اليوم الاول ( الدفعة السابعه تعارف أعضاء الجدد بأعضاء الفريق

عمر محمود الجبروني
رقم198
اسرة رقم 2
اسرة الحياة والامل
اب الاسرة
17 سنة
طالب :طالع ثالث ثانوي

والله الحمدلله اليوم كان جامد جدا واستفدت منه كتير اوي بدنيا وعقليا
واتعرفت على ناس كويسة جدا
واسرتي كويسين جدا في عينيهم الحماسة
وانشاء الله نكون احسن اسرة
انا انهارده الحمدلله في اول يوم طلعت باصابتين
بس انا حبيت اشكر اسرتي وكمان المدربين: د.محمد مكروم و د.محمد الطيب

انا اسمى :تسنيم عادل الرفاعى العتال
فريق بداية : اسرة ميلاد جديد
رقم :213
انا عندى 18 سنة وسبع شهور الفرقة الاولى بكلية الصيدلة جامعة قناة السويس بالاسماعيلية
اما بقى انطباعى عن اليوم
طبعا اليوم كان تحفة جميل جدا واكتر حاجة عجبتنى لعبة دائرة النجاح والفشل بجد استفدت منها كتير لأنى بواجه حاجات كتير ف حياتى بتقلل من عزيمتى واصرارى
على تحقيق هدفى بس بجد اتعلمت من اللعبة الاصرار والمقاومة لحد لما اوصل لهدفى ده غير الارادة والعزيمة اللى مفروض تكون موجودة من الاول علشان اقدر اكمل للنهاية
وبرده عجبنى جدا درس ادارة وتخطيط الوقت لأنى دى حاجة معظمنا بما فيهم انا بيوقعوا فيها وبنرجع لما يضيق بينا الوقت نقول يا رتنا كنا عملنا من زمان
بس انا عندى مشكلة ف الجزء ده انى فعلا مش بنظم وقتى كويس جدا الا لما تكون حاجة بجد همانى وعاوزة احقق فيها مستوى معين من النجاح لكن ف حياتى العادية بحس انى يومى ملخبط يعنى زى ماتيجى وده اللى بيخلى وقتى ف الدراسة اكتر تنظيم بكتيرجدا من الاجازة
بس
معلش طولت عليكو
اما بالنسبة للجروب اللى معانا كله بجد جميل جدا بس مشكلتى انى مش باخذ على الناس بسرعة ربنا يستر بس وميخلص التدريب وانا لسة مش عارفة اخذ ع الجو
احابة اشكر دكتور محمد الطيب ومستر محمد مكروم جدا ع المجهود الكبير اللى بيبذلوه وربنا يجعلوا ف ميزان حسانتهم ان شاء الله
واسفة مرة تانية ع الاطالة

الاسم : تسنيم عطية السعداوي
الدفعة السابعة
الاسرة : أسرة التعاون
الاسرة رقم 1
الرقم : 195
السن : 17
الدراسة : الثالث الثانوي – علمي – ازهر
عايزة اقول ان النهاردة كان يوم رائع بجد و استفدت حاجات كتير جدااااااا واتعلمت اني التزم بالأوامر المطلوبة مني حتى لو كانت مش على مزاجي . و سرعة الاستجابة للاوامر ....
و اتعلمت من لعبة دائرة الفشل اني اقاوم الناس اللي بيحبطوني و مش اخليهم يأثروا عليا
في ادارة الوقت اتعلمت اني ارتب اولوياتي صح و أهم حاجة اتعلمتها اني لازم يكون معايا على طول قائمة مهام و الحكاية دي مهمة بالنسبة لي لاني لما يكون عندي حاجات كتير المفروض اعملها من غير قائمة مهام كانت كل حاجة بتتلخط و في الاخر مكنتش بعمل اي حاجة
في الاخر عايزة اشكر د/ محمد الطيب و مستر مكروم جدا جدا جدا

اسمى معاذ عادل الرفاعى العتال
اسرة الحياة ولامل
رقم 200
طالع سنة خامسة
النهاردة اليوم عجبنى جدا وكنت مبسوط واتعلمت تنظيم الوقت واتعلمت من دائرة النجاح والفشل ان لو في ف دماغى حاجة ومصر عليها لازم يكون عندى ارادة انى اكملها

