اليوم الثالث فى التدريب

انا خالد عاطف من اسرة مهما يكون رقم 120 :بورسعيد
كان يوم رائع واتعلمت تحديد الاهداف وعدم ارسال اشارات سلبية للمخ وعدم وضع اكثر من هدف فى مجال واحد واختيار الهدف الافضل

ابرار الخولاني
اسرة الحياة
رقمي :133
انا اتبسطت جدا انهارده وفعلا انا خلاص حددت هدفي وانا كنت فعلا بعطي لمخي اشارات واهداف سلبيه وده اول مرة اعرفه انهارده
وطبعا الاسترخاء كان جميل وشجرة الاهداف كانت حلوة بس حاسه انها مكنتش واضحه عندي اوي
وطبعا نهايه اليوم كان رائع وضحكت كتير
وانا مبسوطة اوي اني كنت نملة بزلومه انهارده

السلام عليكم ورحمه الله وبركاته
ازيكم يا فريق بدايه عاملين ايه احنا النهارده في اليوم الثالث فعلا الايام الحلوه بتمر بسرعه جدا انا نفسي فعلا نفضل جالسين مع الدكتور محمد الطيب ومستر مكروم اطول فتره ممكنه لكن الوقت بيجري بسرعه واسرع مننا
اليوم النهارده كان جميل فعلا لان بجد عرفت ان لازم يكون ليا هدف واحد لما احققه ادور علي الثاني والثالث وهكذا انا كنت بقول قبل دخولي التدريب ان انا ممكن احدد هدفين واحققهم في نفس الوقت بس النهارده بجد عرفت ان صعبه واني لازم اركز في هدف واحد ده اذاكانت الاهداف تتعارض مع بعضها

والسلام عليكم ورحمه الله وبركاته

this was aspecial day for me for what ousaid prof. to me


i enjoyed really the way of training and i am always learning from it

also i didn't have the right idea about goals till today(والله)

BUT
i didn't know the purpose of the sms game


hope that you can continue working with this great performance and take the suitable rest

هاجر الباز من اسرة التفاؤل رقم 141:بورسعيد
الإستفادات:
1 كيفية تحديد الهدف
2 اضحى ببعض الاهداف من اجل الهدف الاهم
3 كيفية وضع خطة الهدف
وسلبيتى فى المحاضرة:
إنى اعطيت لعقلى إشارة سلبيه مما ادت الى ضغط نفسى ولم استطع التركيز فى بعض اجزاء من المحاضرة
فى اخر المحاضرة كانت رائعة وخرجت من الضغط النفسى الذى كنت فيه
واتمنى ان الغى هذه الإشارة السلبيه التى اسرت علي حتى استطيع التركيز فى الايام الباقيه

ميسر طارق شاهين 128 اسرة الحياة

الحمد لله تالت يوم كان يوم كويس وفيه جديد ..

بالنسبة للاهداف فهو فعلا انا فيا مشكلة انى ببقى عايز اعمل حاجات كتير وكلها اعملها مع بعض وف وقت واخد وف الاخر مبعملش حاجة ومبعرفش احد انا عايز ايه الاول ودايما اانا بيبقى ليا طموح كبير جدا ف حاجات كتير.

بالنسبة للنوم بالايحاء فهو حتى الان بصراحة مش داخل دماغى لانى بنسبة كبيرة مش فاهم الغرض منه انا عامة مش محتاج حد ينيمنى عشان انام انا لو غمضت عينى خمس دقايق لوحدى ف الضلمة هنام الحمد لله يعنى هههههه الحاجة التانية انى وصلت لغاية انى ف الجنينة دلوقتى ولقيت شجرة الاهداف بعد كدا اعتقد انى مكنتش فايق بصراحة فزى مسمعتش او مختش بالى ف الاخر .
خلى بالكو وانتو سايقين بقى .
.

