زيارتي للملجأ ف يوم اليتيم

أول مرة كنت أحضر هذا اليوم وكان لي تعليق حبيت أقوله كان فيه دي جي وأغاني ليست مناسبة لهؤلاء الأطفال وطلبوا من البنات ان هم يرقصوا والشباب والرجال قاعدين يتفرجوا وبيصوروا كمان ...! وده أزعجني وضايقني بشدة
ثانيا عرفت انه هيتعملهم حفله باليل وايلي عرفته ان هيكون فيه حفلة عرايس وعالم سمسم والسبت كمان هيكون فيه حفله
الأطفال فرحانين بس الكبار زعلانين وفيه ناس محضرتش وكانوا ف غرفهم لأن اليوم مابيحبهوش....
واتكلم ولد وقال كلام عن اليتيم كان كله قرآن وحديث بس ده كان غلط جامد م وجهة نظري لأن المفروض ماكنش يقول كده ف اليوم ده لأنه بيذكرهم بأنهم أيتام
ده كان أولا أنا كمان معترضة ع اسم يوم اليتيم....
ثالثا ليه فريق دمياط مرحش كله اناروحت وريهام وشيماء يمكن يكون حد راح بعد أما روحنا...بجد انا زعلانة حتي مش قادرين نجمع ف اليوم ده كمان انا حاسة ان التدريب هو ايلي كان بيجمعنا بس واتفرقنا بعده...!؟فين ايجابياتنا ومشاركتنا .؟؟
بجد أنا زعلانة ومضايقة أوي ؟؟؟
وده كان يوم جمعة كمان يعني لا دراسة ولاشغل ...
أمال ازاي حنا فريق وكمان الأطفال سألوا ع الفريق وكانوا نسهم يشوفوكم عشان نقدر نشاركهم فرحتهم ف اليوم ده
ياريت كمان أري ردودكم

السلام عليكم:



ازيكم كلكم عاملين اية يا رب تكونو بخير . انا اسف لانى مش بدخل من فترة كبيرة ودة كان بسبب مرضى الشديد .\
انا فعلا مع الكلام ألى اية كتباة وازاى يا جماعة مش بنعمل كدة واحنا فريق واحد.
وكمان غلط الى حصل فى اليوم دة وانا بجد مش كنت عارف .وانا عندى اقتراح ان احنا نتجمع ونروحلم مش عشان ان اليوم عشانهم لا احنا نروح فى يوم تانى عشانهم.
ويارب اشوفكم على خير وتكونو كويسيين..
سلامى ليكم كلكم ...

خيرا ف حد عبرني أنا بشكرك يا أدهم كتير وألف سلامة عليك يارب تكون الوقت أحسن وبصحة وعافية وسعادة ياجماعة أنا مش قصدي حد يزعل مني ده كان كلام ف نفسي وقولته
أنا بجد مفتقدة أيام التدريب ووحشتوني فنفسي نجمع مع بعض
طيب ايلي عنده أسباب يقولها وإن شاء الله نحلها مع بعض
يارب تكونوا بخير وأشوفكم ع خير وسلامي للجميع

شفاك الله وعفاك يا ادهم

انا معاكي في كل اللي انتي قولتيه يا آية انتي عارفة انا كنت معاكي وشايفة كل ده واكتر حاجة ضايقتني اننا لما ابدينا استيائنا لمدير الملجأ ما عجبوش الكلام وكمان سبنا ومشي واحنا كنا لسه بنتكلم يعني زي ما يكون بيقولنا هوهوو ما حدش هيسمعكوا

أولا سلامتك يا أدهم

أنا فعلا مقدرة احساسكم وحاسة بيه وعلى فكره دا كان يبب انى محضرتش اليوم ده لانى كنت بحضرة قبل كده السنين ال فاتت وده كان نفس شعورى وقتها وهو الاستياء من كل النقط ال وضحتها شيماء وقلت انى بروح لهم يوم تانى غير ده لانه بيثير أعصابى وحتى انى حاولت احضر بالليل بس فى دمياط الجديدة لقيت ان الاطفال غير الايتام هم ال بيحضروا مع اهاليهم علشان يتفسحوا وبتبقى سلطة ومحدش واخد باله من الاطفال بجد ومفيش أى استفادة من اليوم ده والمعروض فعلا مش مناسب بس مش عارفه احنا ممكن نغيرة ازاى غير اننا نعمله بنفسنا فى أيام تانية وتكون متواصله بقدر الامكان

وبالنسبة لعدم تجمعنا فعلا ؟أنا حاسه ان فى شئ اتغير مش عارفه هل كل واحد انشغل فى دنيته فعلا ومعدش لاقى وقت والا اننا نسينا الاحساس الجميل والحماسة ال كنا عايشينها وقت التدريب والا ايه مش عارفهع ال عارفة انى بجد حزينة من الموضوع ده

وبقدم اعتذارى على تقصيرى أولا مهما قلت وجبت أسباب برضة ميصحش بس أملى انها تكون فترة وتعدى ونرجع أحسن ونعمل بالاتعلمناه فعلا

وعاوزة أقولكم بجد وحشتونى

شكرا يا أية احنا كلنا اخوات وشكرا يا احمد مع ان دة مكنتش اتوقع انك تنسانى بسرعة كدة وشكرا يا شيماء ويارب تكونى بخير..
وشكرا شكرايا ضحى يارب تكونى سعيدة..
اولا:اليوم دة هما بيجهزو كل سن عشان يكون كدة بالشكل دة ومحدش بيقدر يغيرة ولا يغير نظامة والاطفال الى مش بينزلو ولا بيخرجو مش بيرضو عشان عارفين ان الناس مش بتيجى تزورهم الا فى اليوم دة (يوم اليتيم)وبيحسوان الى بيجى عشان يخرج ويتفسح فى اليوم دة مش بغرض الزيارة.يعنى لمجرد ان دة تغير وبعد كدة مش بيجى الا السنة الى جاية.
فالاحسن ان الزيارة تكون فى الايام العادية وبستمرار علشان مش يحسو بالعجز وهما نفسهم هيكونو حبين كدة..
يا جماعة الكلام دة مش كلامى لوحدى دة كلام ناس من دار االرعاية.
وياريت يا جماعة نحاول نتجمع فى اى يوم زى الاول..فين يا جماعة روح الفريق.. ولا اية..

وشكرا يا ريهام على سؤالك عليا..ويارب تكونى فى احسن حال..وكونى سعيدة

والله انا مع كلامك يا ايه بس لومك علي شيئ انتي وشيماء وريهام حسب معلوملتي القليله ان هناك جه مسؤله كان يجب عليكم ابلاغهم بل مشاكل دي وده علي قد معلوماتي وشكرا ليكم انتم الثلاثه علي فرحه هذه الاطفال وكان نفسي اشارك بس للاسف بخاف وان شاء الله يكون في ميزان حسناتكم