى جدا انا بجد حسيت انى عندى طاقه كبييره جدا وان شاء الله هخرجها فى حجات كتير كويسه
وبشكر د / حمد الطيب على مجىءه بالرغم تعبه
الف شكر ليكم

إيه دههههههههههههههههههههههه خياااااااااااااااااااااااااانة لعبتوا المنشار كان بجد نفسي اوريكم منشاري

الاسم : ساره محمود محمد ابو الحسن
الاسرة :المستقل
الرقم : 116
انااتبسط اوى اوى انهارده خرجت كل طاقتى فى لعبه كنت بفتكر كل حاجه مضيقانى وكل حاجه عايزه اكيرها واغيرها وفعلا كنت بنشرها بغل
حسيت انى اثولت من جديد وارتحت اوى اوى اوى ماكنتش متخيله انى اوصل لكده بجد الحمد لله انى بقيت فى فريق بدايه والحمد لله ان ربنا قدرلنا دكاتره متمايزين وبيعملوا العمل لربنا غيرونا كده بشكرهم كتير جدا جدا
وانا حزينه اوى اوى ان ماعدش غير يومين
مش عرفه هصحى ازاى من غير ماجهز نفسى للكورس واجهز نفسى انى اشوفك

محمد عماد .. 135 .. أسرة التفاؤل



اليوم كان مؤثر جدا وقوي للغاية .....



أول حدث هو اللي أثر فينا جميعا و خلانا نعرف : قيمة الأم و جهد الأب بجد



أنا هأقولكو على الرسالة اللي بعتها لأمي بالنص من غير كسوف أصل انتم خلاص بقيتو أهلي :-



" أمي ... ملاك روحي .. أمي ... قلبي النابض .. أمي ... أجمل نساء الدنيا

كل لما بتكبري بتحلوي (الواد ابنك الكبير)"



أما أبي فهو قدوتي في الحياة هو طيب و مرح جدا وبحاول أبقى في مرحه

وأنا مقدر تعبه علشاني أوي بس هو عصبي شوية وبما نه رياضي فهو قوي شويتين

وكان ويمكن مازال بيضربني ضرب جامد شوية ولسه علامات ضربه معلمة على جسمي من زمان بس لعلمكو الضرب ده هو اللي عمل مني راجل يتحمل المسئولية من صغره و أنا فخور بأبي جدا جدا جدا .



اما لعبة المنشار .... هي لعبة ممتعة ومتعبة

اكتسبت منها طاقة رهيبة ويمكن سلاح ذو حدين



القوة دي بجد تكفي لتقوية ايمان اي مؤمن صالح وتكفي لازهاق روح أي فاسد طالح ...



والله أعلم !!!!

بجد يا سلمى موضوعك اكثر من رائع والشعر جميل جدا انا فرحانة قوى بالجيل الجديد وربنا ينصر الاسلام بينا عاوزة اقولكم اعتراف انا اول لما جيت الكورس ولقيت اعمار سنية صغيرة كتير قولت انا اكيد جيت هنا غلط يإما د/ الطيب هيكلم الكباروالصغيرين مش هيفهموا وهذا ليس عدل ليهم او هيكلم بصيغة يفهمها الصغيرين ودة هيبقى اقل من احتياجاتنا
لكن بعد التدريب اكتشفت ان د/ الطيب ومستر مكروم كانو محترفين قوى حسيت ان هم بيلبوا احتياجات كل واحد فينا على حدا وكل واحد فينا مش حاسس ان ناقصة حاجة
والنقطة التانية ان انتوا بجد رغم صغر سنكم طلعتوا افضل منى بكثير وبجد انا معجبة جدا بطريقة تفكيركم وبدعى ربنا ان اولادى يطلعوا متميزين زيكم

انا بد بفتخر بانى من فريق بداية حياة لانى بجد فخورة بيكوا كلكم رغم عدم معرفتى الشخصية ليكوا كلكم واشعر اكتر من رائع ومشاعركم صادقة ما شاء الله ربنا يعز الاسلام والمسلمين والفترة اللى بعد الكورس هى اللى هتبين انتوا هتعملوا ايه علشان تبقا معانا ومع بعض