اتمنى بس حد من اللى يعرف الاجابة او سمع كويس يقولى الحتة بتاعت شجرة الاهداف دى ههه

السلام عليكم
انا ساره محمود ابو الحسن
الاسره / المستقبل
الرقم / 116
كان يوم جميل جدا واستفت كتير جدا واحلى واجمل من الايام اللى فاتت
فهمت ازاى احدد اهدافى وده درس من اهم اهم الدروس اللى اختها فى حياتى فعلا وانا كنت محتاجه فعلا انى افهم ازاى احدد اهدافى
وبشكر الدكتور محمدالطيب والدكتور محمد مكروم على مجهدكم وتعبكم معانا وربنا يجعلوا فى ميزان حسنتكم يارب

خلص اليوم و مش عايزين نمشى ومش عايزين نسيب بعضنا وبنقول لبعض هنعمل ايه لما يخلص التدريب
معقولة مش هنشوف بعض بعد ما اتعودنا خلاص نشوف بعض كل يوم دا احنا كل يوم و احنا ماشيين بنسلم على بعض بحرارة وحب ونيجى تانى يوم نسلم على بعض و نحضن بعض بحرارة و شوق كاننا ما شفناش بعض من مدة طويلة
انا فاكرة كويس اول يوم تدريب دخلنا القاعة و جلسنا فيها كانت كل واحدة منا بتبص للاخرى لا سلام و لا كلام و ما تصدق تلاقى واحدة تعرفها تجرى عليها و تقعد جنبها و تلازمها
ايه اللى حصل ده واد ايه ربنا سبحانه وفق مدربين فريقنا واستطاعوا ان يزيلوا الحواجز اتنفسية التى كانت بيننا فى فترة قصيرة
انا مستنية بكرة بفارغ الصبر و رغم ان عندى بكرة مناسية عائلية هاروح ان شاء الله بالنهار ابارك لهم و اعتزر لهم عن حفلة بالليل لانى لا استطيع ان اتاخر عن فريقى الحبيب فريق بداية
اختكم اميمة ابراهيم

رحاب موسى 114 اسرة المستقبل...
تأثرت جدا بكلام مدام وفاء شكري ...واستهيفت..نفسي لما غلطت في لعبة 123 وفي ناس كانت بتعملها علشان تلحق تعيش..ايام الحرب...
درس الاهداف كان مفيد اوى ....واتعلمت منه التركيز على هدف واحد ....للوصول اليه اسرع
اتعملت ان اترك مسافة في تفكيري للاحتمالات الممكنة ..والتي قد تظهر لى فجأة اثناء رحلتى للوصول للهدف
ضحكت اوى من اللعبة الاخيرة ...وكان ختامه مسك
فعلا كل يوم احلى من اللى قبله ...

انا اسمى ايمان عكاشة الفرقة 2 اسرة المستقبل
زملائى الاعزاء السلام عليكم ورحمة اللة وبركاتة
امبارح كان يوم مهم جدا بالنسبة لى حيث اننى كنت اعانى من مشكلة كبيرة فى تحديد الاهداف واكتشفت امبارح ان الانسان ممكن ان يكون عندة اهداف كتير يحققها فى نفس الوقت فى مجالات مختلفة لكن المهم ترتيب الاهداف حسب اولوياتها +التخطيط الصح للوصول الى الهدف +تنظيم الوقت عشان مفيش هدف يجى على حساب الاخر
دى معادلة صعبة لكن انشاء اللة we will do it
عجبنى جدا الواجب امبارح لانة تطبيق عملى على تحديد وتخطيط الاهداف
واخيرا.............دعواتى وسلامى لجميع اعضاء فريق بداية حياة

السلام عليكم ورحمة الله وبركاته

انا حاسة فعلا ان انا بتغير جامد ومافيش يوم بخرج منه وانا زى اليوم الى قبله
بحاول اغير فى حياتى جامد
وشايله اوى هم اخر يوم
ومن الحجات الى انا استفدتها :
ان انا يبقى ليه هدف فى حياتى واسعاله.
بقيت بحاول امشى خطوة خطوة فى حياتى كنت قبل كده بقول انا عايزة ابقى كذه ومش عارفه اوصل ازاى اصلا.
واحلى حاجة ان انا بقيت بضحك وانا متطمنة وحاسة ان انا ليه لزمة فى حياتى.

