تخلص من عادتك السلبية (قاعدة 21 يوم )

السلام عليكم ورحمة الله وبركاته
يلا بينا نساعد بعض زى ما كتبت قبل كده عايزين نكتب عادتنا السيئة ونستبدلها بواحدة ايجابية ونلتزم بالتغيير لكن طبعا مش كل العادات سهل انك تستغنى عنها علشان كده احنا محتاجين بعض انا عملت التوبيك ده للهدف ده بالذات يلا كل واحد يكتب عادة سيئة هو حاسس انها واقفة ف طريقه ويكتب ايه العادة الايجابية اللى عايز يتعود عليها ويستمر ويكتب كل يوم ايه اللى بيحصل ليه او ليها خلال فترة الالتزام اللى بتفرق من عادة لاخرى يعنى اقل حاجة 21 يوم ولكن ممكن المده تكبر على حسب العادة ومده استعمالك ليها يعنى مثلا الثقة بالنفس الانسان اللى كان دايما ناظر لنفسه ع انها فاشلة وغير ناجحة فترة طويلة محتاج فترة اطول شوية من واحد وعشرين يوم علشان يغير العادة ديه لكن المفاجأة انكم بدءتم التغيير من 15 يوم فاتت اذن فيه عادات فاضل عليها ايام بسيطة وتصبح عادة ده لو انتم استمريتم والتزمتم بالتغيير
وارجوا ان تتعاونوا كلكم معايا لنشر الفكرة
منال

انا هافكر ف اكتر عادة عايزة اتخلص منها او عادة عايزة اكتسبها وارد عليكم علشان تساعدونى بس محتاجة اكون مركزة اكتر لان الوقت متاخر وعايزة لما اكتب حاجة اكون متأكده من التزامى بيه
بكرة ان شاء الله اكتب

وانا معاكي ياموني

ازيك يا منال يارب تكوني بخير

بجد اقتراح رائع جدا وأنا معاكي فيه وعندي حلجات كتير كانت بتضايقني والحمد لله قربت اخلص منها يعني بطلت

العصبيه شويا وان شاء الله هتخلص منها نهائيا ادعولي بس

وفي حاجه مهمه جدا نفسي بجد اخلص منها وهي اني حساسه زياده عن اللزوم وبزعل بسرعه وحاولت كتير انهي

الموضوع ده بس معرفتش لكن بإذن الله هتخلص من الحساسيه دي وربنا يكرمنا جميعا وكل واحد يتخلص من

العادات اللي بتضايقه

شكرا ليكي يا موني علي اللفته الجميله دي

العفو يا اسراء
وطبعا يامى انتى معايا مش احنا اخوات المهم علشان نبقى محددين نكتبها ف خطوات للتوضيح مثلا
فى كتاب قوة التركيز بقولك مثال على تغيير العادة مثلا واحد كان متعود اول ما يرجع البيت يرمى ماتيحه ف اي مكان وبالطبع تانى يوم يفضل يدور عليها ويتاخر ع الشغل فعمل ورقة كبيرة مكتوب عليها مفاتييح ووضعها ع الحائط وعلق تحتها خشبة فيها علقات صغيرة وده طبعا علشان اول ما يرجع يحط فيه المفاتيح لكن بالطبع العادة بتحكم واول يوم رجع ما انتبهش اساسا للوحة ورمى مفاتيحه كالعادة وهو بيقول بقيت ارغم نفسي على انى اول ما ارجع احط المفاتيح فى مكانها لحد ما بقت هى ديه عادته الجديدة وبقى يعملها تلقائى وبيقول انه ده خد منه شهر مواظبة وارغام لنفسه

نستفيد ايه من القصة ديه اولا ان تغيير العادة مش سهل ومحتاج التزام وصبر
ثانيا انه عرف ايه الخطأ وايه اللى كان بيعمله غلط بيخليه يتأخر ع شغله ووجد انه بيضيع دائما مفاتيحة فعندما عرف السبب بطل العجب زى ما بيقولوا
يبقى لما نحط عادة سلبية واخرى ايجابية لازم تبقى محدد جدا ونكتب احنا هنعمل ايه بالظبط علشان نغيرها لاننا لو سبناها مفتوحة هنرجع تانى زى قبل التدريب نفسي انجح نفسي افتح شركة عايزة اكون صداقات وكنا بنقول بس ومش بنعمل
بس الان وقت العمل
اختى اسراء انتى انسانة حساسة وفى نفس الوقت بتقولى عصبية وعصبيتك ممكن بتيجى لانك حساسة ومش بتستحملى حد يضايقك
يبقى انتى عندك كذا مرحلة الاول تسألى نفسك انا بتعصب ليه او ايه اللى ممكن حد يعمله معايا يخلينى اتعصب
وتسألى نفسك طب هو انا لما بتعصب باخد حقى فعلا ولا بضيعه
طيب لو انا غيرت سلوكى مع الاخريين هتبقى شكل علاقتى بيهم احسن
ايه اللى لما بعمله يريح اعصابى ويخلينى مسترخية جوبى الاسئلة ديه وهكملك بعدين