انا حطيت الشعر ع الفيس بوك علشان الناس تشوفوا

السلام عليكم
ابرار احمد الخولاني
133
اسرة الحياة
بورسعيد
انهارده كان يوم مؤثر جدا انا بحب امي اوي اوي انا بجد مش عارفه اقول ايه
كمان عرفت بابا بيبئا تعبان ازاي فعلا عمري ما كنت هفهمها بالكلام لكن اللي حصل انهارده فعلا يبين ان الاب ليه عذر مدي الحياة زي ما د/ محمد مكروم قال
لعبة المنشار كانت رائعة حسيت اني جوايا طاقه تهد جبال وان مفيش حاجة اقوي مني وحاجات كتير حاسه انها اتغيرت فيا اليوم ده وواثقه في نفسي اكتر من الاول جزاك الله خيرا د/ مكروم بجد حضرتك عبقري
ود/ الطيب احنا بنحبك جدا جدا وحضرتك كنت تعبان وبردو جيت احنا اتبسطنا اوي اوي حسينا ان احنا غالين عندك زي ما حضرتك غالي عندنا
وماشاء الله عليكي يا سلمي الشعر بتاعك رائع انت مؤلفه شاطرة جدا

السلام عليكم ورحمه الله وبركاته
انهارده كان يوم جميل جدا علشان كان يوم لعبه المنشار فعلا بجد بعد اللعبه حسيت ان نفسيا مرتاحد جدا وندمت علي كل لحظه ضعف مرت في حياتي وان شاء الله لحظات الضعف مش هترجع تاني

سلامي لكل فريق بدايه يا احلي فريق بجد

انا هند اسرة مهما يكون الرقم126
عجبني كلامكم وخاصة شعر سلمي كان اليوم بالنسبة لي هو يوم الانطلاق
لم اكن اعرف ان لعبة المنشار قوية كدة ففى اول 10سم دراعى وجعنى وبدات بالبكاء ولكن بدات علياء تشجعنى انى اكمل وكان لمؤمن دور كبير بتشجيعة ليا وانا
حتى الان اشعر براحة كبيرة جدا جدا جدا جدا جدا جدا جدا جدا
وانا احبكم جميعا حب كبير ومش قادرة استوعب ازاى اقدر ابعد عنكم
وشكر خاص جدا للدكتور/محمد الطيب والمدرب المحترف/محمد مكروم

السلام عليكم ورحمة الله وبركاته


دعاء عماد اسرة مهما يكون 124 بورسعيد

كان يوم رائع عيطت وضحكت وتعبت وكتفى اتخلع وكل حاجه حصلت انهارده

القصة بتاعة الام بجد انا كذا مرة اسمعها بس عمرها ما اسرت فيا كده كنت كل ما بسمعها بقول اه صح ماما تعبت ولازم اريحها بس برجع بعدها بكام يوم زى الاول طبعا انا بشكر مستر مكروم بجد على اسلوبه فى الحكاية فوق الوصف ربنا يجعلة فى ميزان حسنات حضرتك ويشفى حضرتك ود/الطيب ويخليكوا لينا
بعد كده المنشار لما أ/مؤمن واحمد كانوا بيعملوها انا حسيت انا انا مكانهم واعصابى سابت
وقلت دى اكيد انا مش عهرف اجيب فيها الا قليل جدا بس اول اما دخلت فيها صممت انى اكملها وقلت ان انا لو مكملتهاش يبقى تعبى فى الكورس طول المدة دى راح ع الفاضى
ويبقى انا ماستهلش ان انا اكون فى فريق بداية وسط الناس دى بس انا اصلا كنت جاية دراعى واجعنى من يوم السبت من لعبة شريك الحياة روحت بقى دراعى الشمال دا الم فظييييييع ومش عارفه احركو خالص ولا عارفه انام ولا اى حاجة خالص بس انا قلت اما اتعب شوية عشان اتخلص من الجات الى مديقانى طول حياتى والى فى منها كمان انا الى عملتة بإيدى يبقى لازم اهده بأيدى زى ما بنيته كل حاجه كانت مديقانى فى حياتى حسيت انى بنشرها كل شخص كان منغص عليا حياتى اتخلصت منه كل الحجات الى كانت مديقانى استهيفتها اوى فى اللعبة دى قلت هى دى الحجات الى كانت مديقانى اومال بعد كده هعمل فى حياتى ايه واكيد فى مشاكل هتقابلنى اكبر من كده بكتير

واسفة انى طولت عليكوا وشكراااا

السلام عليكم ورحمة الله وبركاته

اولا:انا بشكر الناس العتذرو بجد انا بكلم الكلام ده عشان الطبع ده فينا ولازم نغيرها
وامس كان يوم محزن وجميل وصعب وانا بجد غيرت حياتى من لعبة المنشار انا كنت
حاسس مش هقدر اكمل بس كان فى داخلى قوة هائلة وحسيت انى بنشر مشكلى الحقيقية
وفى نصف اللعبه كنت هيئس واحمد ومؤمن كانو بيشجعونى وانا بشكر د/محمد الطيب
ودكتر/محمد مكروم
وانا راجع البيت حسيت مش هعرف اعيش غركم وبجججججججججججججججددددددددددد
بحبكم كلكم
اسمى :عصام ثابت
اسم الاسرة:المستقبل
رقمى:145

