كل الاطفال عباقرة

من طرف **د/لوسيفر** الأحد 13 مايو 2007, 12:50 am

كنت مرة بتفرج على قناة سمارتس واى
وشفت برنامج حلو جدا للمشرف التدريبى د/ خالد سيف الدين عاشور..وهو برنامج التعليم الفعال
.والبرنامج بجد عجبنى جدا وكان بيتكلم عن سمات العبقرية
انا هحاول اوصلكم اللى انا استفدته من البرنامج ده على قد ما اقدر
كل طفل يولد فهو عبقرى ....كلمة شدت انتباهى جدا ودفعتنى لاستكمال متابعة البرنامج.

فعلا كل طفل يولد طبيعى "لا يعانى من حالة مرضية فى المخ " " فهو عبقرى ولكن هناك معوقات لتلك العبقرية

اولا ماهى العبقرية ؟
هى رمز لقدرات وطاقات واستعدادات الانسان .
ولوحظ ان الاطفال يمتلكون سمات العبقرية ...

فماهى سمات العبقرية ؟
1-الفضول :
واظن ان دى حاجة اكيد كلنا بنلاحظها فى الاطفال فالطفل الصغير دائما يحاول استكشاف ما حوله وخصوصا خارج البيت او عند زيارة الاصدقاء ...

2-حب اللعب
"فالطفل عندما يلعب فانه يعيد تشكيل العالم". انا اقصد باللعب هنا اللعب التلقائى الذى يصدرمن الطفل وليس اللذى يفرضه عليه الكبار
وطبعا الامهات بتشتكى دائما "والله الاولاد اشقية اوى,مش عارفة اعملهم ايه؟".
ياستى انتى افرحى لان الشقاوة دى سمة من سمات العبقرية
الا بقى فى حالات النشاط الزائد وفى الحالة دىبتكون حالة مرضية و ممكن يحتاج الطفل الى العلاج.

3-الخيال :
"كل شىء بدأ بالخيال ثم اصبح واقعا". فنلاحظ ان اغلبية الطفال ذو خيال واسع ,
وهتلاقى ده طبعا ينعكس على تصرفاتهم يعنى مثلا تلاقى اخوك الصغير يقولك اقعد على الكرسى اللى جانبى واربط الحزام بسرعة عشان انا هسوق العربية حالا
.وتلاقى اختك الصغيرة ماسكة العصاية وعمالة تضرب فى العرايس يعنى هيه الميس وهما التلاميذ , .....وهكذا

4- الابداع :
فالطفل ليس لديه الانماط والعبارات الروتينية المفروضة على الكبار فالطفل لم يوضع بعد فى القوالب التى حصرنا انفسنا فيها .
فمثلا مايحدث فى الفصول المدرسية هذا فيه قمة الظلم لقدرات الطلاب فالذكاء الانسانى اوسع من ان ينحصر فى كتب دراسية
.فالمدراس تحولنا الى اغبياء فهى تقيد وتحد من الابداع الذى هو سمة من سمات العبقرية

5- التساؤل والحيرة:
"فمن دلائل بدء التعلم التعليم الصحيح هو التساؤل ".
والدليل على ذلك الانبياء فانهم قد جاؤا بمحاراة العقول ...
ونجد ذلك فى الاطفال فالطفل الصغير تلاقيه بيسأل بابا هو ربنا خلقنا ليه؟؟؟
وتلاقيه بيسأل بكل براءة هو القمر ده فين ؟فوووووووووووق فى السماء
يعنى ممكن يا بابا نمسك القمرده؟؟
عشان كدة ياجماعة لازم نكون واخدين بالنا كويس اوى عند تربية الاطفال ونعرف ايه الاشياء التى تثير تساؤلهم بشدة
حتى نعرف نقاط القوة فيهم ونحاول ان ننميها منذ الطفولة
معنى ذلك ان ندخل الى عالم الطفل....فقد قالت مؤلفة فى كتابها عن الدلافين ذهبت الى هناك لادخل فى عالمهم لا لأدخلهم فى عالمنا .....
فيجب الا نحاول ان ننتقد الاطفال لكثرة السؤال ونتهمهم بالغباء كما يفعل المعلمون دائما مع الطلبة وممكن يكون
المدرس نفسه مش عارف اجابة السؤال وبيتهرب من الاجابة بالطريقة دى