الاسم:سمية تىسىرمزروع
السن:17
الاسرة : رقم 1 التعاون
رقم:193
الصف الثالث الثانوى العلمى الازهرى
انا مبسوطة اوى النهاردة لانه كان ىوم جدىد علىا مكنتش متوقعه ان هوة يطلع حلو اوى كدة
وانا استفدت اد ايه الوقت مهم اوى و اد ايه لازم نتعب عشان نكون ناجحين
وأحب اشكر د.مكروم و د. الطيب

الاسم: دعاء عماد
السن: 15
الاسرة: مهما يكون
الرقم: 124
فريق بورسعيد الدفعه الاولى


مبسوطه جدااااااااااااااا ان احنا عددنا كبر فى بورسعيد وان شاء الله نزيد اكتر واكتر وان شاء الله تستفيدوا وتكون بداية حياة ليكوا ولينا يارب وهتقضوا احلى ايام حياتكم بجد فى الفريق مع احلى صحبه

السلاااام عليكم
ازيكم جميعا انا النهارده كنت مبسوطه جدا لأنى اتعرفت عليكم واحلى حاجه انى بشوف عائلتى بتذيد قدامى واليوم كان ممتع جدا كان نفسى أحضر معاكم دائرة النجاح والفشل بس انا جيت متأخر بس الحمد لله حضرت درس ادارة الوقت كان حلو جدا واستفدت منه كتير وحسيت ان المعلومات بدأت تثبت فى دماغى أكتر أحب أشكر مستر \مكروم و د\ الطيب
شدوا حيلكم الأيام الجايه فى التدريب أحلى ان شاء الله وهتستمتعوا كتييييييييييييير
الأسم:مروة سيد سليمان
الدفعه : الرابعة
الأسرة : التفاؤل
رقمى فى الريق : 142

السلام عليكم ورحمة الله وبركاته
انا اسمي.....
مصطفى حسن حسين امين
204 اسره بكره احلا
الاب
18 : السن
الدراسه : الثالث ثانوي

..................................................
انهرضه كان اول يوم جد في التغيير نبدا من اول حاجه
احنا كلنا او معظمنا مكناش بنقف طابور في اي حاجه عموما اذا كانت طابور مدرسه ولا مقصف ولا حتى فرن انا الي اتعلمتو النهرضه ان الكل لو وقفو في ترتيب وتنظيم هيوصلو وهيقدرو يعملو بمعنى انا اول ما بقف في طبور العيش والكلام ده للولاد بس البنات يعتبروها طابور كوافير مسلا المهم الكل بيكون واقف في الطابور عايز يكون هو الاول احنا اتعلمنا في تنظيم الوقت اننا نعمل جدول وننظمو عشان ناخد اسرع وقت وامجهود اقل مع كفائه عاليه بظبط نفس النتيجه لما نقف طابور كلنا هنكون عرفين دورنا مستعديين وهنخلص بسرعه الحاجه الي بنعملها بس لو احنا معملناش طابور هتلاقي كلو عمال يخبط في بعضو وفي الاخر محدش هيوصل ومتهيألي ان هيا دي الفكره في ترتيب الطابور وتنظيم الوقت يعني كل حاجه بنعملها مرتبيطه بلي بعدها ونيجي طبعا ل دائرة النجاح والفشل طبعا بعد ما تعبت وجبت اخري برضو عديت في الاخر بس لاني مصر ومكنتش حاطت في بالي فكره اني مش هقدر لاننا بجد نقدر وبسهوله يعني أ. مكروم انهرضه قال الي ميراعيش ظروفك يبقى مش خايف عليك ودول ديرة الفشل محدش فينا يقبل انو يكون لعبه في ايد حد يعني دائرة الفشل اللي حوليك بيلاقوك اتغيرت بيغيرو بيحسو انك احسن منهم وده صحييح بس لييه لانك لقيت الطريق وهما لسه مش عرفين هما فين اصلا بجد النهرضه اكتشفت ان كل حركه عملناها ازا كانت درس ولا لاعبه ولا اي حاجه بجد مرتبطه ببعض وتنتج في الاخر تفكير اجدد وعن تنظيم الوقت ده كان حاجه من الاساسيات الي انا داخل عشانها لان صعب جدا انك تعرف قيمت الوقت قبل ما يفوت ديما بتعرفو بعد ما يفوت الوقت وطبعا انا بزات عرفت كده بعد ما أ . مكروم خلاني الف قدامكم اما عن الاسر ف دي فكره ممتازه جدا بجد وطبعا اسرتنتا اسره ممتازه والعيله كلها دفعه هايله وشكرا طبعا للأستاز محمد مكروم وللدكتور محمد الطيب واسف على الاطاله

