اليوم الرابع {الدفعة السابعة ببورسعيد}

عمر محمود محمد علي
198 220
اب اسرة الحياة والامل الاخ الاكبر لاسرة المستقبل
اسرة 2 اسرة 5


والله احنا انهارده كان يوم مميز لدرجة اننا مكناش عايزين نمشي احنا اول ما رحنا عملنا الطابور وناس ربنا يكرمهم عملوا الطابور وخلونا نقول الصيحة ودخلنا كل واحد قال الايجابيات واخدنا درس التواصل وكان مهم جدا وكلنا كنا محتاجينه واستفدنا منه واخدنا البريك .

ولما صلينا ورجعنا استاذ محمد مكروم عملنا امتحان ولا امتحان الثانوية وكلنا جبنا نفس النتيجة ههههههههه
وبعدين اللي مكنتش اتوقعه ... اننا عملنا مناقشة مفتوحة وكانت سخنة وكانت على نار هادية وكانت من الطبعة الاولى وكمان اتكلمنا على اخر 90 دقيقة واخر 48 ساعة واتكلمنا الحياة اليوم عاملة ازاي وكمان واحد من الناس كان محموء جدا من اللي بيتقال وكانت الموضوع {احنا بنحب مصر ليه} والمناقشة اتفتحت الساعة 2:00 وخلصت 4:15 وبصراحة كانت مناقشة جامدة جدا عرفنا منها شخصيات كل واحد فينا وعرفنا من د. محمد مكروم ان بلدنا حلوة اوي بس احنا مش شايفين كده وعرفنا منه معلومات عن بلاد كتير برة, مصر احسن منها بملايين المرات وان البلاد ده متستحقش اننا نبصلها اصلا.
وبعد كووووووووووووووووووووووول ده المناقشة لسه مخلصتش وفي قضايا كتير اتفتحت ومتقفلتش.

واتمنى ان كل شاب او شخص ناجح يقعد في مصر مايطلعش برة لان برة مايستهلوش ده منك مصر هي اللي تستاهله ومحتاجاه.

والسلام عليكم ورحمة الله وبركاته.

محمد علي
220
اخ كبير اسرة المستقبل
اسرة 5

محمد يا جماعة ظبط معاية الموضوع هو كمانوانا كتبت بياناته بس هي مظهرتش انا مشعارف ليه

ويا جماعة معلش للخبطة البيانات اللي كتب الموضوع ده هو
عمر محمود {انا
198
اسرة الحياة والامل




محمد علي
220
اسرة المستقبل

اسمى عبدالرحمن عادل
اسرة المستقبل
رقم218
اليوم كان جميل جدا واستفد كثيرا من درس التواصل وعجبتنى اللعبة مع انى لم اقل شيئا وعجبنى كثيرا النقاش الخير

السلام عليكم ورحمة الله وبركاته
انا مي محمد صادق
رقم122
اسرة مهما يكون
النهاردة كان يوم في اخره كنا هنطخ بعض بالنار وبس حلو ان المناقشة تبئى مولعة كدة
واستمروووووووووووووووووووووووووووو

ايجابياتي اني غسلت شوية مواعين النعاردة
ادعو معايا اني ابطل كسل والايجابيات تعلى وتوصل لاني اخلص تنظيف البيت كله
وشكرااااااااا

دعاء عماد
124
اسرة مهما يكون
الدفعة الرابعة

انهارده اليوم كان حلو جدا او بمعنى اصح الحبه الى قعدتهم كانوا حلوين كان عندى ظروف ماعرفتش اقعد للاخر ان شاء الله المرة الجايه يبقى اليوم كله

اجابيات انهارده انى قرات جزء قرءان وكنا صيمين كلنا فى البيت وانا الى حضرت الاكل وحطيت خطه عشان اراجع القران الى انا حفظاه فى شهر ادعولى امشى عليها وطبعا الاجابيات دى تعتبر دلع بالنسبه للى احنا كنا متعودين عليه ايام التدريب وعايزين يا جماعه بجد نشجع بعض على الاجابيات اكتر من كده ولو حد عمل ايجابيه جديده يقولنا عليعا عشان نعملها وطبعا هياخد ثواب كل حد هيعمل الاجابيه دى

