يوم الراحة

                             بسم الله الرحمن الرحيم

أنا إسراء أسرة المستقبل ورقمي 118

ازيكم با جماعة بجد وحشتوني جدا ومش عارفة ازاي التدريب ده هيجي يوم وينتهي مش قادرة اتخيل الفكرة

وبطردها دايما من تفكيري لاني فعلا بحس إحساس الطفل اللي بياخدوه من مامته تخيلوا شعوره بيكون ايه ده

احساسي دلوقتي وبتمني الايام تقف هنا او هضطر اسفه اني الجا للحل البديل مع مستر مكروم ودكتور الطيب واعتقد

انهم هيوافقوني لما يعرفوا ان السبب لكده اني فعلا اتعودت اننا نشوفهم كل يوم ونقضي اجمل ساعات معاهم

عامه هتكلم عن يوم الجمعة اللي مفروض انه يكون يوم الراحة لكن للاسف مكانش راحة يعني بس كل الموضوع

اني صحيت متاخر عن اي يوم يعني الساعة11:20 صباحا وقرات سورة الكهف وبعدين فطرت وجينا بقي للشغل

بجد الحمد لله خلصت تنظيم البيت وبصراحه كان نفسي اكسل واعمل فيها سيدة القصر وامر وانهي بقي واقولهم ده

واجب عليا ومستر مكروم ودكتور الطيب قالولنا نرتاح بس معرفتش بقي ان شاء الله المره الجايه اكون خططت

كويس للموضوع ده 

المهم انه بعد التعب ده عملت اجمل حاجه في اليوم وروحت مع مجموعه جميله جدا من فريق بدايه حياة لدار الايتام

ببورسعيد وبصراحة قضينا معاهم وقت جميل جدا ولعبنا معاهم وبجد رجعوني لايام الطفوله وحسيت اني طفله زيهم

وبصراحه لما روحت البيت نسيت كل التعب اللي كنت حاسه بيه قبل ما انزل معاهم