عبدالرحمن توفيق
اسرة التفؤل
رقم 139
استفت
1 ان يكون الهدف ايجابى

2 ان يكون الهدف يخصنى

3 ان يكون له اثار على الناس

4 لازم يكون لدى دليل على تحقيق الهدف

بسم الله الرحمن الرحيم

الاسم:إسراء عبد المعز أحمد

المحافظه:بورسعيد

الاسرة:المستقبل

الرقم :118

زملائي الاعزاءحبيت اشارككم برايي فسي موضوع الاهداف

بصراحه الموضوع ممتاز جدا انا حبيت الحوار في الموضوع ده بالاخص لانه مهم جدا وكلنا محتاجينه

في حاجات كتير استفدتها من المحاضره ومنها

1- اننا لازم اولا نتخلص من اي مشكله بتعيق تحديد هدفنا يعني مثلا الخوف من الفشل اكيد بيكون سبب ان الانسان يعجز عن تحقيق هدفه فاكيد لازم نتخلص من المشكله دي باي وسيله واكيد هنحتاج حد يساعدنا في ده اذا مقرناش نتغلب عليها لوحدنا

2- ان الهدف لازم يكون واضح قدامي لازم اعرف انا عاوز ايه

3- لازم اخطط كويس لتحقيق الهدف ده ولازم احدده بمده معينه من غير تقصير مني والنتيجه في النهايه لست انا من املكها

4- الهدف لازم يكون هدف ايجابي ولازم ناخد بالنا كويس من الاوامر اللي بنديها لعقلنا انه ميسبقهاش اداة نفي حتي استطيع ان احقق هدفي

5- الهدف لكي يكون هدفي لابد ان يكون خاص بي انا

6-اي هدف اود تحقيقه لابد ان يكون هناك من نجح مثلا في مثل ذلك الهدف او غيره ويكون هو قدوتي واسير علي نهجه

7- علي الانسان الايشغل نفسه بتحقيق اكثر من هدف حتي لايتشتت لانه بذلك لن يخطو خطوه واحده في اي منهما بل عليه ان يحدد هدف واحد يحققه ثوم يلتفت الي الاهداف الاخري ليحققها الاهم فالمهم

8- عند القيام بتحقيق هدف ما لابد من وضع احتمالات لحدوث امور مفاجئه ولا بد من الاستعداد الجيد لمقاومتها والتغلب عليها مهما تكن

9- وهي الاهم لا بد من الثقه بالله والاستعانه به عند تحقيق اي هدف ولا بد ان يكون هذا الهدف يصب في النهايه في الهدف الاكبر والاعم لكل الاهداف وهو رضا الله عز وجل

ودي فكرتي عن الاهداف وكيفيه تحقيقها

وبصراحه يا جماعه انا بجد سعيده جدا بالاشياء الجميله اللي بنعملها ومن كتر ما انا سعيده مش عارفه بجد هعمل ايه بعد الايام الجميله اللي اتعودت عليها دي واللي بتممني انها متنتهيش ابدا وبصراحه يعني لو ينفع الانسان يجيب اله زمن كنت وقفتها عند الايام دي لان فعلا دي اجمل ايام مريت بيها في حياتي زي ما مستر مكروم ومستر الطيب قالولنا ربنا يستر بعد انتهاء الايام دي وعندي راي تاني لو احنا فعلا عاوزين نفضل في التدريب ده مفيش غير اننا نخطف مستر مكروم ومستر الطيب ونخليهم معانا علي طول

بجد اليوم ده كان جامد جدا لان فعلا انا كنت محتاج موضوع الاهداف ده لان الواحد بيبقى فعلا بيفكر فى كذا هدف فى نفس الوقت وبيفكر ازاى يحاول يحققهم كلهم بس برجع فى االخر وبفشل ومفيش حاجه بتتنفذ فأتعلمت ان انا افكر فى حد واحد فى مجال واحد وبكدا اكيد هوصله بسرعه ان شاء الله
وكمان اتعلمت ازاى احدد الهدف بتاعى وازاى وازاى اعرف اتعامل معاه واعمله خطه لتحقيقه
وكمان لازم الواح يكون عنده واحد يتعلم منه ويستشيره ويرشده للطريق الصح
بصراحه لما مدام وفاء اتكلمت امبارح عن اللعبه الى لعبناها انا دمعت لان بجد الناس كانت مستهيفه اللعبه ومكنتش متخيله انهم كانوا بيستخدمو123 فى حرب يعنى اصعب من الحنا كنا بنعمله بكتير علشان يعرفوا يعيشوا والى يغلط كان بيموت وبيتعور
بصراحه اليوم كان من بدايه جميل جدا واحسن من الى قبله وخاصه كنت ميت على نفسى من الضحك فى اللعبه الى لعبناها فى الاخر وكان ختامه مسك بجد الواحد كان خارج مبسوط جدا

