اليوم الخامس

كان اليوم ده يوم اختلطت فيه مشاعر كتييييييير أوي ومعاني أكتر
وده كان في جزء حب مصر

أما في جزء الأنظمة لتمثيلية فكان في أفكار كتير (كالعادة) لكن الدكتور لخص الأنماط في ثلاثة أنواع مما يسهل التعامل مع الأشخاص إلى حد كبير.

الاسم : ساره محمود محمد ابو الحسن
الاسره : المستقبل
الرقم 116
كان يوم جميل جدا واستفت كتير فى انى افهم اللى ادامى كويس جدا والطريقه المثاليه للتعامل معاها وده بيكمل محاضرة التواصل واستفت من المناقشه كتير واستفت من كلام دكتور محمد الطيب عن الدول اللى بره انا عمرى ماسمعت الكلام ده قبل كده

المهم إنك تكوني عارفه إنتي عاوزه إيه


محمد عمرو رقم 1 أسرة بكره احلى

الاسم /اميمة ابراهيم
الرقم /106
النهاردة كان يوم فى حب الوطن و حب مصر-لقد تم مناقشة قضية الهجرة كحلم للشباب باسلوب رائع و مقنع-الاسلوب ده حسيت منه اننا ممكن نخسر قضايا كثيرة مقتنعين بها و معانا حق فيها بسبب اسلوبنا الخاطئى فى عرض القضية و مناقشتها و نبقى زى التاجر الفاشل اللى معاه بضاعة جيدة و لكن لا يجيد عرضها و التدليل عليها
-اما موضوع تحليل شخصية اللى قدامك من نظرة عينيه و مشيته و حركته و طريقة تنفسه فموضوع بجد شيق اوى و ممتع اوى و ما كنتش عايزه يخلص
الحقيقة اليوم كان ممتع و جميل و مفيد
شكرا دكتور الطيب -شكرا مستر مكروم و جزاكم الله خيرا

السلام عليكم ورحمة الله وبركاته

الاسم: دعاء عماد
اسم الاسرة: مهما يكون
رقم الاسرة: 3
رقمى: 124

كان يوم رائع واخيرا عرفت انا بحب بلدى ليه
واستفدت فى ان انا اعرف ازاى احدد شخصية الى اقدامى
وبدأت اتعامل على اسس معينه مع اسرتى
والحمد لله حاسة بتغيير كبير جدا فيه

انا سمية القاضى اسرة التفائل 144 كان يوم جميل حسيت ان الشباب الموجود بدأت فكرة السفر تتغير وبدأوا يحاولوا يكبروا فى بلدهم لأنها هتخاف عليهم اكتر من غيرها الحل مش فى السفر الحل جوه بلدك كبرها وعمرها واكبر فيها متسبهاش يطمع فيها غيرك ويستفيد من خيرتها بلدك فيها موارد ممكن استغلالاها بس فكر وابدأ صغير وطور نفسك وان شاء الله هتعلى . موضوع حب الوطن لسة فية كلام كتيييير( كيفية استغلال الموارد - انواع الموارد - ازاى ابدأ صغير ) وانا عاوزة اقول ان الأنتماء الأكبر للأسلام وان كل جزء فى العالم اسلامى هو وطنا .

فى درس الشخصيات عرفت اميز بين اسلوب كل شخص فى التعبير واحد بيستخدم السمع اكتر او البصر اكتر او الأحساس اكتر وبدأت اعذر كل انسان لأنها طبيعة في اسلوبة فى الحياة .

