اليوم السابع

اليوم ده يا جماعه انا كنت مبسوط جدا بوجود فريق بدايه القاهره اول فريق اتعمل وشفت اد ايه الناس دى بيحبونا وعايزين يعملونا اى حاجه بجد يجماعه انا بحبهم كلهم فى الله بشكرهم كلهم بجد انهم سابوا كل حاجه وجم يقضوا السوم معانا واد ايه كاناو فرحانين بوجودهم معانا لدرجه انهم مكانوش عايزين يمشوا
بصراحه كنت مبسوط جدا بوجود فريق دمياط كمان معانا وعجبتنى المنافسه الى كانت بنا
واتعلمت من محاضره مستر مكروم معنى الحب وازاى نحول الكره الى جوانا لحب واتعلمنا كمان معنى شريك الحياه وفعلا الواحد لازم يكون له شريك حياه لان شريك الحياه ده هو كل حاجه بالنسبه ليا لانه عينه الى بشوف بيها وهو الى يدافع عنى مهما كان وهو الى يضحى بنفسه لاجلى
وبصراحه اللعبه كانت ممتعه جدا واتعلمت منها بردوا ان الواحد قد مبيدى شريكه شريكه هيديله واكتر كمان متعرفوش اد ايه كنت خايف على شريكى وكنت بحاول احافظ عليه من كل الاماكن هو اه اخد 4 خبطات بس الباقى كنت بخدهم انا او بصدهم عنه بس انا عملت ده وانا كمان معرفوش غير اسم واتلاقيت لما انا غمضت عينى هو بدأ يدافع عنى بكل حاجه لدرجه انه كان هيضرب الى بيضربى بس الحمد لله مسكته ولما فى الاخر غمونوا احانا الاتنين انا عايز اقولكم انى جبته فى اول مره سبحان الله مش عارف ازاى بس عرفته هو كان نادى مره ورحتله وبعدين الشاره وقعت فجم يعدلوهالى فبعدونا عن بعض وقعدوا يزقونا علشان يبعدونا ويكعبلونى بس الحمد لله مش بقع واستحملت وميأستش وقلت لازم اجيبه واتعورت والحمد لله بس جبته فى الاخر عرفته من اديه ووشه ومسبناش بعض خالص حتى لدرجه اننى اتسحبنا فى الارض بس بردوا مسبتهوش
بجد يجماعه احلى الايام الى عشتها بمعانيها فى حياتى
طبعا قبل منلعب اللعبه عملنا قسم وان شاء الله اوفى بوعدى فى القسم وموقفش العلم عندى واوديه لكا الى هشوفه ان شاء الله
جزاكم الله خيرا يا مستر مكروم ويادكتور الطيب بجد علمتونا حجات كانت غايبه عننا كتييييييييييييير بجد انا بشكركم جدا جدا جدا على المجهود الرائع الى بتبزلوه معانا والى خليتوا الواحد بجد بعد ميأس من التغير رجعتله الحياه وبدأ فعلا يتغير ويشوف الدنيا بوش تانى والحمد لله