انا سميه القاضى اسرة التفائل 144 بجد الام عطاء بلا حدود وبدون مقابل مهما تعمل لازم نكون تحت رجليها احساسى
بالاب منتهى التعب والمعاناه والتحمل يمسح كل سلبيه وعرفت ان نفسى غاليه على وبلاش احملها فوق طاقتها جزاكم الله خيرا عنا .
اما تاثير لعبة المنشار اثرت فيه جدا وكنت بلعبها بروحى كل القيود اتفكت جوايا قدرات هائله وطاقه مخزونه حسيت بروح التحدى والاصرار على فعل الخير وممكن نصنع النجاح بروح الاراده ولازم ننسى احقادنا ونثبت للى اساء الينا اننا احسن منه ومش فاشلين تحيه لاعظم مدربين ولاعظم فريق .

بسم الله الرحمن الرحيم

انا إسراء أسرة المستقبل ورقمي 118

مش عارفة اقول ايه عن اليوم ده غير انه فعلا هو ده التدريب ده خلاصه التدريب كله

كلام مستر مكروم عن الام والقصه اللي حكاها كلام جامد جدا والام مش ممكن نقولها في كلام دي اعلي من الاحساس

بصراحه انا عمري ما بكيت لما سمعت كلام عن الام زي المره دي عمري ما كتبت رساله لماما وانا ببكي كده انا

خرجت برة القاعة لاني مكنتش قادرة استحمل وكنت حابه اكون لوحدي وابكي مع نفسي وبس وكلمت ماما لكن

معرفتش اوصلها للاسف وده بكاني اكتر ووقتها كان نفسي استاذن واروح لاني كنت حاسه ان الموقف اكبر مني

بس تراجعت عن الفكرة , وعجبني جدا كلام مستر مكروم عن الاب والتطبيق العملي اللي عودنا عليه واللي وضح

الصورة اكتر وخلاني احس اد ايه الاب بيشيل جبال احنا مكناش بنحس بيها واد ايه تعب عشاننا واكيد حرم نفسه

من حاجات كتير عشان خاطرنا واحنا كان كل همنا نقول عاوزين كذا وكذا بجدالجزء الاول من اليوم كان جامد جدا

اما بقي الجزء التاني فكان جامد اخر حاجه يعني لعبه المنشار دمار بس اخرها انتصار

بصراحه لما مؤمن واحمد بداوا يلعبوا كنت مترقبة ولما لاقيتهم بذلوا مجهود فظيع وبعدين مستر مكروم قالهم فاضل

80سم وهما كان باين عليهم المجهود انا تفاعلت معاهم وتعبت حسيت اني انا اللي بلعب لدرجه اني حسيت ان قلبي

هيقف من كتردقاته وغير كده سخريه مستر مكروم منهم واستهزاءه بمجهودهم واصراره علي انه يحبطهم بالطريقه

المستفزه دي ضايقني بجد بس لما فكرت عرفت انه فعلا ممتاز لانه كده بيدربنا علي اللي بيحصل في الحياة فعلا ولما

مستر مكروم قال زيرو فرحت جدا

ولما جه الدور علينا بقي قلت ربنا يستر وتخيلت فعلا اني بنشر الشجرة اللي فيها كل حاجه جرحتني وكل حاجه

سببت فشلي في بوم من الايام وكل حاجه بتتعبني وقلت لازم اخلص منها وبدانا ولما عدينا مرحله صغيرة في الاول

تعبت وكان عندي احساس اني مش هقدر اكمل بس التشجيع المستمر من مؤمن واحمد كان بيساعدني كتيرو

لمامستر مكروم قال لسه 75سم قلت هتعب وهكمل مهما كان ولما وصلنا ل50سم كنت تعبانه جدا ومستر مكروم في

وقت ما كنت حاسه بتعب شديد قعد يقولي نامي كفايه كده بجد حسيت بكلامه وتعبت اكتر بس قلت لازم اكمل وكمان

فاطمة لما تعبت شجعتني وانا كما شجعتها لما تعبت رغم اني كنت حاسه باحباط بس قلت اني اقوي واني هكمل رغم