شكرا لمجهودكم معانا ودمتم سالمين

بصراحه يا جماعه انا قبل مهتكلم فى اى حاجه لازم اشكر الدكتور محمد مكروم لانه كان تعبان جدا وكان المفروض يكون مرتاح ومينزلش ولا يتكلم حتى
بس علشان بيحبنا وعايز يفدنا كمان جه على نفسه ونزل وجه ووشرح ومحسسناش كمان انه كان تعبان
يارب يكرمه ويبارك فيه
يارب اشفيه وخفف عنه مرضه يارب
بجد جزاك الله كل الخير ان شاء الله يا دكتور
اليوم بصراحه بالنسبه لى كان مختلف تماما عن اى يوم بجد لان اليوم ده كنت فى دمياطواتعرفت على ناس جديده واتعاملت مع ناس تانيه غير الى معانا وبجد انا اول مره اتكلم بسرعه كدا مع اى حد
وبصراحه اليم كان جامد جدا لانه تكمله لوم التواصل وازاى الواحد يعرف نظام الى قدامه ويعرف كمان يتعامل معاه ازاى بجد كان جميل جدا
اكتر حاجه فعلا كانت ممتعه المناقشه الى كانت مع الدكتور محمد الطيب وعرفت ان لسه الدنيا بخير والناس لسه بتحب مصر وهتفضل تحبها وهتفضل تفكر ازاى تعلى البلد دى
بجد يا جماعه انا دمعت لما سمعت اكتر من واحده بتقول بلاد برا احسن من مصر والى خلانى اعمل كدا ان كان فى مدام بتتكلم عن الى كانت بتعمله وكانت بتفكر ازاى تخلى المكان الى هيا فيه يفيد البلد وتفيد الناس الى فيه وفى الاخر يقوللها انتى متنفعيش واحلامك بره واحان مش قدها
فى واحد قام يتكلم عن مصر بصراحه انا قعدت اضحك على طريقه كلامه بس الشخص ده فى الاخر كان معظم كلامه السلبيات الى موجوده فى مصر
بس لما الدكتور محمد الطيب بدأ يتكلم رد على كل واحد قال انه مش عايز يعيش فى مصر او مصر وحشه
وان شاء الله هشوفوا الناس دى وهتتعملوا معاهم وهيبقى يوم جامد جدا جدا جدا ان شاء الله
معلش بقى طولت عليكى بس حبيت احكيلكم على اليوم

ابرار الخولاني
133
اسرة الحياة
بورسعيد
كان يوم حلو استاذ مكروم كملنا الشخصيات واتكلم عن الانماط التمثيليه كانت حلوة جدا وبقيت خلاص عايزة اراقب كل واحد عشان اعرف بيتكلم ازاي انا خايفه امشي في الشارع اقعد ابص علي الناس عشان اعرف هما نمطهم ايه
بجد حلوة ومشوقه جدا
ود/محمد الطيب صلح عندنا افكار كتير وعند الشباب بالاخص ووضحلنا ان مصر احسن من اي بلد تانيه في العالم والمقارنه بين بقيه البلاد وضحتلنا ده

الاسم : احمد احمد ابوزيد
اسم الاسره :المستقبل(2)
رقمى:(111)
امبارح كان يوم المناقشه ودكتور محمد الطيب اسر انو يعملنا عمليه احباط علشان يعرف احنا استفدنا من المفاتيح الخمسه وهى اننا لازم نقاوم وفى ناس قاومه امبارح كتييييييييييير وانا واحد من الناس دى بس فى الاخر معرفتش اقول رئيى وققرت انى اشترى قبل ما ابيع انا اعد سمعت كل الاراء لقيت ان نصف الكلام اللى انا كنت هقوله دكتور محمد الطيب قاله والاخ مؤمن والاخ جمال قالوا وانا عايز اقول ان لو اهلنا وجددنا مكنوش ضحو من اجل البلد دى مكنش ده بقى حلنا لازم نحب البد دى لان البلد دى اديتنا جنسيتها من غير ما نتعب فيها وجيشها ادنا الامن والامان والاستقرار وفعلا البلد دى محتاجه شببها ولازم نحبها زى ما اللى قبلنا حبوها ومهما بعدنا عنها لازم هنرجع لها لان البلد دى زى امى مقدرش ابعد عنها وعايز اقول حاجه لو البلد دى مكنتش مرت بالستعمارات والحروب كانت مصر هتبقى اغنى دول العالم .
اما درس الانظمه التمسيليه ده كماله لدرس التواصل والحمدالله عرفت ازاى افرق بين (الحسى والبصر والسمعى).
وجزاكم الله خيرا

الاسم:عصام اسم السرة:المستقبل رقمى:145

د\ محمد الطيب كشفلى حات كثير فى دماغى وبيحمسنى فى اخذ قرارى واشياء كثيرة امبارح كان يوم جميل وكمان انا كنت هسافر الى الخارخ بس الكلام الى سمعته امبارح قلي لاذم اعمل شئ فى بلدى ثم انجح فى الخارج وربنا يبارك فيكم ان شاء الله ةهتكملو نجاحكم والسلام عليكم ورحمه الله وبركايه

انا من انبيرح مابعملش حاجه غير اني اعرف الشخصيات والموضوع ده فادني كتير عشان اعرف التعامل مع كل الاشخاص