live as u like كتب:انا اسمى :تسنيم عادل الرفاعى العتال
فريق بداية : اسرة ميلاد جديد
رقم :213
انا عندى 18 سنة وسبع شهور الفرقة الاولى بكلية الصيدلة جامعة قناة السويس بالاسماعيلية
اما بقى انطباعى عن اليوم
طبعا اليوم كان تحفة جميل جدا واكتر حاجة عجبتنى لعبة دائرة النجاح والفشل بجد استفدت منها كتير لأنى بواجه حاجات كتير ف حياتى بتقلل من عزيمتى واصرارى
على تحقيق هدفى بس بجد اتعلمت من اللعبة الاصرار والمقاومة لحد لما اوصل لهدفى ده غير الارادة والعزيمة اللى مفروض تكون موجودة من الاول علشان اقدر اكمل للنهاية
وبرده عجبنى جدا درس ادارة وتخطيط الوقت لأنى دى حاجة معظمنا بما فيهم انا بيوقعوا فيها وبنرجع لما يضيق بينا الوقت نقول يا رتنا كنا عملنا من زمان
بس انا عندى مشكلة ف الجزء ده انى فعلا مش بنظم وقتى كويس جدا الا لما تكون حاجة بجد همانى وعاوزة احقق فيها مستوى معين من النجاح لكن ف حياتى العادية بحس انى يومى ملخبط يعنى زى ماتيجى وده اللى بيخلى وقتى ف الدراسة اكتر تنظيم بكتيرجدا من الاجازة
بس
معلش طولت عليكو
اما بالنسبة للجروب اللى معانا كله بجد جميل جدا بس مشكلتى انى مش باخذ على الناس بسرعة ربنا يستر بس وميخلص التدريب وانا لسة مش عارفة اخذ ع الجو
احابة اشكر دكتور محمد الطيب ومستر محمد مكروم جدا ع المجهود الكبير اللى بيبذلوه وربنا يجعلوا ف ميزان حسانتهم ان شاء الله
واسفة مرة تانية ع الاطالة

اختى تسنيم متخافيش حكاية انك تتعودى على الناس ديه ان شاء الله هتتخلصى منها نهائيا خلال ايام التدريب وهابقى افكرك
اختك
منال ابراهيم
رقم 30 الدفعة الاولى القاهرة

zezo كتب:اسمى معاذ عادل الرفاعى العتال
اسرة الحياة ولامل
رقم 200
طالع سنة خامسة
النهاردة اليوم عجبنى جدا وكنت مبسوط واتعلمت تنظيم الوقت واتعلمت من دائرة النجاح والفشل ان لو في ف دماغى حاجة ومصر عليها لازم يكون عندى ارادة انى اكملها

اهلا بيك يا معاذ انا عايزة اقولك انى فرحانه بيك قوىى بشكل خاص لان انت اللى خليت فريق يعدى رقم 200 فانت ليك معزة خاصة عندى ان شاء الله تستفاد معانا
اختك
منال ابراهيم
رقم 30
الدفعة الاولى
القاهرة

proof _ 204 كتب:السلام عليكم ورحمة الله وبركاته
انا اسمي.....
مصطفى حسن حسين امين
204 اسره بكره احلا
الاب
18 : السن
الدراسه : الثالث ثانوي

