حملة الدواء المسئول عنها فريق بداية حياة

من طرف shymaa الإثنين 10 مايو 2010, 9:13 pm

حملة الدواء
التابعة لجمعية خير دمياط
المسئول عنها فريق بداية حياة دمياط

اذا كنت صحيح فاحمد ربنا على نعمة الصحة ولو كنت مريض احمد ربنا انك تقدر تشترى الدوا , لكن تخيل معايا واحد فقير وفى نفس الوقت مريض تفتكر هيعمل ايه ؟؟ هيشترى أكل ولا هيشترى الدوا ؟!

الاجابة الطبيعية انه هييجى على نفسه ويتحمل مرضه عشان يأكل ولاده مش كده ؟؟
طيب ليه منساعدوش احنا ونجيب له الدوا اللى محتاجه و يمكن احنا يكون عندنا اصلا الدوا ده ومش محتاجينه ؟

هو ده بقى هدف حملتنا اننا نوفر الدوا لكل محتاج

فيه ناس عندها أمراض – ربنا يعافينا ويعافيكم – زى السكر والضغط والقلب والصدر ومحتاجة دوا معين كل شهر وده دورنا احنا اننا نوفر له الدوا ده

اهداف الحملة

1- أول حاجة لو عند أي حد دوا مش محتاجه مهمتنا اننا نخده منه ونديه للي محتاجة
2- اللي عايز يساعدنا بشراء الادويه ممكن نعطيه اسم دوا معين يكون مسئول انه يشتريه كل شهر لأننا معانا ناس محتاجة الدوا كل شهر ولو عايز ممكن يوصله لهم بنفسه او يعطيه لينا واحنا نوصله

3- أو لو عايز يتبرع واحنا نشترى الدوا اللى الناس محتاجاه

4- محتاجين تبرعات من الناس حتى لو تبرع بمبلغ قليل ( جنيه مثلا ) ممكن يساعد ناس كتير

5- أما بقى لو عايز يكون عضو أساسى معانا فى الفريق دى حاجة تشرفنا

احنا فعلا بدأنا نكون فريق الحملة وهو بعض من اعضاء فريق بداية حياة , اتمنى ان يكون الفريق كله

متطلبات الحملة

1- تكوين فريق مسئول عن كل حاجة في الحملة

2- نسقتبل الاقتراحات لو حد عنده اي فكرة او اقتراح ياريت يفيدنا بها

3- نعلن الحملة ونعرف الناس عنها

4- نجمع الادوية اللى الناس مش محتاجاها وتبرعاتهم

5- ونوزع الادوية دي على الذي يستحقها

6- محتاجين نجمع حالات محتاجة

7-محتاجين نجمع متطوعين او بمعنى اخر متبرعين مسئولين عن توفير دواء معين كل شهر

8- محتاجين نتواصل مع الصيدليات

حلمنا يكون عندنا بنك ادوية لكل فقراء دمياط

انا عرضت الفكرة دي على بعض من بنات فريق بداية حياة واقترحت عليهم ان الفريق كله يكون مسؤل عن الحملة دي , هي تابعة لجمعية خير دمياط ولكن المسئول عن الحملة فريق بداية حياة

مين يحب ينضم لينا ؟؟؟؟؟؟

ده الجروب بتاع الحملة

https://www.facebook.com/group.php?gid=103578126353682&ref=tse

من طرف shymaa الإثنين 10 مايو 2010, 9:36 pm

بدأنا بالفعل معانا حالتين المطلوب توفير لهم كل شهر
5 أدوية وحفاضات لشخص كبير في السن

المسؤلين معي عن الحملة هم :
رهام أبو حشيش
آية نصار
آية بلبول
ياسمين العراقي
داليا عبد البر
ايمان العراقي
ريم زغلول

سيتم قريبا الاجتماع لتوزيع الادوار وتحديد المهام
ننتظر باقي الفريق
نريد ان ينضم لنا شباب الفريق