رفيدة حازم
123
مهما يكون

كان يوم جميل وكانت اول مرة اضحك من قلبي من 7سنين كان امبارح
استفدت كتير جدا
1)عرفت معنى الهدف و ازاي احققه
2)الدوافع و الاراده هي اللي بتحرك الهدف
3)لازم اكون سريعة و دقيقة و مافكرش غير في الحاضر
اتمنى يكون فريق بداية حياة في تقدم دائما

اليوم كان روعه في الاستفاده ازاي تحدد هدفك ودا كان احلا يوم

انا سالى أسرة الحياة 130
اليوم الثالث يوم تحديد الاهداف ده خلانى اعدت حساباتى مرة اخرى انا دخلت التدريب من اجل تنظيم وقتى لتحقيق هدف معين فى حياتى ولما مستر مكروم خلانى اكتب اهم 10 اهداف وبعدين طلب مننا نختار حاجة واحدة بس وجدت ان اهم حاجة فى حياتى هدف تانى خالص
اما كلام مدام وفاء خلانى بكيت واثر فيا جدا
لعبة sms دى جميلة جدا انا ضحكت ضحك محصلش من سنين
التدريب دمه خفيف جدا والمجموعة ظريفة للغاية

اليوم كان رائع ..........
استفدنا كثيرا .....
_ كيف ترتب اهدافك
_ كيف تستطيع التنازل عن بعض الاهداف
_ لا يمكن وجود هدفين بمجال واحد

السلام عليكم ورحمة الله وبركاته

اسمى : مروة سيد احمد محمد سليمان
اسرة : التفاؤل
الرقم :142
البلد : بورسعيد
بجد انا مش عارفه اقول ايه يوم ممتاز يوم رائع كل يوم بيمر بيبقى احسن من الى قبله
بجد انا مش متخيله حياتى بعد التدريب ما هيخلص هتبقى ازاى ان شايله من النهارده هم اخر يوم هيجى
كل يوم ومستر (محمد مكروم ) بيقول فى البدايه اليوم كذا من ايام التدريب بحس ان اليوم بيجرى اليوم الأول علطول بنقول اليوم الثانى وعلطول بعده نقول اليوم الثالث ودخلنا النهارده فى الرابع انا مش متخليه بصراحه اليوم بيمر بسرعه
اليوم كان موثر بصراحه النهار ده عرفت فن التواصل مع الأخرين ازاى اتعامل معاهم طبعا شكرالأستاذ (محمد مكروم)
بصراحه انا متمالكتش نفسى من البكاء لما لعبنا لعبة التواصل كانت مؤثره جدا عليه وعلى سلمى الى كانت امامى
وشكر كبييييير جدا لأستاذ (محمد الطيب ) على المفاتيح الخمسه للتغيير بجد استفدت منها جامد اوى وبجد حسيت انى طلعت كل الى جوايا لما قفلنا النور وقلنا بأعلى صوووت (انا لازم اتغير / انا انسان ناجح /انا انسان مسؤل /
انا لازم أكمل / انا هغير كل الظروف / انا اكبر من اى تحدى / هتقدم هتقدم هتقدم ) وان شاء الله هتقدم وفريق حياه كله هيتقدم

امبارح بجد كان يوم صعب جدا وشيق جدا وهو ده البدايه الفعليه للتدريب
انا فى الاول احب اشكر الدكتور محمد الطيب والدكتور محمد مكروم على التدريب الرائع ده بجد جزاكم الله كل الخير بصراحه الواحد مش عارف يشكرهم على شغلهم الرائع ده بجد لكن ندعو لهم فى مزيد من التقدم والعطاء
بجد امبارح كان يوم جميل جدا لان التواصل ده يمكن من اكتر حاجه مهمه فى حياتنا واستفدنا منه كتير وازاى نتعامل مع الاخرين وازاى قبل منتكلم مع حد نعرف هو ايه الاول وبعدين نتكلم معاه بالطريقه الى تنايبه علشان يفهمنا
امبارح عيطنا.....وصرخنا بألى صوتنا وقلنا هنتقدم....وضحكنا على الاختبار
واتعلمت عدم التسرع فعلا حتى لو فى ضغط عصبى او توتر لازم يكون الواحد هادى وميتأثرش بالى بيتقال علشان يعرف يكمل
جزاكم الله كل الخير وفعلا كل يوم احسن وافضل من الى قبله بكتييييييييييييير

