من تجاربى مع العفاريت

السلام عليكم شباب
كيفيكم ويارب تكونوا جميعا بخير

للاسف ليس لدى وقت لدخول المنتدى ومتابعته اخباركم بنفسى لذلك كلفت ساره عادل طبعا كلكم عارفينها تتابع المنتدى
بالامس فوجئت بساره تدخل مكتبى وتقولى يامدام وفاء منتدى بورسعيد طلع فيه عفريت طبعا رديت مش ممكن
ازى اعتقدت ان الموضوع مزاح من احد الاعضاء حاجه كده زى عفريت العلبه بعد شويه حيطلع ويقولنا هو مين

ولكن بعد اطلاعى على المشاركه الموضوع جاد فيه استنكار من الاعضاء وهجوم على المشاركه ثم الغاء عضويه
ازاى واحد من الفريق يعمل كده
ولكن من اسلوب الكتابه وطريقه العرض وحاجات تانيه اتضح لى الاتى :
الموضوع رد عليه 30 واحد واطلع عليه اكثر من 170 مره
ياجماعه ممكن نكون غلطنا فى حق العفريت ده
قرأتم الموضوع بعين رؤسكم فقط ولم تقرءوه بعين عقولكم

العفريت ده واحد منكم بيستغيث بيكم بيقولكم ساعدونى بس مش قادر يقولها صراحه بيقول اللى خايف يكتب حاجه يبعتها وانا اعرضها علشان هو كمان يقول اللى نفسه ويعرض المشكله فى وسط مشاكلكم
من غير ما يعرفه حد مننا بس خايف يقول هو مين هو خايف من ايه

علشان كده اختار اسم مخيف له هو مش لينا

واكيد ماكنش نايم فى التدريب لكن يمكن هو لعب لعبه التواصل مع حد مش عارفه كويس علشان كده مقدرش يتواصل مع حد تانى لان اللعبه كانت عباره عن سؤالين
انت عايز ايه ؟ وخايف من ايه ؟ كان لازم يطلع مخاوفه ويقضى عليها يوم لعبه المنشار

ابنى او بنتى
لو مش عايز تقول انت مين انصحك بالاتى

هات ورقه واكتب فيها انا عايز 1 - 2 - 3- مثلا
وفى ظهر الورقه اكتب انا خايف من 1 - 2 - 3-

ان شاء الله حتلاقى الموضوع هين واسهل مما تتخيل

العب مع المخاوف او المشاكل لعبه المنشار انشرها كلها وعلى مهلك يمكن تاخد منك وقت شويه لكن بإذن الله حتوصل
لانك انسان مسئول عن نفسك اولا افتكر دى كويس

وسامحنا لانك كنت بينا ومعرفناش نتواصل معاك احنا استعجلنا فى الحكم واتسرعنا فى الرد
بس انت كمان غلطان لازم تكون واثق فينا اكثر من كده شويه

صحيح فيه ناس بتكلم كثير بس شوف كده لو حد فى الفريق احتاج حاجه او عنده مشكله
وقتها معدن الفريق ده حيظهر كويس ودى حاجه انا متأكده منها


خالص تحياتى
وفاء شكرى

السلام عليكم
ارى انه لا داعى للفضول
كل انسان حر فى الافصاح عما بداخله وفى الوقت الذى يناسبه
اردت فقط لفت نظركم الى طريقه احسن لمعالجه الامور بيننا
ومافيش داعى نتكلم كثير عن الموضوع ده واكيد طبعا كلنا عندنا عفاريت زرق وكل الالوان

ونتكلم فى حاجات تانيه اهم
تحياتى
وفاء

فعلا يا استاذة وفاء كلامك صح ........
وانا زعلت اوي من رد فعل الناس كأنكو قبضتو على اسير في معركة وبتعذبوه........
يعني الموضوع مش مستاهل كل اللي حصل ...

بصراحة كلام جميل جداً ولكن من المفروض انه يجب أن يفصح عن شخصيته حتى نثق فيه ويجب أن يشارك ويقول رأيه لاأنه كان معنا فى التدريب ويعرفنا جميعاً