اسفه لانى طولت عليكوا

مصطفى حسن حسين امين
اسرة بكره احلى
رقم 204
مصري
ــــــــــــــــــــــــــــــــــــــــــــــــــــــ
اولا اليوم كااان طبعا روعه وبجد درس التواصل جامد اوي
و اتعلمت منو حجااات كتيير جدا واستفدت زي كل يوم
ومستر مكروم دحك علينا جامد في الامتحان في سؤال (22) ههههه
وبرضو كان جامد وبعدين اعدنا نتناقش وبجد انا كنت هطق
حسيت اني في الهند مش ف مصر هههههه ما علينا اليوم خلص وبلاش تعليق بس انا كنت عايز اقول لسوبر تسنيم دي كانت مناقشه مش اكتر يعني لولاكي كنا خلصنا النقاش اسرع من كده واتكلمنا في حجات كتير يعني متزعليش كلنا كنا بنتناقش وبرضو هتفضلي سوبر تسنيم لووول
اما انا بقى زعلت بجد ان في ناس كتير بجد ميعرفش قد ايه بلدو دي احسن بلد وبجد وحشتنا يا دكتور محمد ولو كنت موجود كانت المناقشه هتبقى احلى واحلى مع ان مستر محمد مكروم مقصرش خالص
عموما انا بجد انهرضه الايجابيه بتعتي اني حرقت دمي بسبب مصر ههههههه
وعلى فكره انا بفكر في فكره كده وعايز اعرف ايه رأيكم بس خلوني اسأل الدكتور الاول وبعدين هقولهالكم
وبجد هتوحشوني اوي لغايت ما نتقابل يوم الحد انشاء الله [code]

أمينة مهدى
اسرة ميلاد جديد
216
حمد لله من بداية اليوم الكل كان بيتعامل من مبدأ اسره واحده بيت واحد كل واحد كان وحشه اللى جنبه واللى جنب اللى جنبه وكلنا كنا وحشين بعض واحداث باقى اليوم اخواتى واخوانى حكوها افضل ماانا ممكن احكيها بس اللى شدنى المناقشة اللى اثبت لى انى غيرقادره على مواصلة اى محادثة بصورة علمية وخاصة عند الكلام عن فلسطين مش عارفة ليه وده غلط لان بالاسلوب ده مش هعرف اساعد فى تحريرها رغم انى مقاطعة للمونتجات اليهودية بس مش كفاية وحمد لله دكتور محمد مكروم علمنا ازاى نتكلم ازاى نناقش ازاىنفكر فى اى مشكلة وبرغم ده انا كنت معجبة جدا باراء اخواتى ضحى واسماء والبرووف حاولوا نتواصل بكره وبعده علشان نصبر بعض شوية وربنا يستر على اخر يوم للتدريب يارب بطء فى مجيأه
افتقدنا اليوم دكتور محمد الطيب كان يوم غير كامل بغيابه مش كفايه هنصبر الجمعة والسبت كمان الخميس يارب يكون بخير ويارب يوصلوا سالمين واجازة سعيده

والله فكرة يادعاء اني اراجع الي معظم الي حفظته في شهر واضعط نفسي
بجد مشكورة
وربنا معاكي ومعانا كلنا

تسنيم عطية السعداوي
اسرة التعاون
195
النهاردة كان موضوعنا عن التواصل و بعدين اتكلمنا عن حب مصر يمكن تكونوا فهمتوا من كلامي إني مش بحب مصر لما قلت إني" ممكن أعيش في أي مكان حتى لو كان إسرائيل" الحقيقة إني مستاءة جدا من الوضع في مصر لإني بحبها جدا وعلشان بحبها لازم أشوف الواقع صح علشان كده شايفة إن أسوء مكان في العالم اللي هو إسرائيل عملوا اللي إحنا معرفناش نعمله و هما ماعندهمش دين ولا أخلاق .... فبلاش نشوف الدنيا وردي ونحس إن مصر أحسن بلد لأن لو هي كده مش ضروري بقى نتحرك ولا نعمل حاجة لمصر.....فمكنش فيه داعي لدرس الوطنية ده اللي قام كل واحد يدهولي علشان أنا بحب مصر أكتر منكم ....( الأب اللي بيحب إبنه بينتقده ويقارنه دايما بأصحابه اللي أحسن منه مش بيفضل يحسسه إنه تمام لأنه عايزه أحسن الناس )...
الناس اللي بيقولولي ماتزعليش أنا هازعل ليه أنا لسه مصره على رأي وماحدش له حق إنه يزعل أساسا لأن ده رأي.....