6-الحكمة
لان الاطفال بعيدين عن الطقوس والكلمات التى حبسنا انفسنا فيها. فاحيانا والله احنا بنسمع كلام من الاطفال لا يخطر على بال احد فينا
.طيب انا هقولكم على حاجة حصلت معايا وانا صغيرة .ل
ما جدتى توفت كان عندى وقتها فى حدود كدة6 سنين وكان بابا حزين جدا لوفاتها....وانا كنت قاعدة معاه فقلتله :
مش احنا بنحب ربنا ؟قالى طبعا..... قلتله انت ليه بقى زعلان مش جدتى راحت عند ربنا

7- الاختراع
:طبعا ليها علاقة كبيرة بالابداع لكنه ابداع عملى

8- اليقظة :
ومقابلها التبلد الذى اصبح صفة مميزة لهذا الجيل المسكين والله لو وقفتم مكان الدكتور وهوه بيشرح المحاضرة سوف تصعقوا من منظر الطلبة
..جربوا كده وقولولى............

9- المرونة : لان الطفل لم يقولب بعد

10- الدعابة :فالطفال بطبيعتهم مرحين يميلون الى الضحك

11- الاندهاش : روح الدهشة التى فقدها اغلب الناس وحل مكانها حالة عجيبة من التبلد لاتنم سوى عن فقد احدى اهم سمات العبقرية الفطرية.

فعباقرة اليوم هم من حافظوا على غالبية سمات ا لعبقرية التى فطرنا الله عليها
فلماذا لا نعود الى الفطرة التى خلقنا الله عليها؟؟؟؟؟؟؟؟؟؟

من طرف لويزا الإثنين 14 مايو 2007, 4:38 pm

موضوع حلو

تشكر لجهودك

(وتلاقى اختك الصغيرة ماسكة العصاية وعمالة تضرب فى العرايس يعنى هيه الميس وهما التلاميذ ,) هههه عجبتني

ايه العبقريه في الارهاب دا ؟

تحيتي

من طرف good_guy الإثنين 28 مايو 2007, 2:37 pm

نيس توبيك يااحمد وفعلا موضوع استفادنا منه والناس اللى لسا مارتبطتش اديها عرفت حاجة فى دنيتها نيس ياابو حميد وهناك المزيد

من طرف Doha El.refi الإثنين 08 مارس 2010, 7:15 pm

فعلا موضوع اكثر من رائع , رجعنى لتصرفات كنت بعملها وأنا صغيرة , زى انى كنت بأعمل نفسى رئيس الجمهورية ههههههههههههه متضحكوش على بجد كنت بعمل كده وأقعد اكتب خطب وأقولها بس من غير ما حد يعرف طبعا علشان ميضحكوش, جايز علشان كنت بحب أكتب الشعر وألقيه جايز

وبالنسبة للتساؤل والحيرة كان بيشدنى عالم الغيبيات ال كنا بنسمع عنه جدا وأفتكر انى عملت حاجة علشان أشوف بيها بعينى ازاى بنحيى تانى بعد الموت هههههههههههه قال يعنى هشوفهم بيقوموا تانى بصحيح, وطبعا مش هحكى لكم عليها بجد مش هقدر لكن ال أقدر أقوله انى اتعاقبت جدا يوم ما اكتشفوا الموضوع وفرحة الهديه ال والدى كان جايبها لى يومها ضاعت ,أنا زعلانه جدا, وحرمت أفكر فى الموضوع ده تانى

وبالنسبة للفضول افتكرت أصغر أخواتى وهى بترمى كل حاجة من البلكون وكان ال يعوز حذاءه والا ملابسه ولا حتى الملاعق والأطباق أو كتبه يدور عليها فى الحديقة أو فى البلكونة ال تحتنا, كانت مبهدلانا يعنى أخر بهدله المهم عندها انها كانت تعرف ايه ال هيحصل للحاجة دى لما ترميها من الارتفاع ده وكمان تشوف رده فعلنا ايه, دلوقتى بنقعد نفكرها بال كانت بتعمله فينا ونضحك عليه سوا
معلش طولت عليكم بس بجد موضوع شيق جدا وجميل انك تشاركنا بشئ عجبك واستفدت منه, بجد شكرا
وأتمنى اننا نرجع للفطرة فعلا ونزيل الصدأ عن عقول اولادنا بقى.

كل الاطفال عباقرة

كل الاطفال عباقرة

رد: كل الاطفال عباقرة

رد: كل الاطفال عباقرة

رد: كل الاطفال عباقرة