ازيك يا موني وحشتيني اكيد انا كمان معاكم ان شاء الله

بالنسبه ليكي يا ساسو انا عندي اقتراحممكن تعمليه علشان تتخلصي من العصبيه لما تيجي تتعصبي قولي رقمك معكوس تعرفي تعمليها او عدي من 10 الي 1 دا هيخليك تهئي ومتتعصبيش وافضل حاجه برده زي ما الرسول صلي الله عليه وسلم قال انك تروحي تتوضأي وكمان تغيري لو كنتي واقفه تقعدي او لو قاعده تنامي كده لان الوضوء او انك تقربي اكثر للأرض بيمتص الشحنات دي من الجسم هبتهدأي سبحان الله .

انا ان شاء الله معاكوا بس وحلوه اوى القصه دى يا منال

شكرا ليكوا يجماعه
يلا اللى معانا وفهم القصة يبدء يكتب ايه العادة وهيعمل ايه بالظبط علشان يغيرها
وان ان شاء الله هبدء
عادة سيئة عدم صلاتى للفجر بانتظام وده للاسف اشديد
2- عدم مواظبتى ع قراءة القراءن الكريم
عادة ايجابية تكون ضد العادة السيئة وتساعدنى ع التخلص منها ان شاء الله
1- بالنسبة للصلاة هتفق مع صحابى اللى بيصلوا الفجر يصحونى
وان شاء الله هاظبط ميعاد نومى علشان اقدر اصحى فايقة
وفيه حكاية عن ناس من كتر حبهم لصلاة الفجر وكانوا موجودين وسط ناس كفرة بيحاولوا يشغلوهم عن الصلاةاو اي وسيلة يستخدموها علشان يصحوا اخر الحكاية علشان مطولش بدؤا يشربوا ماء كتيير قبل النوم علشان يتجبروا يقوموا للخلاء واللى بيصحى ويلاقى نفسه لسة بدرى يشرب ماء تانى وينام
ان شاء الله هجرب الطريق ديه
2 - بالنسبة لعادة قراءة القران الكريم ان شاء الله نويت كل يوم اقرء حزب لحد ما تبقى عادة وابدء ازود قرائتى ايه رايكم
حد عندوا اقتراحات ليا تانى علشان اتخلص من عادتى السيئة واحط مكانها عادات ايجابية
انا منفتحة للاراء

انا معاكم ياجماعة بس حد يقول لي ازاي لما اصحى لاي سبب زي نور ضرب في عيني... او باب اتفتح على... او حتى اصلى الفجر واستطيع ارجع انام تاني ...لان الموضوع ده مخلي مزاجى طول اليوم مقريف .....ممكن اكون سهرانة اشتغل ....ولما اصحى للفجر ....لا اعرف انام تاني واكون محتاجة انام ولو ساعة قبل الشغل فاكون مرهقة طول اليوم ....هذه عادة سيئة تعبانى وتعب اللى حولي

اه يا منال انا الحمد لله عصبيتي خفت كتير بس في حاجه مهمه جدا عاوزه اقتراحات فيها يعني لما تكوني بتتعاملي

مع أطفال وهما اولاد مش بنات يعني واشقياء جدا وفي الصف الثالث والرابع الإبتدائي ومش بيسمعوا الكلام

اوقات بلاقي نفسي بتعصب عليهم بس انا مش بحب أعمل كده بس تصرفاتهم كتير اوي بتنرفذني بس يمكن بعد

التدريب بقيت بطول بالي شويا يعني ماما لاحظت اني بقي بالي طويل شويا وقالتلي الحمد لله اني وصلت لكده وان

شاء الله هكون أحسن

بس بجد يا جماعه محتاجه مقترحات كتير للموضوع ده وخاصه اني بحتك بالاطفال كتير بحكم اني بحفظهم قران

يعني ومش عاوزه اتصرف اي تصرف يخليهم ميحبوش درس القران وخاصه انهم عاوزين يقضوا وقتهم لعب

ومش بيحبوا يحفظوا وانا بحاول معاهم وان شاء الله مش هياس منهم ابدا , وجزاكم الله خيرا

ازيك يامنال عاملة اية دى نصائح للمواظبة على صلاة الفجر بسم الله، والحمد لله، والصلاة والسلام على رسول الله،

فالواجب في الصلاة واجبان: واجب الصلاة نفسها وواجب أدائها في وقتها الذي فرض الله تعالى وبين رسوله ـ صلى الله عليه وسلم ـ فالذي يصلي الصلاة في غير وقتها يكون قد أدى واجبا واحدا وترك الآخر، ويأثم بإجماع المسلمين إن ترك الصلاة حتى ينقضي وقتها دون عذر .

