ممكن نفصل ونلبس على الموضة

ازيكم يابنات
انا بموت في حاجة اسمها ازياء غريبة مستوفية شروط الحجاب زي
(لا تصف لا تشف غير ملفتة)
والبس بئى ع راحتي
فمن الصعب وجود طقم جحاب في السوق ف وقت قصير ويمكن علشان انا متمسكة باني مش هلبس وخلاص اي موضة تطلع مش للحجاب ف بعد فترة ممكن الاقي قطعة ف السوق مثلا جلاي او شميز واطئمها ع حاجة عندي او حاجة افصلها
واتعودو يابنات يالي بتغلبو ف وجود لبس للحجاب انكم تطئمو حتى لو لبس من عندكم
متلا: كنت بتلبسي جلي ع الشميز على الجيبة
ممكن تغيري ويبئى تلبسي فستان كت تحت الركبة فوق الشميز فوق بنطلون رجل الفيل
او تدخلي محل تجيبي من قطعة ومن محل تاني قطعة تانية وهكذا.....
وفي نصيحتين الكل لام يعمله لو عايز يبئى قدوة للبنت المسلمة اللي بجد الي ماشية ع موضة الحجاب
1/لفي ع كذا محل حتى لو مش واخدة على دخولمحل معيت،ادخلي يمكن تلائي حاجة
2/اتفرجي ع صور للبس الحجاب الشرعي لانه بيفتح افكار للبس (ف مجلة حجاب او ع النت علي جروب ست الحسن لدعاء عامر،اتفرجو علي برنامج ست الحسن يوم الجمعة الساعة 12.5ع قناة الحياة الحمراء )

موضوع رائع يامى

شكرا يا مي على النصايح الحلوة
و يا بنات اي حد ليه اي سؤال في اللبس و الموضة أو المحلات اللي فيها حاجات حلوة يسأل مي
.....مي اجدع واحدة تلف على المحلات أسألوني انا

ماشي ياتسنيم فضحاني ف كل حتة
وشكرا ليكي ياروفي وياجهاد
ياروفي لما اشوفك النهاردة ان شاء الله ابئى اعرف انتي عاوزة تفصلي ايه مين الخياطة الي تتعاملي معاها

النهاردة الساعة12.5 برنامج ست الحسن على قناة الحياة الحمراء لا تفوتوه

بجد يا مى الموضوع حلو جدا وفعلا فى ناس بتجيب اى حاجه وبتبقى ديقه ومش شرعيه خالص وبيقولوا ما هو دا الى فى السوق
يعنى هى هتيجى لربنا يوم القيامه تقوله ماهو دا الى كان فى السوق
التفصيل طبعا الوقتى حل مشاكل كتير جدا لان بقى شكله زى الجاهز بالظبط وانتى تعملى الحاجه الى على مزاجك وترضيكى وفى نفس الوقت يبقى على الموضه وشيك

اما بقى حكاية ان مى اجدع واحد تلف فدا كلام مظبوط انما لو جيتى تساليها ماتخديش منها حق ولا باطل وممكن تتوهك اصلا
هههههههههههههه