الاسم // اميمة ابراهيم
الرقم// 106
السلام عليكم ورحمة الله
اليوم النهاردة كان دسم اوى وجا د اوى
درس التواصل كان رائع وخا صة نقطة مهارات التواصل فقد فتحت لى با ب على با ب عالم رحب اجهل عنه الكثير
نعم كنت اضع نقسى مكان الاخر حتى اتواصل معه و لكن بشخصيتى انا و ليس بشخصيته هو
الان ارى ان اصعب الشخصيات فى التعامل قد تكون قناعات تخفى ورائها شخصيات ضعيفة تحتاج الى التعاطق معها و ان التواصل سهل مع اى شخصية لو عرفت مفتاحها فالموضوع مهم اوى ولكن يحتاج الى معرفة المزيد عنه
اما موضوع مفاتيح التغيير-فقد بزل فيه الدكتور جهد كبيير شكره الله له لقد اوصلنى الى انى كنت اصرخ فى داخلى و اقول ستوب كفاية كده يا دكتور خلاص استويت خلاص عايزة اتغير كفاية اللى فات من عمرى ساعدنى يا دكتور عشان اعرف طاقاتى و قدراتى و ازاى استغلها فى عمل خير لناسى و مجتمعى

ابرار احمد الخولاني
133
اسرة الحياة
بورسعيد

كان يوم صعب جدا الواحد مكنش متوقعه وانا استمتعت جدا بالتواصل و د/ محمد مكروم وضحلنا الشخصيات كلها وازاي نتعامل معاها وكانت جميله جدا وعشت التواصل بجد
واستفادت اوي من المفاتيح الخمسة وفعلا د/ محمد الطيب طلع من جوانا حماس انا مكنتش اعرف انه موجود جوايا ودائرة النجاح وازاي الواحد صحح الاعتقاد اللي جواه وان احنا لازم نكمل حتي لوفشلنا لازم نكمل
د/محمد مكروم و د/محمد الطيب تعبوا جدا جدا ربنا يكرمهم ويحفظهم

انا سمية القاضى اسرة التفائل 144 صوت يصرخ جوانا يقول استيقظى يا امتى من قبل ان تتمزقى
ان تغير الامة يكون بتغير افرادها البدايه من هنا انا لازم اتغير انا لازم اصلح نفسى انا لاازم انقز غيرى انا لازم اغير امة لانى انسان مسئول امام ربى الظروف مش هتوقفنى الناس مش هتحبطنى قدوتى رسولى دليلى قراّني
ولو واجهتنى عقبات اقول يارب قوينى يارب استعملنى لا تستبدلنى اقوم اقف من تانى شكرا د الطيب المعنى وصل
لو انا فهمت الاخر هقدر اغير فية بمبدئى وطريقتة اروح عندة و اجيبوا واجى اصنف شخصيتة واتعامل باسلم طريقة

اتواصل معاة بكل مشاعرى اخوه فى الله حقيقه لانى دكتور هو مريض لازم اعالجه شكرا استاز مكروم الرساله وصلت

دعا عماد

اسرة مهما يكون
اسرة رقم 3
رقمى 124
بورسعيد

انا مبسوووووطه جدا وعمرى فى حياتى ماتخيلت ان انا اتواصل مع طنط سمية وهى اكبر منى بكتير
وكنت بحترمها وبحبها طبعا
بس ماتخيلتش انى اتواصل معاها بالشكل دا وابكى كمان
واتعلمت ان التواصل مش بالسن خالص بس هو بالعقل وان انا اخلى عقلى هو عقل الى قدامى سواء اكبر او اصغر
حتى لو كنت ما مرتش بالى هو فية اعيشه معاه
وشكرا جدا على لعبة ال 13 سؤال كانت حلوة جدا

