وحشتينى يا أجازة

من طرف salma nda الأربعاء 26 مايو 2010, 8:55 pm

السلام عليكم ورحمة الله

ازيكوا يا فريق بدايه عاملين ايه كلكوا يا رب تكونوا دايما فى احسن حال انا عارفة انا مقصرة جدا معاكوا بس بجد فعلا انا مشغولة جدا الايام دى فى المذاكرة وخلاص هااااانت معدش فاضل غير 3 اسابيع بس !!

من كتر ما احنا عايشين فى مخيم المذاكرة ده بقالنا حوالى 3 شهور حبيت اطلع الغلب اللى جوايا بطريقتى الخاصة ويمكن هيه دى طريقة كتير من فريق بدايه انا الفت شعر باللغة العامية يعنى هوه مش قد كده بس ان شاء الله يعجبكم اقرأوا معايا بسم الله :

ذهئت وتعبت وخلاص خلصت

من كل حاجة انا بجد يئست

ذهئت من المذاكرة اللى تعبانى

ليل ونهار عالكتاب وشغلانى

من الدرس ده للدرس ده واه يانى

بفتكر ايام زمان لما كنت بروح النوادى

كنت ببقى مبسوطة جو جميل والبحر هادى

بس يا خسارة شكلى كده مش هروح السنة دى

هنسافر كتير وكل ده عادى

ما انا كل حاجة بتخيلها فى دماغى

ولو عايزة انا ممكن اروح لاحلى وادى

أنا عايزة احس بالحرية من جدد

مش اشيل كتب وكراريس زى الحديد

انا عايزة اخلص من الامتحانات اكيد

علشان افرح بالاجازة اللى وحشتنى من بعيد

وحشتينى يا اجازة انتى روحتى فين

والله تعبت هلاقيها منين ولا منين

فاضل اسبوعين بس حاسة انهم سنتين

وانا يا عينى عليا قعدة بذاكر بقالى شهرين

يا رب الايام دى تعدى على خير

ادعوا معايا وقولوا امين

يا رب صبرنى وعالمذاكرة قدرنى

ولما اخد الاجازة تحت ايدك شغلنى

فى فعل الخير حب الغير يسرنى

فاضل كام يوم بس عليهم صبرنى

نفسى افرح كل الناس

وااكلهم موز و اناناس

مع بال لما اطلع انا فى الانفاس

ولما النتيجة تيجى انا هشيلها عالراس

هوريهالكوا واقول شوفتوا يا ناس

سلمى ندا امتحنت وارتاحت خلاص

يا رب يكون عجبكم وان شاء الامتحانات تخلص ونعود الى المنتدى والفيس بوك من جديد ودعواتكوا يا فريق بدايه مش ليه لوحدى ولكل عضو فى الفريق بيمتحن ربنا معاه وسلام عليكم