الاسم معاذ عادل الرفاعى على العتال
اسرة الحيا والامل
رقم200اليوم كان حلو وكان التواصل جيد ولكن ف اخر اليوم كل واحد قال بيحب مصر ولا لأولكن تسنيم قالت ان اسرائيل اقوى شعب ف العالم ولكن مستر مكروم قال ان مصر امن بلد darkredولكن لأ علشان مثلا واحد زى خالد سعيد مات ع ايدين ضباط مصريين زيه مش عارف ليه مش المفروض ان ده يحصل مهما كان السبب [color:a9c9= ]

السلام عليكم
إسمي بتول عطية محمد
أسرة الحياة والأمل رقم 202
الدافعة السابعة بورسعيد
إنهارده اليوم كان جميل ومؤثر خصوصا موضوع التواصل موضوع مهم جدا ....وكمان أنا إستمتعت جدا بالمناقشة إنهارده بس فيه حاجات كنت عايزة أقولها:
-أولا أحب أقول لكل اللي سخنوا إنهارده وقاموا يبرهنوا على وطنيتهم وإنتمائهم للبلد رغم إن معظمهم لما إتسألوا لو جتلك فرصة تسيبها هتسيبها ولا لأ؟ معظمهم قال هاسيبها المهم أحب أقولهم إن ده ماكنش له لزوم إنهم يقوموا يعملوا كده لما إتكلمت لأنه ماحدش في المناقشة بما فينا تسنيم كان ضد مصر بس الواقع لازم نشوفوا على حقيقته علشان نقدر نتغيربلاش بقى كل لما تيجي سيرة إسرائيل نقعد نقول دول جبناء وسفاحين طب شوفوا الجبناء والسفاحين إحنا جامعتنا زيهم ؟ علميا زيهم؟.....يا جماعه أنا قلتها وبقولها تاني كل الكلام اللي أنتوا قولتوه دليل أقوى على ضعفنا لما ناس زي دول لا دين ولا قيم ولا أخلاق وصلوا لكده وإحنا عندنا الدين والقيم والأخلاق وماعملناش حاجة؟؟؟؟؟؟؟؟؟؟؟؟؟؟
-ثانيا :الناس اللي قامت تدافع عن فلسطين وبتقول أصل إحنا مش هانقدر نحررها أحب أقولهم إن المقارنه كانت بين المصريين وإسرائيل مش بين فلسطين وإسرائيل يعني ماحدش بيشكك في بطولتهم وصمودهم
-في حاجة كنت عايزة أقولها للمستر ومالحقتش يعني ينفع لما أجي أشوف إنجازات مصر أقول إن إحنا بقينا بنكتب (.مصر) وحلينا مشكلة حوض النيل في خمس دقايق ومش عارفة إستقبلنا الكاتب الفلاني في المطار؟والدول المتقدمة بقت في عالم تاني لدرجة إنهم ماعدوش شايفنا أصلا ....وإحنا زي اللي قاعدين في أوضة زجاج ولا صوتنا بيتسمع ولا بنسمع اللي حوالينا...
_بالنسبة للعلماء اللي بيطلعوا برة ماعتقدش إن لو الدوله وفرتلهم معامل وفلوس للأبحاث إنهم هايطلعوا بالعقل كدة هيطلعوا ليه ؟؟؟؟؟؟؟؟؟وماينفعش كمان لما اجي أتكلم عن الإنجازات اللي مصر عاملتها أقول اللي هم عاملوه لأنه بينسب للدوله اللي ساعدتهم مش لينا...
_أخيرا أحب أقول لأمينه لأن وأنا نازلة كانت بتقول ماتزعليش إحنا مش زعلانين ....شكرا بس أحب أقولها وأقول للكل إن ماحدش أصلا له الحق إنه يزعل لأن ده رأيي وأنا مقتنعة بيه
أخيرا
يا جمااااااااااااااااااعه شوفوا الواقع على حقيقته علشان تقدروا تتغيروا
شكراااا

فعلا يا بتول عندك حق ........

الاسم زينب محسن العدوى
اسرة الحياة والامل
اليوم كان جميل جدا وكل يوم بيكون احلى من الاول بجد لعبة التواصل كانت جميلة وكانت اجمل مع ضحى واتعلمت لازم يكون عندى تواصل مع كل الاشخاص
واكون صريحة معاهم اما محاضرة عن مصر كانت كلها جدل ونقاش وكنت مبسوطة بالفريق جدا واتعلمت لازم انظر الى المميزات اولا لان النهاردة كل الفريق كان بيتكلم عن العيوب وليس المميزات ولو نظرنا الى العيوة هنلقيها اكتر من المميزات

