حملةإقرأ

من طرف fatima,portsaid السبت 10 أبريل 2010, 12:11 am

"ارفع للحق راية يأتيك أهله"
راية الحق سترفع سواء كنت أنت سببا في رفعها أم لم تكن فيجب علينا جميعا أن نسعى لنكون سببا لرفع راية الحق ، وسعيا لرفع هذه الراية كأعضاء فريق بداية وتنشيطا للتواصل وتبادل المنفعة والوصول إلى ما هو أفضل نقترح عليكم هذه الحملة بعنوان (( حملة إقرأ)) الهدف من الحملة دي : إن مكتبة المنتدى تضم مجموعة قيمة من الكتب وتضم مراجع متعددة والهدف الثاني تبادل المنفعة وتدعيم التواصل وحاجة كمان مهمة جدا إن معلوماتنا وخلفياتنا الثقافية تتسع .
فكرة الحملة تقوم على استثمار شيء بيعمله الكثير منا وهي عادة القراءة بعضنا عنده العادة دي وبيستفيد منها كثير وممكن يكون بيقرأ في الشهر أكثر من كتاب .
وكل واحد فينا مسئول وله دور مهم وكبير جدا في الحملة دي لأن المطلوب من كل واحد فينا في الحملة دي مشاركة شهرية يعني تقرأكتاب كل شهر وتلخصه وتدينا فكرة عامة عن الكتاب والدروس المستفادة منه وبنهاية الشهر هتكون قرأت كتابك وقرأت تلخيص الكتب اللي باقي الفريق قرأها واستفدت منها فكم الاستفادة هتكون كبيرة .
والحملة دي هتشجع الكثير منا على القراءة ومش بس كده دي هتساعدك على فهم واستيعاب الكتاب وكل واحد في الفريق هيقرأ تلخيصك هتأخذ ثواب إن شاء الله ، وبنهاية الشهر تعتبر قرأت أكثر من كتاب .
إزاي تشارك في الحملة دي : اقرأ الكتاب واعرضه علينا بالمحتويات الآتية (( عنوان الكتاب، مؤلف الكتاب، فكرةعامة عن الكتاب، فكرة كل فصل من فصول الكتاب ، الدروس المستفادة من الكتاب))
وعايزة أطلب طلب في الآخر : ياريت أعرف رأيكم إيه في الفكرة دي ولو في أي مقترحات وياريت نبدأ نفعلها قريبا
وفي رجاء أخير لإدارة المنتدى إن يكون للحملة دي توبك خاص داخل قسم مكتبة الفريق
وجزاكم الله خيرا ونفع بكم

من طرف mohammad amr الأربعاء 21 أبريل 2010, 9:18 pm

حلو الفكرة دي بس أنت حطاها في المكان الغلط في الملتيميديا حطيها في القسم الخاص بكل الفريق و هحاول إن شاء الله أكون أول من يطبقعا بس لما أخلص الإمتحانات إن شاء الله

من طرف fatima,portsaid الخميس 22 أبريل 2010, 3:29 pm

جزاكم الله خيرا على الرد يا أستاذ محمد
وعذرا إني كتبت الفكرة في مكان خاطئ ، وهنقلها للقسم الخاص بكل الفريق علشان نطبقها جميعا وطبعا الفكرة يمكن تفعيلها بشكل أفضل بعد الانتهاء من الامتحانات وربنا يوفقنا جميعا.