رحلة دريم بارك

والتفاصيل

وهو العدد اد ايه

هو انا مش عارفه لسه هطلع ولا لأ ادعولى انى اطلع لأنى مش عارفه بابا هيوافق انى اطلع وفى دراسه ولا لأ المشكله هى الدراسه بجد يا جماعه انا نفسى اطلع اوى بس محتاجه دعواتكم انى اطلع معاكم ربنا يستر هبقى اسئل بابا وهجواب عليم بس متنسوش ادعوا ان الأهل يوافقوا

أحمد لو سمحت لازم يكون في تفاصيل عشان في ناس بناءا علي تفاصيل الرحله بيحددوا هيطلعوا ولا لا لازم توضح

التفاصيل كلها يعني المطلوب ان العدد يكون كام والتكلفه اد إيه وبالنسبه ليا ان شاء الله ميكونش في مشاكل في

الموضوع وربنا يسهل يارب ونتجمع كلنا تاني مع اولياء الامور طبعا انت نسيت تقول كده ولا ايه وربنا يكرمك يا

أحمد علي اهتمامك بتجمع الفريق

انا اسراء السيد انا مش عارفة حاطلع معاكوا ولالا علشان الدراسة وكدة س ولاهى انا عايزة اطلع معاكوا

يا جماعه لو سمحتوا من انا ممكن اقنع بابا انى اجى معاكوا بس لو سمحتم تقولونا كل التفاصيل ( مين المسؤل / تبع مين الرحله دى / مين الأصدقاء الى هيكونوا معانا ) والى لازم تتأكدوا منه اذا كان د / الطيب ومستر محمد مكروم هيطلعوا معانا عاوزين كلام ثقه علشان نعرف لأنى سمعت ان الدكاتره مش هتطلع معانا لأنهم مشغولين فيجماعه عاوزين التفاصيل باظبط علشان نقدر نقول لأهلنا لازم اعرف بعض الناس الى طلعين الرحله دى بس الأول يعنى هى تبع مين عاوزين نعرف شركة نايل للسياحه ولا لأ ياااريت كل التفاصيل بالظبط وخصوصا حكاية ان د محمد الطيب ومستر مكروم هيطلعوا ولا لأ او لو مش هيطلعوا هنقابلهم ازاى ؟
وشكا على اهتمامكم بالرحله

السلام عليكم

ان شاء الله هحاول اطلع بس هو لازم سيتي ستار بجد انا اتخنقت منه بنروح نفضل نلف فيه ومش بنشتري حاجه وزهقت منه خلاص لو ينفع نغيره ممكن جنينا مول او كارفور شوفوا يعني

السلام عليكم ورحمة الله وبركاته انا مي محمد صادق رقم122
انا عاوزة اقول حاجة مهمة وانتم تستنتجو احنا المفروض نعمل ايه
اولا.فريق بداية حياة بورسعيد الي هوة (احنا)،الي جمعه،والي رتب للسمينار الي فهمنا منه طريق الفريق ،والي وفر لنا مكان للتدريب ،والي كان معانا ع طول اثناء التدريب ومازال معانا
هوة شركة نايل سيتي للسياحة و مدام وفاء هم الي تعبو علشان يوصلو للنتيجة الي شافوها قبل كدة فلما نبئى عاوزين نشاط نعملة لازم نرجع للشركة علشان ينظموها معانا

ثانيا.د/محمد الطيب وأ/محمد مكروم هما الي تعبانين معانا ومخططين لبرنامج للتغيير علشان نتصلح
وهما الي جمعونا ع الصح وبيربونا ع الصح فلما نسيبهم لفترة برده نسيبهم ع الصح
وكانو دايما يستشهدو بالقرن الكريم والسنة والمواقف الاسلامية التي نرى فيها الاداب الاسلامية ويبنو كل كلامهم ع الضوابط الشرعية
مثلا.لما كنا احنا البنات بنلعب نطة الثقة طلعو الرجالة برة علشان مينفعشي الولاد يبئو موجودين علشان البنات ياخذو حريتهم ولا يتقيدو بشئ

واهم من ده كله ان صحبتنا الي جمعها هوة هدف واحد التغييرفلما نعمل اي حاجة مع الفريق بروح اخوية ومودة وكل حاجة، نعملها بهدف التغيير وتكون تحت اشراف من المحاضرين وبتوجيه منهم وبترتيب منهم لأن احنا لو اخدنا ع بعض ف الكلام الي مش ف مجال التدريب هنبدا اه نتغير بس تفتكرو هنتغير لأنهي طريق..؟؟؟؟؟؟

انا عاوزة اعرف حاجة :الرحلة هتكون ليها هدف في برنامج الو خطة التغيير التي نسعى اليها
ولو ئلنا الهدف هوة الترفيه فممكن البنا تفكر مع بعض برنامج يناسبها وتاخد حريتها ف الترفيه الرجالة كذلك لان مش كل اولياء الامر يعرفو بعض ومش كلهم فاضيين