لازم اشكر المستر مكروم لان تعب معانا جدا واحنا افتقدنا الدكتورمحمد

السلام عليكم
انا عبدالله محمد السيد
اسرة ميلاد جديد
رقمى 210

من غير منحس وبسرعه جدا خلصوا اول اربع ايام فى التدريب عدوا علينا وكانهم ثانيه
واستفدنا حاجات كتيره جدا لو قعدنا سنين طويله عمرها مهتيجى على بالنا

واولها اتعلمنا ازاى ننظم وقتنا وازاى نستغله بشكل جيد وعرفنا اهميه الوقت وان
ممكن جدا الدقيقه تفرق معانا

وفى تانى يوم اتعلمنا ازاى نتحمل مسئوليه نفسنا ومسئوليه غيرنا وعلشان نوصل لكده لازم نصبر كلنا اتحملنا مسئوليتنا وده اللى حصل فى اللعبه ولكن بعد جهد كبير
اوووووووووووووووووووووووووووووى


وفى تالت يوم اتعلمنا ازاى نخطط لاهدافنا وازاى نقدر نحققها وازاى نرتب اهدافنا
حسب اولويات كل واحد فينا

وفى رابع يوم اللى هو النهارده اتعلمنا ازاى نتواصل مع الغير وكان درس جميل
ومفيد جدا واتعمل فينا كلنا مقلب من الاستاذ محمد مكروم وبعد البريك مستر مكروم
فتح مناقشه وكان موضوع المناقشه (ليه بنحب مصر) واكتشفت ان اغلبيه الناس
مبيحبوش مصرأوى بما فيهم انا واستغربي جدا هو ليه احنا مبنحبش مصر
ولكنى اكتشفت اننا كنا اخدين فكره ان احنا اوحش بلد فى الدنيا مع اننا بعد الكلام
اللى قالو مستر مكروم مش وحشين اوى وعجبتنى اوى كلمه قالها مستر مكروم
(هو ليه احنا دايما بنبص للسلبيات )
انا مش متفق مع مسترمكروم فى ان مصر احسن بلد فى الدنيا لو كنا احسن بلد فى الدنيا
مكنش ده بقى حالنا صحيح ان فى بلاد اوحش مننا بس لازم نعترف ان فى بلاد
احسن مننا لو احنا احسن بلد فى الدنيا معنى كده ان احنا مش محتاجين حاجه
لا احنا محتاجين حاجات كتيره اوى علشان نبقى من احسن الدول

وانا النهارده المناقشه كانت عجبانى اوى ومكنتش عايز امشى لانها كانت ممتعه
وبشكر مستر مكروم على المجهود الكبير اللى بذلو معانا النهارده
واكيد النهارده كانت فيه حاجه ناقصه بغياب الدكتور محمد الطيب ربنا يرجعوا بالسلامه
وكفايه كده اوى انا ايديه وجعتنى من كتر الكتابه واشفكوا يوم الحد على خيرباذن الله

انا تسنيم عادل
اسرة ميلاد جديد
رقم 213
اولا اسفة جدا ع تأخير المشاركة لكن بجد امبارح كان يوم جميل جدا حولت بقدر الامكان ان استفيد من درس التواصل لأن فعلا دى مشكلتى لما بدخل ع مجتمع جديد بستغرق وقت طويل جدااااااااااااااااااا لكى انسجم مع الغير بس ان شاء الله هتكون دى بداية حل المشكلة وكمان المناقشة اللى فتحها مستر مكروم بجدكانت ممتعة واللى عجبنى اكتر صبر مستر مكروم ع كل الاراء لحد اخر المناقشة انا واحدة من الناس كنت بغلى من الاراء لدرجة انى مكنتش قادرة انى حتى اقوم اقول رأيى لأنى بجد والله ضغطى وطى جدا بس الحمد لله ف الاخر مستر مكروم آم بالواجب وزيادة فأنا بجد بشكره جداااااااااااااااااااااااااااااااااااا

الاسم:آية
الاسرة:التعاون
الرقم:192
اتعلمت حجات كثيرة من درس التواصل واتعلمت ازاى افتح قلبى للناس ولما ا:مكروم سال مين بيحب مصر مكنتش علفة انا بحب مصر ولا لا ولسة معرفش بحب مصر ولا لا

السلام عليكم و رحمة اللة وبركاتة
الاسم:الاء
الرقم:223
اول امبارح كان يو م رائع وانا قاعدة على النت اتفرتج على مقطع اتنمنى انة يعجبكم
كلام متعلق شوية بكلام الدكتور
https://www.youtube.com/watch?v=7vL-RlqDsTw&feature=related

1

بجد فديو راااائع الفديو ده كان معايا وكنت هنزله بس انتى سبقتينى جزاكى الله كل خير