وعلى المسلم أن يستحضر الأجر فمن لاح له فجر الأجر هان عليه ظلام التكليف.

ووالله ما هو بظلام ولكنه نور تام في الدنيا والآخرة .

ولو استحضرنا بعض الأحاديث التي تتحدث عن الأجر والثواب لهان علينا الاستيقاظ لصلاة الفجر .

يقول النبي ـ صلى الله عليه وسلم ـ (من صلّى الصبح في جماعة فكأنما صلّى الليل كله ) رواه مسلم والترمذي .


وقال عليه الصلاة والسلام : ( أثقل الصلاة على المنافقين صلاة العشاء وصلاة الفجر، ولو يعلمون ما فيهما لأتوهما ولو حبواً ) رواه الإمام أحمد .

وقال من صلّى الفجر فهو في ذمة الله فلا يطلبنكم الله بشيء من ذمته ) ومعنى في ذمة الله : أي في حفظه وكلاءته سبحانه ، والحديث رواه الطبراني .


وقال أيضاً صلى الله عليه وسلم : ( يتعاقبون فيكم ملائكة بالليل وملائكة بالنهار ويجتمعون في صلاة الفجر وصلاة العصر ، ثم يعرج الذين باتوا فيكم ، فيسألهم وهو أعلم بهم : كيف تركتم عبادي ، فيقولون : تركناهم وهم يصلون، وأتيناهم وهم يصلون ) رواه البخاري.


وفي الحديث الآخر : ( أفضل الصلوات عند الله صلاة الصبح يوم الجمعة ، في جماعة ) رواه أبو نعيم في الحلية وهو في السلسلة الصحيحة .

وفي الحديث الصحيح : ( من صلّى البردين دخل الجنة ) رواه البخاري


والأمر الآخر هو خشية العقاب من الله تعالى يقول ابن حزم ـ رحمه الله ـ لا أجد ذنبا أعظم من ترك الصلاة حتى يمضي وقتها وقتل المسلم عمدا بغير حق!!.


يقول النبي ـ صلى الله عليه وسلم ـ : (أثقل الصلاة على المنافقين صلاة العشاء وصلاة الفجر ) وفي الصحيح عن ابن عمر رضي الله عنهما قال: (كنا إذا فقدنا الرجل في الفجر والعشاء أسأنا به الظن ) رواه الطبراني في المعجم الكبير وقال الهيثمي رجال الطبراني موثقون. وإنما تكون إساءة الظن بذلك المتخلف عن هاتين الصلاتين لأن المحافظة عليهما معيار صدق الرجل وإيمانه ، ومعيار يقاس به إخلاصه ، ذلك أن سواهما من الصلوات قد يستطيعها المرء لمناسبتها لظروف العمل ووقت الاستيقاظ ، في حين لا يستطيع المحافظة على الفجر والعشاء مع الجماعة إلا الحازم الصادق الذي يُرجى له الخير .


ومن الأحاديث الدالة على خطورة فوات صلاة الفجر قوله صلى الله عليه وسلم : ( من صلّى الصبح فهو في ذمة الله ، فلا يطلبنكم الله من ذمته بشيء ، فإن من يطلبه من ذمته بشيء يدركه ثم يكبه على وجهه في نار جهنم ) رواه مسلم
قرأت أن هناك من حذروا جولدا مائير بأن عقيدة المسلمين تنص على حرب قادمة بين المسلمين و اليهود سوف ينتصر فيها المسلمون عند اقتراب الساعة فقالت: أدري ذلك، ولكن هؤلاء المسلمين ليسوا من نراهم الأن، ولن يتحقق ذلك الا اذا رأينا المصلين في صلاة الفجر مثلما يكونون في صلاة الجمعة. لذا …كن مسلما حقا