والمناقشه في موضوع السفر انا بنزبا لي الموضوع ده كان محسوم من زمان اني لو سفرة يبقا عشان دراسه في اي مكان في العالم

الاسم:علاء محمد ثابت
الاسرة:الامل
رقمى:146

السلام عليكم ورحمة الله وبركاتة:-
انا بصراحة عايزاحقق هدفى فى الخارج فعلا لكى احقق هدفى وانا اريد ان افيد بلدى واريد ان تساعدونى فى النهود فى بلدى اولا وشكرا لحضراتكم

انا عمر هريدى
الرقم 137
الاسرة التفاؤل
أعجبنى جدا درس الامثلة التنظيمية وعرفت أنواع شخصيات بعض أقاربى و استطعت تفسير بعض تصرفاتهم.
كما استمتعت بمحاضرة حب مصر وتأكدت أننى لن أسافر الا للعلاج أو لطلب العلم.
أشكر د/محمد الطيب جدا لأننى عرفت منه دليلا ملموسا لحب مصر مع أننى أرى أننى لا أحتاج له ليجعلنى أنجح لي ولها و أظن انه يكفينى حبها فقط.
و السلام عليكم و رحمة الله و بركاته.

كالعادة اليوم كان غاية في المتعة ..... وكالعادة ( الحمد لله ) تعلمنا الكثير :

• ما هي الانظمة التمثيلية و ما أنواعها
• كيف تتعرف على النظام التمثيلي لأي شخص
• كيف توازن بين الانظمة الثلاثة
• كيف نحب مصر

وأخيرا .... أريد ان اقول شيئا :

منذ كان عندي 13 سنة حين بدأت لأول مرة أضع هدف بحياتي ... كان هدفي الاول هو ان مصر تكون احسن بلد في الدنيا .. بالنسبة لي لم يكن مهما ان اجد وظيفة جيدة او مكان مريح انما كانت مصر هي هدفي... يمكن ربنا وفقني في المنتخب اني ارفع علم مصر وكانت دي اجمل لحظة بحياتي ... وقد اتضح لي أن الحل بسيط وهو ان يبدأ كل شخص بنفسه ... وللعلم أن الشخص الفاسد عندما يرى من حوله مصلحين سيتحول لمصلح تلقائيا .. اولا لعدم احراجه ثم مع مرور الوقت يكتسب من الاخرين نية الاصلاح

والله اعلم ........

ايمان عكاشة اسرة المستقبل الفرقة 2 رقم 115

بعد اليوم الخامس انا فرحانة بنفسى قوى قوى.................وبجد بهنيها
اى كلمة شكر لن تعبر عما بداخلى ل د/ محمد الطيب و د/ محمد مكروم

وجزاكم اللة خيرا عنا

عبدالرحمن توفيق

رقم 139
الاسره اسره التفاؤل
استفدت
1 اعرف الشخصيات
2 اعرف احب بلدى

رفيدة حازم

123
مهما يكون
بورسعيد
كان يوم مستفز جدا رغم كده اتعلمت حاجات كتيير جدا
وبرغم انهم كانوا محبطين لكن انا ماتنازلتش عن رايي
وقررت اني مش هاقول رايي تاني ابدا
وبالرغم من اني كنت باحقد على احمد عصام انه قال اللي كنت بافكر اني اقوله لكن انا اتشرفت ان في حد مننا قال الكلام الي اثر فينا كلنا

بسم الله الرحمن الرحيم

الاسم :إسراء عبد المعز أحمد

الاسرة: المستقبل

الرقم:118


بداية الحديث حابة اشكر كل من د/ مكروم ود/ الطيب علي اليوم الرائع ده

عجبني جدا كلام د/ مكروم عن طريقة استقبالنا للمعلومات وعن الانظمه الحسية (البصري والسمعي والحسي)

وعجبنب اكتر طريقه الشرح الرائعه والمبسطه والتطبيق العملي لانه خلانا ناخد بالنا من طريقه كل شخص ونقدر

نعرف نظامه التمثيلي ايه وان كنت يعني ضاع مني جزء في الموضوع ده لمؤثر خارجي بس بجد استفدت كتير جدا

شكرا يا مستر مكروم و.... وربنا يسامحك

تاني جزء مهم في اليوم كانت المناقشة الاكثر من رائعه لدكتور الطيب واللي كان طريقته طريقة ممتازه جدا في