..................................................
انهرضه كان اول يوم جد في التغيير نبدا من اول حاجه
احنا كلنا او معظمنا مكناش بنقف طابور في اي حاجه عموما اذا كانت طابور مدرسه ولا مقصف ولا حتى فرن انا الي اتعلمتو النهرضه ان الكل لو وقفو في ترتيب وتنظيم هيوصلو وهيقدرو يعملو بمعنى انا اول ما بقف في طبور العيش والكلام ده للولاد بس البنات يعتبروها طابور كوافير مسلا المهم الكل بيكون واقف في الطابور عايز يكون هو الاول احنا اتعلمنا في تنظيم الوقت اننا نعمل جدول وننظمو عشان ناخد اسرع وقت وامجهود اقل مع كفائه عاليه بظبط نفس النتيجه لما نقف طابور كلنا هنكون عرفين دورنا مستعديين وهنخلص بسرعه الحاجه الي بنعملها بس لو احنا معملناش طابور هتلاقي كلو عمال يخبط في بعضو وفي الاخر محدش هيوصل ومتهيألي ان هيا دي الفكره في ترتيب الطابور وتنظيم الوقت يعني كل حاجه بنعملها مرتبيطه بلي بعدها ونيجي طبعا ل دائرة النجاح والفشل طبعا بعد ما تعبت وجبت اخري برضو عديت في الاخر بس لاني مصر ومكنتش حاطت في بالي فكره اني مش هقدر لاننا بجد نقدر وبسهوله يعني أ. مكروم انهرضه قال الي ميراعيش ظروفك يبقى مش خايف عليك ودول ديرة الفشل محدش فينا يقبل انو يكون لعبه في ايد حد يعني دائرة الفشل اللي حوليك بيلاقوك اتغيرت بيغيرو بيحسو انك احسن منهم وده صحييح بس لييه لانك لقيت الطريق وهما لسه مش عرفين هما فين اصلا بجد النهرضه اكتشفت ان كل حركه عملناها ازا كانت درس ولا لاعبه ولا اي حاجه بجد مرتبطه ببعض وتنتج في الاخر تفكير اجدد وعن تنظيم الوقت ده كان حاجه من الاساسيات الي انا داخل عشانها لان صعب جدا انك تعرف قيمت الوقت قبل ما يفوت ديما بتعرفو بعد ما يفوت الوقت وطبعا انا بزات عرفت كده بعد ما أ . مكروم خلاني الف قدامكم اما عن الاسر ف دي فكره ممتازه جدا بجد وطبعا اسرتنتا اسره ممتازه والعيله كلها دفعه هايله وشكرا طبعا للأستاز محمد مكروم وللدكتور محمد الطيب واسف على الاطاله

ازيك يامصطفى انا حبيت ارد عليك لانك بجد فكرتنى بنفسي فى دفعتى كنت دايما بفكر فى كل حركة بتحصل وقد ايه هى مرتبطة باللى بعدها وبحاول افهم هو الدكتور بيأمرنى كده ليه وكنت الى حد ما على كلام الدكتور بفهم صح ان شاء الله تستفاد اكتر واكتر وخليك كده دايما
اختك منال ابراهيم
رقم 30
اسرة الاصرار
الدفعة الاولى القاهرة

السلام عليكم ورحمة الله وبركاته
بعد ما رديت على بعض التعليقات الخاصة بكم لانها شدتنى بجد انا قريت كلامكم كله وكله ممتاز وفرحانه بيه قووووى وباين عليكم انكم ماشاء الله دفعة ممتازة
اعرفكم بنفسي
انا اسمى منال ابراهيم
رقم 30
اسرة الاصرار
الدفعة الاولى
القاهرة
العمر: 28 سنة
المهنة : باحث شئون تجارية بشركة " بتروتريد" و محاضرة فى فريق بداية حياة
انا الحمد لله ربنا اتعم عليا وكنت فى الدفعة الاولى للفريق ولسة فاكرة كل يوم كأنه امبارح وانتم بتفكرونى بيه كمان بتتكلموا وانا حاسة بكل كلمة بتقلوها وبتخيلكم فربنا معاكم يارب
نصحيتى ليكم استفادوا بكل دقيقة بما انكم اخذتم ادارة الوقت لان اللحظة بجد بتفرق اتمسكوا بكل اللى هتخدوه معانا فى التدريب وخلوا عندكم ارادة للتغير وانكم تكملوا المشوار لان دائرة الفشل اللى لعبتوها النهارده للاسف اول ما تخلصوا التدريب هتاقبلكم بقوة لانكم من غير ما تعرفوا هتلاقوا نفسكم اتغيرتم وتصرفاتكم بقت انضج واعقل وده مش هيعجب الاخريين بسهولة وللاسف برضه ممكن ميعجبش اقرب الاقربين ليك لانه مش فاهم انت اتغيرت فى ايه وممرش باللى انت هتمر بيه ان شاء الله فمن دلوقتى حط درس دائرة النجاح والفشل وخد قرار انت عايز تكون فى انهى دائرة
انا وفريق القاهرة تحت امركم فى اي شئ تطلبوه ومش هنتاخر صعبان عليا انى مش قادرة اجى بس اتعلمت فى المستوى الثانى انى لازم اعمل الاهم وبعد كده المهم والاهم عندى الان اننا بنحضر تدريب المستوى الاول فى القاهرة ادعوا لينا
اسفة للاطالة
اختكم منال ابراهيم
رقم 30
الدفعة الاولى القاهرة
ملحوظة للبنات اللى عايزة منى حاجة تاخد رقمى من دكتور الطيب او من الاستاذة زهراء

