اليوم السابع

من طرف Israa الأحد 14 فبراير 2010, 1:45 pm

السلام عليكم ورحمة الله وبركاته

انا اسراء اسرة المستقبل رقم 118

مش عارفة اقول ايه عن اكثر الايام روعة في حياتي كلها اليوم اللي فعلا من اوله لاخره كان يوم جامد جدا جدا لحاجات كتيييييييييير اويواستفادات عظيمة جدا منها

1-التجمع الرائع واللي بصراحة كنت منتظراه ومتشوقه جدا لاني اشوف الفريق الاول في القاهرة ورقم واحد والمجموعه الجميله في دمياط وبورسعيد والقاهرة بصراحة اجمد واجمل يوم

2-التعارف الجميل اللي حصل بيننا واللي بجد بشكر مستر مكروم ودكتور الطيب انهم اتاحوا لينا الفرصة الجميله دي وبجد مهما عملت مش هقدر اوفيهم حقهم علي كل حاجه عملوها معانا

3-بصراحه كانت مفاجاة كبيرة ليا اني ابدا لعبة شريك الحياة مع شخص غير اللي كنت مختاراه واتعلمت منها كتير جدا وعرفت اني ممكن أختار شريك حياتي لكن الاقدار متجمعش بيننا ولازم أفكر وقتها هعمل ايه ولازم اتصرف علي الاساس ده والحمد لله ده اللي حصل اني قدرت اتواصل مع شريكة الحياة اللي كانت معايا في اللعبه رغم اني ممكن اكون نسيت اننا نحط استراتيجيه للعب لاني مكنتش واخده بالي كويس من تخطيط الارض اللي هنلعب فيها بس قدرت احافظ عليها رغم كل الظروف اللي مرينا بيها

4-عرفت حاجه مهمة جدا جدا ان شريك الحياة دي مش مجرد كلمة بنرددها ومش الانسان اللي بقضي وقت معاه وخلاص لا ده يعني انا يعني خوفي وقلقي وتوتري واحاسيسي كلها بتكون معاه بيحسها من غير ما اتكلم وبيعرف ازاي يتعامل معاها وبيعرف يطمني ويحافظ علي من نفسي ومن اي حاجه في الدنيا

5-عرفت ان المحافظة علي شريك الحياة مسئولية كبيرة جدا جدا لان لازم وانا بحافظ عليه احافظ علي نفسي كمان عشانه وعشاني وعرفت ده واحنا بنلعب لان وانا بعدي بشريك الحياه في كل المعوقات دي كان لازم اخد بالي اني لو مثلا وقعت من ع السلم هي كمان هتقع وكده مش هبقي حافظت عليها

6-واهم حاجه بقي نعمة البصر اللي بدعي ان ربنا ميحرمش حد منها ابدا لاني في الوقت اللي كنت مغميه عيوني مع الاصوات اللي كنت بسمعها ده كان احساس صعب جدا اني اكون مش شايفه حاجه من اللي بسمعه وده يمكن كان سبب خوفي لكن انا كنت واثقه ان شريك الحياه لازم هيحافظ عليا وهيعديني من اي صعوبات تقابلنا

اخر حاجة بجد احب اقول لمستر مكروم ودكتور الطيب بجد انتوا ناس رائعين جدا جدا اسلوبكم في التعليم مالوش حل ماشاء الله يعني فعلا بالنسبة ليا بحر علم مش ممكن ينتهي فعلا عرفت حاجات كتير جدا ممكن لو كنت عرفتها بطريقه تانيه مكنتش هستقبلها صح لكن فعلا انتوا ساعدتوني كتييييييييييير جدا ربنا يجعله في ميزان حسناتكم

وفي حاجات كتيرجدا اتعلمتها معاكم بس انا للاسف غالبا مش بعرف اخرج كل اللي جوايا جايز لاني الغالب في انظمتي التمثيليه هو الحسي و ده شيء مضايقني كتير بس ان شاء الله هتغلب عليه