بداية الحديث عن سبب حبنا لهذا الوطن رغم كل سلبياته وبجد اسلوب ذكي استفز مشاعر الناس اللي بتقول انها لازم

تفضل هنا وخلاهم يخرجوا كل اللي جواهم ومش هما بس لا وكل اللي بيقول يسافر للخارج الموضوع كان رائع جدا

والمناقشه عجبتني واستمتعت كتير لاني شاركت في المناقشه رغم اختلافي مع الكثيرين ورغم اني العادي مش

بشترك في اي مناقشات بس طريقه د\ الطيب وسعه صدره للاستماع لكل الاراء ساعدني كتير واخرجني من دائره

الاحراج وخلاني اتكلم وان كنت بختلف مع د/ الطيب في بعض الامور في الموضوع دهيعني مثلا كلامه عن اني لو

سافرت اي بلد تاني هلاقي سلبيات طيب ما هنا سلبيات كتير يعني تقريبا العنليه متعادلهمش هتكلم كتير في

الموضوع ومش عاوزه حد يزعل من رايي بس انا لو اتيحت ليا فرصه اني اسافر مش هحب اكون هناومش معني

كلامي اني بكره البلد دي لا بس مش حاسه انها قدمتلي اي حاجه ورغم كده انا لو سافرت عمري ما هبخل علي بلدي

باي حاجه وعامة بجد شكرا ليك د/ الطيب

بصراحه انا متشوقة جدا لليوم السادس يا تري هيكون فيه ايه وايه المفاجئه اللي هنشوفها

بصراحة دي اجمل ايام واسعد لحظات في حياتي هي الايام اللي بعيشها دلوقتي مع الفريق والمدربين اللي بجد

مالهمش حل وبجد مش عارفه اقول ايه لدكتور مكروم ودكتور الطيب لانهم كانوا سبب في اسعادي بالشكل ده بجد

ميرسي كتير ليكم وربنا يجعله في ميزان حسناتكم

(انا مي محمد صادق عضو 122 اسرة مهما يكون )انا كنت مبسوطة امبارح جدااااااااا وكان يوم مختلف جداااااا الصراحة امبارح لما شغلو فيديوهان لفريق بداية حياة السابق لم اتمالك نفسي من البكاء علشان انا فكرت في كل وقت قبل كدة ضيعته وازاي انا كنت بعمل كدة
وعرفت احدد نع الشخص
1.بصري: وهوة الي كلامه كتير وبسرعة وحركته سريعة ومش بيدي غالبا فرصة للكلام للغير
2.حسي:وهوة الي بيتكلم بلغة المشاعر والاحاسيس ولا تتحرك اثناء الكلام وكلامه بطئ وصوته مخفض
3.احسن شخصية السمعي:وهوة الشخص الي في كل حاجة وسط واحنا عارفين ان(خير الأمور الوسط)
على فكرة الواحد عندة كل هذه الشخصيات بس حسب الموقف
والحل الأمثل علشان يتفق شخصيتان مختلفتان ان ينزل كل منهما للاخر بقدر بسيط حتى يتفاهمااااااان

سالى حسين 130 اسرة الحياة
اليوم انهارده كان جميل استمتعت جدا بالانظمة التمثيلية وشرح مستر مكروم كان شيق جدا وطول مانا قاعدة كنت باطبقه على الموجودين وحتى فى البيت.
اما الجزء التانى وهو المنا قشة عن حب الوطن ,انا بحب مصر جدا جدا بحلوها ومرها بحبها لدرجة التعصب ود.الطيب فى بداية المناقشة وهو بيحاول يخرج اللى جوانا وصللى انه مش بيحبها وعلشان كده استفزنى جدا للمشاركة فى الحوار بكل مشاعرى لحد ما فى الاخر فهمت هو بيعمل ايه بجد الناس دى فاهمة كويس هما بيعملوا ايه وانا بشكرهم على تعبهم معانا جدا

منى محمد
143
التفاؤل

السلام عليكم و رحمة الله و بركاته
صراحة النهاردة يوم جه فى وقته الايام اللى فاتت التغير كان كبير و التفكير و القلق كانوا هيخلصوا عليا
ادركت فى اليوم الخامس بكل وضوح
التحاور و المناقشة ليها لغات كتيرة
لازم يكون فاهمين ده و عارفينه عشان نكون الجرار مش التوكتوك