انا مي محمد صادق عضو 122 اسرة مهما يكون الصراحة امبارح كان يوم اكثر من روعة وعرفت كل الحلول لمعظم الاشخاص التي اتواصل معهم وانا عندي اعتراف لما كنت بتواصل مع صحبتي حاولت شوية احس بيها فبما انها بكت فانا بكيت الصراحة قولت مش انا الوحيدة الي مش هبكي فيمكن لما بكيت كان شوية احساس وكان معظمه............. بس الصراحة انا فهمت بجد انتو عاوزين ايه من هذا التدريب انا فهمت اني عندما اتكلم مع احد اضع نفسي مكانه علشان كدة انا بكيت (جرء الاحساس زي مقلت) وانابجد اتأثرت بالوقفة الاخيرة وحاولت احس بالكلام الى د/محمد الطيب ردده فأنا حاسة بجد اني غيرت المفتاح من انا عاوزة لانا لازم وحسيت ان لما يكن الذي كان مصنف معاق ذهنيا18سنة قدر ينجح بنجاح يبقي انا لازم ياسليمة اكون ايه ؟اكون اكيد ..............(اغير كل الظروف)ولا ايييييييييييه ربنا يسعدكم ياد/محمد الطيب ويا أ/محمد مكروم دنيا واخرة ف(هل جزاء الاحسان الا الاحسان)

[b]أنا محمد عماد .. 135 .. اسرة التفاؤل



بصراحة انا لن استطيع بكافة الاحوال ان أصف ما حدث امس ......... المتعة أو التشويق دي صفات لاتكفي لوصف هذا اليوم ...... وبالطبع انا استفدت كثيرا ولو فضلت اكتب كل اللي استفدته هيحصل حاجة من اثنين اما ايدي هتوجعني او دماغي هتنفجر ... لكن ... انا ممكن الخص بعضهم :



· كيفية الاستماع للاخرين

· معدلات التواصل (العين و الاذن .....)

· اصناف التواصل (مرئي و غير مرئي ....)

· الاهم هو كيفية التواصل مع الاخرين ابتداء بأقرب الناس اليك

· كيفية التعامل مع العديد من الطباع ( العصبية – الغرور – التردد ....... )



ثم يأتي بعد ذلك المفاتيح الخمس للتغيير والتي ايقظت فينا الروح واخرجت منا امكانيات بعضنا لم يعرف بوجودها من الاساس .. مثلا :



انا لم افكر او اعتقد اني قد ارفع باصبعين فقط مع 3 من اصدقائي صديق يزن 120كجم

ولكن بعد الحصول على الدافع المناسب و الاستراتيجية الفعالة(طبعا بعض المؤثرات الصوتية لحبك العملية)..... استطعنا حمله .

يا ترى هيحصل لنا ايه بعد كده ...... ربما .... يمكن يعلمونا ازاي نطير ليه لآ ؟؟!!!!



والله اعلم.......

[/b]

لقد اعجبنى اليوم الثالث ولكن فقرة الاهداف العشرة لم أكن أتوقع نتيجتها هذه لانى لم أفكر بهذه الطريقة مع أهدافى من قبل ولقد سعدت جدا بفترة الاسترخاء وحصولى على شجرة أهدافى

السم:عصام ثابت اسم الاسرة:المستقبل رقمى:145

اولا تحمل المسؤلية كانت لعبة (123)تعمل على الجدية بجد بقيت اتحمل المسؤلية فى حجات كثيرة وتحث ان المسؤلية حمل كبير عليك ولاذم نتخطاه ويجب ان نحسس اى احد تحمل المسؤلية وبجد نفسى ابقى ذيكم مشعارف اعمل اه بعد اما يخلص التدريب والسلام عليكم ورحمة الله وبركاته

انا اسمى علاء محمد ثابت رقمى 146 اسرة الامل انا اعتذر عن الايام الفاتت لان كان يوجد مشاكل فى النت ولكن انا سوف اتكلم عن الايام كلها ان فى ثالث يوم تكلمنا عن تحمل المسؤلية ولقد استفد كثيرآ من تحمل المسؤلية ان لا اتخلى عن هدفى وفربقى وان من لعبة 123 علمتنى الكثير واتا احبكم فى الله وشكرآلكم