السلام عليكم
أنا إسمي بتول عطيه محمد
رقم 202
أسرة الحياة والأمل
الدفعة السابعة بورسعيد
السن 23 سنة
خريجة كلية الهندسة قسم عمارة (إن شاء الله ...النتيجة لسه مطلعتش)
جامعة الأزهر

بالنسبة لليوم إنهاردة كان يوم ممتع و مؤثر ..خصوصا لعبة دائرة النجاح والفشل الحقيقة أثرت فيه جدا ...كمان الإلتزام بالمواعيد من أكتر الحاجات اللي أنا محتاجة أتعود عليها...لكن بصراحة جلسة الإسترخاء ماحستش بيها نهااااااائيا كنت حاسة إني مغمضة عنية بس ...وكمان الناس حاسة إني ماندمجتش مع الناس أوي لكن أتمنى ده يتغير الأيام اللي جاية....يا ريت كمان اليوم يكون أقصر شوية أصل أنا باحس بالملل بسرعه جدا ومش باركز لفترة طويلة.....بس عموما اليوم جميل....شكرا

أنا بتول عطية
أسفة لأني كتبت أكونت أختي تسنيم ......

السلام عليكم ورحمه الله وربكاته
ازيكم يا فريق بدايه بجد انا فرحانه جدا علشان عددنا بيزيد وفرحانه اكتر ان اتعمل دفعه تانيه في بورسعيد وان شاء الله هتساعدونا ونعمل دفعه ثالثه علشان اكبر عدد من شبابنا يستفادوا
كمان اقولكم استفادوا واستمتعوا بااحلي ايامكم لانها بجد فعلا هتكون احلي ايام هتعشوها
انا هتنسنا ردكم في اخر يوم تدريب علي هل فعلا احلي ايام عشتوتها واستفادوا ولا لا ؟
معاكم ساره عادل الرفاعي
اسره الامل
رقم 107
بكالوريوس تجاره شعبه محاسبه

الاسم: اية شريف ابو زيد
الاسرة: التعاون
الرقم:192
السن 12سنة
الدرسة الصف الاول الاعدادى
انا النهاردة استمتعت فى الاستخاءوحسيت انى بحلم و صحيت لما مستر مكروم قال فتحوا عنيكواواستفد من لعبة دائرة النجاح ودائرة الفشل لما اكون عايزة حاجة لازم اصمم اعملها واستفد في محاضرة مسترمكروم تنظيم الوقت و تخطيطه

السلام عليكم و رحمة اللة وبركاتة
الاسم:الاء
السن :15
الرقم:223
الفرقة:المستفبل
الدارسة الصف الاول الثانوى
انهاردة كان يوم رائع لعبنا و ابسطنا و راجعنا فرحنين
بدانها بالاسترخاء فالاول حست انى مغنوقة وبعدنا حاست براحة
وعملنا بعدها رياضة خفيفة لعبنا لعبة دائرة النجاح و الفشل كانت جميلة
وحضرنا محضرة عن ادارة الوقت و الاستفادة و كان يوم رائع

السلام عليكم و رحمة الله و بركاته
انا إسراء ابو زيد
رقم208
من اسرة بكره احلى (ابنة)0
السن 17
طالبة فى الصف الثالث الثانوى الأزهرى
انا سعيدة جدا باليوم الأول الي أتغيرت في من قبل ما ابدئه لما رحت بدرى ودا غريب بالنسبالى إن ماكنش
حدث فى مثل هذا اليوم و وقفت طابور الى كنت اربت انسى شكله وفى دائرة النجاح و دائرة الفشل اتعلمنا انه مهما كانت القوة و الموارد قليلة ممكن نولد القوة من داخلنا و اتعلمت اكتر ان تشغيل عقلنا ممكن يوفر كتير فى الوقت و المجهود و دا مش فى دائرة النجاح و الفشل بس دا فى كل حاجة في حياتنا واكتر حاجة حبتها اننا اتعلمنا طرق استثمار الوقت اكيد مشممكن نعملهم كلهم مرة واحداة بس نحاول نعملهم لحد ما نوصل ل%100 من استثمارالوقت وانا سعيدة جدا باسرتى وكمان الفريق وشكرا جدا لمستر محمد مكروم و د محمد الطيب