الاستفزاز المستمر من مستر مكروم بس ده كان بيدفعني اني اكمل ولما خلصنا وقتها حسيت اني انتصرت واني

اتخلصت من كل حاجه وعرفت اننا هنتعب عشان نوصل بس المهم نكمل

بجد يا مستر مكروم شكرا ليك جدا علي مجهودك الرائع معانا ربنا يجعله في ميزان حسناتك

د/ محمدالطيب مش عارفه اقولك ايه بس بجد لما شوفتك معانا رغم تعبك عرفت اد ايه اننا عائله واحده وان عمرك ما هتتخلي عننا مهما كان وربنا يعافيك يا دكتور ويجزيك عنا خير الجزاء

السلام عليكم ورحمة الله وبركاتة

الاسم:علاء محمد ثابت الاسرة:الامل الرقم:146

أنا بصراحة لم أتكلم عن الاكل عمتآ ولكن لازم ان نفكر فى غيرنا اولأ ونتعاون مع بعضنا كما قال د\محمد مكروم ان نفكرفى الغيراولأ وانااشكركم على اعتذاركم

بجد هتوحشونى كلكم وبذات الدكترة واشكرهم على كل ما فعلوة من اجلنا جميعآ

وعلى المتدربين ان لا نفترق ونتصل ببعضنا عبر النت ونكتب ايجابيتنا على النت ولا نتوقف واريد ان نجتمع مع كلنا ونذهب الى الداركل جمعة ان شاء الله

ولقد استمتعت فى هذا اليوم وكيف انشر مشاكلى وعرفت بجد اهمية الام وان لا احرم نفسى من شئ وفعلا كان يوم صعب حتى عندما رجعت الى البيت عظامى كان متكسر

انا اسراء السيد احمد اسرة الحياة رقم 147 بورسعيد/الحصة كانت جميلة ومؤثرة بالنسبة لقصة الام اللى علمتنا اد اية الام ضحت كتير علشانا وتعبت كتير علشانا واحنا مكناش مقدرين دة لكن بعد القصة اللى قالهالنا د/محمد مكروم عرفنا ان الام تستاهل كل حنان وادب لانها تعبت كتير علشانا وعرفت اد اية الاب شايل هموم كتير فوق راسة واحنا مش حاسين وانا اول مرة افكر فى نفسى واكتبلها واوعدها انى حافكر فيكى قبل ما افكر فى نفسى علشان انتى ياماتعبتى علشان ترضينى بالنسبة للمنشار كان صعب فى الاول لكن العزيمة والاصرار جعلت كل حاجة سهلة بس انا بصراحة كنت مش قادرة اكمل فى النص لكن طنط سالى كانت بتشجعنى على انى لازم اكمل والحمد للة كملت وانا بشكرا/ مؤمن توفيق وا/احمد عبد الوهاب على التشجيع اللى زاد من مدى الاصرار والتحدى بصراحة انا كنت حاطة صورةا/ مؤمن وا/احمد قدامى وانا بلعب علشان اكمل وانا بشكر د/محمد مكروم /ود/محمد الطيب على المجهود اللى عملوة معانا ولكم جزيل الشكر

انا طول اليوم بره البيت بنشر بمنشار التحدي ....... كل مشاكلى في الكلية ..........كانت أصعب مواجهة في حياتى اليوم ....
لسة راجعة ...لما أشوفكم هحكي لكم ايه الى حصل
شكر لكل من ساعدنى اليوم.....

منى محمد
143
التفاؤل
السلام عليكم و رحمة الله
اليوم العاشر كان معنى التحدى و المثابرة

baravo 3alako ya fari2 badayaaaaaaaaaaaaaaaaaa

أ/مؤمن ربنا يكرمك يا رب جزاك الله خيرا على التعليق المشرف ده
أ/ايمان عكاشه بجد انا مبسوطة جدا لرد حضرتك وفرحنى جدا
هنوده حبيبتى متشكرة جدا على الرد ده يا عسل ربنا يخليكى يا رب وكمان بشكر ايمان اختك سلميلى عليها كتيييييير
منال ابراهيم بجد بجد انا بشكرك جدا على المجهود ده حقيقى كان نفسى اتعرف عليكى يوم المنشار لكن مكانش فيه وقت خالص لكن انا ان شاء الله مسافرة القاهرة بكرة بشكرك بس انا بقالى كام يوم عماله احاول اسجل فى الفيس بوك بس فى شويه مشاكل فى التسجيل هتتحل وابقى ادخل ان شاء الله