خذ نية جديدة

السلام عليكم ورحمة الله وبركاته
اولا ازيكوا كلكم يارب تكونوا كلكم بخير
انا حبيت اكتب الموضوع ده مع الرغم ان ممكن يكون معظمنا عارف عن الموضوع بس ممكن بعضنا يكون ناسيه او اول مرة يسمع عنه
طبعا كلنا اخدنا سوا النهاردة ادارة وتخطيط الوقت بس كان نفسى ان مستر مكروم يلفت انتباهنا الى تجديد النية
اولا يعنى ايه نيه اصلا
النية: هى ما يكنه القلب ويصدقه العمل
طيب يعنى ايه اجدد نيتى : يعنى قبل ما اقوم بأى عمل اجدد فيه نيتى
طيب ممكن حد يسأل طيب وانا اعمل كدة ليه
احنا ببساطة هنعمل كدة علشان يبقى كل حاجة بعملها فى حياتى آ خذ عليها ثواب بقدر الامكان.
جميل جدا طيب نعمل كدة ازاى
يعنى مثلا انا داخل انام ممكن قبل ما انا أخذ نية واقول ياربى انا هنام علشان استعيد نشاطى وطاقتى اللى هستعين بيهم لما هصحى ع حسن عبادتك مثلا او ع خدمة المسلمين او اى حاجة تانية هتعملها
او مثلا انا هاخذ بريك اتفرج ع التليفزيون هقول هجدد نيتى برده واقول ياربى انا هاخذ البريك ده علشان اريح مثلا اعصابى ودماغى من ضغط الشغل شوية علشان اقدر ارجع اشتغل عملى باتقان
وغير كدة معظمنا مش بيحب الدراسة والمذاكرة (ما عاديا)ليه منجددتش نيتا طالما كدة كدة مضطرين نذاكر مثلا نقول يارب انا هذاكر علشان اسعد والدى ووالدتى او مثلا علشان اصبح مسلما ناجحا انفع دينى وامتى
وغير كدة من الحاجات الكتيرة اللى بنعملها دايما ومش واخدين بالنا اننا ممكن برده ناخذ عليها ثواب كدة حتى لو انا مثلا بلعب او بتفرج على التليفزيون او نايم .....الخ برده هاخذ ثواب مع انها حاجات فى نظر بعضنا بتضيع الوقت
يالا كلنا نجدد نيتنا وناخذ نية جديدة اننا ان شاء الله قبل ما نبدأ اى عمل نجدد نيتا علشان ناخذ عليه ثواب لو عملنا كدة فى كل شئون حياتنا بجد هنحس بالاستمتاع واحنا بنعمل الحاجة دى وكمان ربنا هيباركلنا فى عملنا لأن نيتنا خير

السلام عليكم ورحمة الله وبركاته
ربنا يكرمك يا تسنيم يا عسل ع التذكرة والمبادرة الحلوة ديه
جزاكي الله خيرا و ربنا يجعله ف ميزان حسناتك يا رب
وبقترح إن كل واحد يدخل ع الموضوع يقول إيه نيته عامة ف دخول التدريب والانضمام للفريق علشان تتعدد النوايا وكلنا ناخد الاجر و الثواب إن شاء الله
وهبدأ أنا
1-إن التدريب فعلا بداية حياة جديدة منهاجها رضى الله عزوجل ورسوله
2-تكوين صداقات جديدة والتعرف ع صحبه صالحة إن شاء الله
3-التعون ع البر و التقوى
4-الترفيه ع النفس بصورة مفيدة جدا جدا وممتعة أيضا جدا