ياريت تردو علية وتئولولي كلامي صح ولا ايه

بصوا بقى يا جماعه انا عاوزه اكلمكم واحكى ليكم كلام مهم وعلشان انا بحبكم هقولكم على حجات شايفه انها مش صح فى الرحلة دى بس محدش يزعل منى
اولا الى انتم قولتوا انهم مسؤلين عن الرحله مينفعش يبقى هم دول المسؤلين لأن يا جماعه احنا نسينا ناس ليهم فضل علينا كبير وهم اساس الى جمعونا والى خلونا نعرف بعض وانااحساسى ان احنا نسناهم لازم تكون الرحله هم الى يكونوا مسؤلين عنهااكيد عرفتوا هم مين ( شركة نايل للسياحه ) وطبعا على رءسهم ابله وفاء يا جماعه الواحد مش عيب انه يغلط بس العيب انه ميصلحش خطأه لما يعرفه لازم الموضوع يبقى مسؤل عنه حد كبيير ليه خبره فى الرحلات وعارف احنا بنعمل ايه مينفعش تبقى الرحله كلها شباب فى شباب انتم بتقولوا هاتوا ولياء الأمور ماشى بس مش ممكن نجيب اولياء الأمور والى يكون المسؤل عنهم فى الرحله دى شباب لازم يكون فى حد كبيير وانا بعتز جدا جد طبعا كان نفسى ابقىمعاكواواشوفكم لأنى متأكده انى كنت هقضى اجمل الأوقات معاكم بس معلش مش هقدر اجى لأن بابا شايف ان لازم يكون فى مسؤل معروف لو كنا نضمن ان الدكتور محمد الطيب ومستر مكروم هيجوا انا كنت جيت مع اخويا بس انا احساسى ان احناشباب فى شباب وده فى يا جماعه خطر بصوا للموضوع كوس من كل النواحى واكيد هتعرفوا والى انا عرفتوا ان فى كتيير مش جايين على العموم اوعوا تزعلوا منى خالص انا بحكى معاكم مش احنا قولنا ان احنا لازم نتكلم مع بعض

كلمك يا مى صح مع احترامنا لبعض كأعضاء فريق مع بعض لكن الضوابط الشرعيه ومهمه لكل اعمالنا علشان ربنا يباركلنا ونعرف نتغير للصح

احنا كلنا مقدرين كده يا مروة ومع احترامي للشركة
بس لو الشركة نظمت الرحلة يبقى الفريق عمل ايه
يبقى فريقنا مالهوش اي دور وزي ما كتيير مش جايين
في كتيير جايين
وبعدين كلنا اخوات واحنا فريق واحد و بعدين كل البنات هيبفوا مع بعض
ولو انت حافظتي على الكلام القليل مع شباب الفريق محدش هيتعدى حدوده

السلام عليكم كلام مروه ومي صح لازم يبقي في حدود والرحله لو اسر تبقي افضل وصحيح يا روفي احنا فريق واحد وكلنا اخوات بس للاختلاط الشرعي حدود واكيد يا روفي هيبقي في هزار وضحك طول الطريق وحتي اثناء البرنامج وانا شايفه ان ده هيخلينا نقرب من بعض اكثر وبصي يا روفي لو في احتمال 1% من السلبيات في شئ مش ضروري وممكن تعويضه بطريقه افضل يبقي نبعد عنه احسن علي فكره انا كان رأيي من رأيك بس لما فكرت في الموضوع من كل الجوانب ومن خارج البرواز زي ما الدكتور محمد قال لقيت انه افضل تتطلع الرحله اسر ويبقي المنظم حد كبير وفكرة الشباب مش فيها حاجه يحترمو عليها وهما كمان قالو البنت اللي عايزه تروح يبقي معها حد من العيله وكده الموضوع مش هيبقي فيه حاجه .

الرحلة رائعة و أنا نفسي نروح دريم
بس تعالى نشوف الاختلاط اللي في الرحلة ماينفعش
فإما هانتئيد أو نعمل اللي عاوزينو (وده غلط)
ثانيا معلش يعتبر الدكاترة مش هايشاركوا في الرحلة لأن لما نروح دريم هانلعب و مش هنلحء نتكلم ونعض معاهم
لكن لو عايزين نروح المقر ممكن ولاد واحدهم وبنات لوحدهم مع ناس كبار
(ماينفعش نخالف الشرع) يا جماعة الموضوع مفيهوش تشدد

كلام مى وجهاد ومروة وسلمى هو ده الكلام الصح
تجميع الفريق ايجابية ولكن لكى تكون ايجابية لابد وان تلتزم بالضوابط الشرعية لكى تكون ايجابية تخلو من اى سلبية فكان الاساس من تجميع الفريق اثناء التدريب هو هدف التغيير للامام فى جميع النواحى وكان ذلك تحت اشراف اما فى حالة الترفية الخارجى لابد ان يكون تحت اشراف اسرى و
وان كان فى عدم استطاعة الاهل فيكون الترفية منفصل يعنى البنات لوحدهم والشباب لوحدهم

لايا احمد الكلام كده مش غلط وهو ده المظبوط وهو ده فريق بداية حياه بجد وشكرا ليكم

انا اسراء لما عرفت انها يوم الحمعة فرحت اوى وكنت هاجى معاكوا لكن حصلت ظروف جامدة عندنا