امتحان تجربة اللغة العربية للثانوية العامة المصرية لعام 2010

من طرف ROFAYDAH الأحد 30 مايو 2010, 7:21 am

السؤال الأول: التعبير
اكتب ما لا يقل عن 650 سطر في احد الموضوعات التاليه:
-لم يجد الطفل غير الشارع ملجأ نظرا لحالة البلد الهباب..فاتجه إلي السرقةوالقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته قبل دق الجرز وسلم الورقة للباشا مراقب اللجنة
- شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب مايمليه عليك ضميرك على أن يبدأ موضوعك بعبارةأنا باشتغل فى حديد عز

- بعد انتشار ظاهرة أكل لحم الكلاب والحمير..من وجهة نظرك تكلم عن هذه الظاهرة ومن المتسبب فيها .... بدون غلط..الورق متراقب

ـــــــــــــــــــــــــــــــــــــــــــــــــــــــــــــــــــــــــــــــــــــــ
السؤال الثانى: القصة
من قصة " وعهد الله ما انت داخل الانتخابات" .. اقرأ القطعة وأجب عن الآتى
ثم أتى إليه وضربه بالجزمة وقال: انت عايز تترشح فى الانتخابات يا.......؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟
- ما هى اللحمة؟ حدد أقرب معنى خيالى لها
- مرادف معجزة فى اللغة ( تغيير وزارى – زيادة المرتبات – رغيف العيش)
- لماذا ضربه الرجل بالجزمة وليس بالعصى مثلا؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــ
السؤال الثالث القراءة
من موضوع ( الزعيم..والفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا
كما أنه يرحب بالتوريث ومقتنع بكل سياسات الحكومة
- فى رأيك هل يصلح عادل إمام لوزارة الثقافة أم لوزارة الصناعة ؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــ

السؤال الرابع النصوص

من نص ( ماشربتش من نيلها)..اقرأ ثم أجب

ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها
- بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟ (المسيسبى - الأمازون – يونج يانج )

- هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه ورجَّعُه مكانه

- أكمل الأبيات إلى آخر الكليب
ــــــــــــــــــــــــــــــــــــــــــــــــــــــــــــــــــــــــــــــــــــــ
السؤال الخامس: الخط
- على اد لحافك مد رجليك
- اكتب الجملة السابقة ثلاث مرات ب ثلاث خطوط موبينيل و فودافون و اتصالات مع العلم انه يمكن التحويل الي خط اخر و لمزيد من المعلومات اتصل بخدمة العملاء مجانا

ربنا يكفينا شر الثانوية العامة

من طرف دعاء عماد الأحد 30 مايو 2010, 9:48 am

ويكفيكوا شر الاعداديه الازهريييييييييييييييه

من طرف عبد الرحمن فوزي الأحد 30 مايو 2010, 10:31 am

ههههههههههههههههههه لأ بجد جامد اووووووووووي وده امتحان سهل جدااااااااااا وانا حليت الاسئلة ماعدا السؤال الرابع الي بيقول استخرج اسم وبوسة انا عمال ادور ع الاسم والبوسة مش لاقيهم حد يقلي فين الاسم والبوسه دول

من طرف **Ahmed MeDo** الأحد 30 مايو 2010, 11:58 am

الحمد لله خلصناالثانوية العامة
وكلها سنة ونخلص من الدراسة ان شاء الله
ادعولنا بس ربنا يكرمنا ان شاء الله

امتحان تجربة اللغة العربية للثانوية العامة المصرية لعام 2010

امتحان تجربة اللغة العربية للثانوية العامة المصرية لعام 2010

رد: امتحان تجربة اللغة العربية للثانوية العامة المصرية لعام 2010

رد: امتحان تجربة اللغة العربية للثانوية العامة المصرية لعام 2010

رد: امتحان تجربة اللغة العربية للثانوية العامة المصرية لعام 2010