يحكي أن ملكا ما أمر ذات يوم أن يأتي كل بائعي اللبن إلى قصره ليلا ليفرغ كل منهم وعاء من اللبن في حمام سباحته، ففكر أحدهم و أفرغ ماء بدلا من اللبن علي أنه لن يلاحظ ذلك القدر وسط هذه الكمية الكبيرة من اللبن، و عندما استيقظ الملك وجد حمام السباحة مملوءا بالماء! فالكل عمل نفس الشيء و بالتالي لو كل واحد منا ظن أنه لن يفرق معنا اذا لم ينزل لصلاة الفجر سنجد حينئذ المساجد كلها خاوية مثلما امتلأ حمام السباحة بالماء. لذا…ابدأ بنفسك


المواظبة على صلاة الفجر تحمى القلب
أكدت العديد من الدراسات أن الإستمرار على أداء صلاة الفجر يضمن سلامة القلب , فالكثير من الأمراض متل احتشاء القلب, ومرض تصلب الشرايين وانسداد الشريان التاجي كلها تاتى من جراء النوم الطويل لعدة ساعات سواء في النهار أو الليل.
وأظهرت نتائج بعض الدراسات أن الإنسان إذا نام طويلاً، فتنخفض نبضات قلبه إلى درجة قليلة جدًا، لا تتجاوز 50 نبضة في الدقيقة، وحينما تقل نبضات القلب، ويجري الدم في الأوعية والشرايين والأوردة ببطء شديد، مما يسبب ترسب الأملاح والدهنيات على جدران الأوردة والشرايين وبخاصة الشريان التاجي وانسداده.

وفى دراسة أجراها بعض الباحثون الألمان تشير إلى أن فترة النوم لابد وأن لا تزيدعلى أربع ساعات، حيث يجب النهوض من النوم وأداء جهد حركي لمدة 15 دقيقة على الأقل، وهو الأمر الذي يوفره أداء صلاة الفجر بصورة يومية في الساعات الأولى من فجر كل يوم، والأفضل أن تكون الصلاة في المسجد وفي جماعة.

شكرا لكي يا اسراء هجرب كلامك وربنا المستعان
وكمان كلامك يا ايمان مفيد جدا.....وعجبنى أمثلتك ربنا يبارك فيكم .....ويعينا كلنا على الطاعة

علي فكره يا موني انا ممكن اتصل عليكي الفجر اصحيكي بس علي فكره انا غلسه جدا في الموضوع ده ممكن اعد ارن لوحتي 100 مره بس تصحي فلو تحبي سيبي لي رساله بس وانا ابقي اصحيكي ولو اي حد عايزني اصحيه يقولي انا ببقي نفسي ارن عليكم بس بخاف اصحي حد من البيت لو الموبايل مش جمبكم هستناكم كلكم تقولولي اصحيكم

السلام عليكم ورحمة الله وبركاته
ما شاء الله عليكم بجد اعز صحاب وعيلة افتخر ان اكون فيها متشكرة جدا اولا لانكم تفاعلتم ف التوبيك وبتتفاعلوا مع بعض
ثانيا بشكر كل اللى تفاعلوا معايا شخصيا م.رحاب وايمان واسراءوجهادولياء
افكاركم ليا حلوة جدا جدا وان شاء الله هاحاول اعمل بيها وبالنسبة للصحيان هو الفرق بينا ف المواعيد كبير ولا قليل
وكمان باخد رايكم ف حاجة انا باروح الشغل 7.30 صباحا المفروض اكون هناك
وعلشان كده بحاول اصحى 6 او 5.45 صباحا لصلاة الفجر الحق وقت الصلاة وف نفس الوقت يكون وقت مناسب لشغلى كده كويس ولا الاحسن اقوم اصلى وانام تانى بس ساعات مش هاعرف انام ايه رايكم

بالنسبة م.رحاب
انا مش عارفة مستر مكروم اعطاكوا طريقة عمل استرخاء لانفسكم
لو اعطاكوا اعمليها عن تجربة اعمليها قبل النوم بيبقى جسمك مسترخى تماما ولو نمتى وقت صغير بتبقى فايقة جدا
كمان لازم وقت القيلولة حتى لو نصف ساعة ف نصف اليوم بترجعى بيه طاقتك تانى ولو عملتيه كمان بنظام الاسترخا بيفوقك جدا جربى وقوليلى رايك

بالنسبة ليكى ياسراء
بما انى حبى الاول هما الاطفال فاليكى الاتى
اولا: الاطفال بطبيعتهم فضولين جدا وبيتشدوا للحاجة اللى بتثير فضول عندهم فلازم تشديهم لقراءة القران عن طريق اثاره فضول عندهم زى مثلا لما تكون السورة عبارة عن قصة سيدنا يوسف مثلا تبدئى الاول تحكى القصة بطريقة ممتعة وبعد كده تستشهدى بالايات هيبقوا ساعتها اخذوها على انها قصة جميلة واستفادوا منها
2- اعملى ليهم نظام ف جدول معلق يبقى زى لوحة شرف حتى لو ورقة ف جيبك للى هيحفظ القصة والسورة ويجى يشرحها ويمعها لصحابه وقسمى الدرجات مثلا اللى يحفظ السورة باكلمها وقصتها ياخد الدرجة 10 وللهدوء ف الحصة 7 واللى بيساعد صاحبه ف الحفظ ياخد 5 وكده خلى كل حاجة انتى عايزاها منهم باسلوب دجات وان فيه واحد منهم هيبقى الاول عليهم
وكده هتنمى روح المنافسة الصالحة بينهم
3- خليك هادئة جدا وانتىبتتعاملى معاهم وحاولى توصلى لدرجة افكارهم هما مش انتى لانهم مهما كانوا كبار بس لسة عايزين يحسوا انهم من حقهم اللعب فتعاملى مع الموضوع بهدوء وخلى اللعب مكافأة ليهم لو حفظوا كمية كبيرة
قوليلى ايه رايك ولو نفعك نتكلم اكتر باذن الله لانى مضطرة انى اقوم الان

شكرا ليكي يا موني علي الاقتراحات الجميله دي وبالفعل انا بعمل كده بس المشكله ان الاولاد عندهم لامبالاه فظيعه

مشوفتهاش في حد بس بحاول معاهم بكل الطرق لكن هما عادي عندهم يعني الواحد فيهم مش بيهتم انه يكون

كويس اولا ومش عارفه ليه رغم اني دايما بحفزهم والحصه مش بتكون كلها حفظ عشان ميزهقوش مع العلم انهم

بس 3 اطفال لكن ربنا يصلح حالهم يارب

بالنسبه ليكي يا منال طالما بتلحقي صلاة الفجر يبقي كويس كده والحمد لله بتلحقيها في الوقت الاول يعني مش

بتتاخري وكده جميل طالما مش هتلحقي تنامي تاني وبتصلي الفجر في وقته يبقي خلاص وربنا يكرمك

شكرا ليكى ياسراء وبالنسبة ليكى لازم تقعدى مع الاطفال على حده وتسأليه ماله مش عايز ينجح ليه وحاولى تكونى معاهم رمز وقدوة زى ما كان الاساتذة اللى معانا معاكى شوفى انتى ايه اللى حفزك وحاولى دايما تحفزيهم وجزاك الله خيرا انك تنقلى العلم ده شئ مفرح وليه ثواب عظيم فتخيلى اللى ينقل كلام الله ربنا يجعله ف ميزان حسناتك امين

ربنا يكرمك يا موني علي الكلام الجميل ده وبشكرك جدا لاهتمامك في الرد وسعيده جدا بالتواصل الرائع ده وان شاء

الله يستمر دايما وأي حاجه انتي كمان تحبي تتكلمي فيها انا موجوده في اي وقت وابقي قوليلي بتعملي ايه بقي في

صلاه الفجر والقران ها نظمتي الوقت ازاي بالنسبه للقران والصحيان الفجر لو محتاجه اصحيكي قوليلي بجد مش

هسيبك الا لما تقومي ..

وربنا يكرمك ويجمعنا علي الخير دايما ان شاء الله

الفكلره دى حلوه قوى يامنال .وانا برضه عندى مشكله هى العصبيه انى انا عصبيه موووت والموضوع ده عاملى مشاكل كتيره قوى مع اهلى وخطيبى لان هو كمان عصبى زى قوى .وانا مش عارفه احل المشكله دى ازاى.لو ممكن تساعدنى او لو عندك اى فكره ممكن تساعدنى.وشكرا يا قمر

ازيكم يا بنات ايه أخباركم كلامكم رااااائع بجد شكرا يا مونى على الأفكار الرائعة دى
اكيد أنا معاكوا
ومن أكتر الحجات الى نفسى أغيرها هى العصبيه وكمان انى ما بقدرش اصحى الفجر بس العصبيه بدأت اعمل الحجات الى انتوا كتبتوها والحمد لله خفت العصبيه شويه بس لسه يارب يبقى ما فيش عصبيه خااالص
وياريت يا جوجو تبقى ترنى عليه وخدى بالك انا متعبه موت وهتزهقى منى ما بصحاش بسهوله وممكن اقفل عليكى واكمل نوم عادى هههه يعنى ما تسيبينيش وعلى العموم انتى قلتى انك ما بتزهقيش يعنى استحملى بقى هههه وان شاء الله هعدل الموضوع ده وهدخل واقولكم على النتيجه بس ادعولى بقى