اليوم التاسع

سلمى ندا 132 اسرة الحياة بورسعيد
كان يوم اكثر من رائع وحقيقى كنت محتاجة الكلام ده جدا وعجبتنى جدا جدا جدا نطة الثقة كان نفسى اجربها من فوق الكرسى كنت حاطة احساس ان انا هاطير فبصراحة كنت مستريحة جدا وان شاء الله هحاول اكون واثقة من نفسى اكثر واحاول اتغلب على احساسى بخوف قدام الجماهير ربنا يصبرنا على اخر يوم ويجمعنا على الخير دايما

اليوم النهارده كان غايه فى الروعه بجد والفطار الجماعى واللمه والاهل والصحبه والتعاون والتواصل وعدم الاحراج من عمل اى حاجه والهزار والضحك بجد انا كنت مبسوط جدا جدا جدا بجد انا بشكر كل الاحباء الى كانوا معانا النهارده لان بجد انا بحبهم فى الله ومش عارف اشكرهم ازاى بجد لانهم دخلوا فرحه فى قلبى كانت غايبه من زمااااااااااااان بس الحمد لله
واتعلمنا النهارده الثقه الن فعلا ده يعتبر من اهم الدروس الى كنت محتاجها وخاصتا لما جينا لحته التردد كنت حاسس ان الدكتور بيكلمنى انا شخصيا بس الحمد لله بفضل من الله وبكلام الدكتور انا ان شاء الله هلغى التردد الى جوايا
ولعبه الثقه بجد يجماعه فعلا لعبه تبين بجد مين الى واثق فى نفسه وواثق من وفى الاخرين
هى بالنسبه ليا الحمد لله كانت سهله لحاجه واحده بس انى كنت بلعب جمباز يعنى الحجات دى تعتبر مش بسيطه بس عاديه الى حد ما بس بجد انا لما حطيت نفسى مكان ناس كتير عرفت انها فعلا صعبه عليهم فى اول مره وعايزه بجد ثقه عاليه اوى اوى بجد

كان يوم جميل وخاصة وقت الاكل لما اكلنا رز بالخلطة من ايد طنت سالي
ولما نطيت نطة الثقة نطتها عشان مستر محمد الطيب ميزعقش فيا مش عشان انا باثق في الناس لانه مهما حصل مش هاقدر اثق في اي حد

مسبتوليش حتههههههههههههههههههههه

ليه ياروفى متثقيش ف الناس ازاى لو مافيش ثقة يبقى مافيش صداقة ولا اخوة ولا علاق من اي نوع وبما انك نطتى علشان مستر الطيب يعنى انتى بتثقى فيه وبتحترميه وبتخافى على زعله وده معناه انك بتثقى ف الناس رغم انك بتقولى العكس وده مشكلة معظمنا بنحاول ندارى مشاعرنا علشان منتجرحش لما اللى قصادنا يغلط فينا ونقول ما انا من الاول مكنتش واثقة فيه
ده مجرد رأى الخاص

الاســم : سارة محمود محمد ابو الحسن
الاسرة : المستقبل
الرقــم : 116
اتبسط كتير اوى انهارده حست اننا كلنا اسره واحده ساعه الفطار
وبجد يوم من الايام اللى مش هنساها طول عمرى
وبجد الاكل كان رائع ربنا يجعله فى ميزان حسنتكم
استفت كتير اوى من درس الثه من لعبه الثقه
الكلام بيتنقل ازاى وازاى والواحد لما ينقل حاجه ينقلها بموضوعيه زى اتصال خالك مات
واتبسط اوى اوى من قفذت الثقه كانت جميل اوى وحسيت ان الواحد لازم يكون عنده ثقه بالاخرين وثقه بنفسه قبل اى حاجه
وانا زعلانه جدا اننا وصلنا لليوم التاسع يارب اليوم الاخير يتاخر ومايجيش معقوله الكورس يخلص وماشفكمش تانى وماشوفش دكتور مكروم ودكتور الطيب بجد صعبه

أنا أحمد صادق 129 أسرة الحياة
اليوم كان غير عادي بالنسبة لية وإنشاء الله هيكون نقطة تحول في حياة أحمد صادق
من فرحتي محستش بخوف في قفزة الثقة


كان الفطار النهار ده رائع وكانت روح التعايش و الأخوة ظاهرة بقوة
بس إيه رأيكم في الترايفل و الدونتس

يا جماعة هاعمل صفحة على النت لفريق بداية حياة ياريت نتابعها لأنها هتبئى ررررررررررررائعة فعلا

اليوم كان جميل جدا والافطار كان اكثر من ممتاز واعتذر للجميع علي التاخير في نطة التقه بس والله كان غصب عني وياريت اللي تضايق مني يسامحني

السلام عليكم

انا اخيرا جييييييييت المنتدى

ايه اخباركم وعاملين ايه يا فريق بورسعيد

كان اكل جامد جدا النهارده وان شاء الله يا احمد ابو زيد حتشوف في المنشار كل حاجه نفسك فيها

مؤمن توفيق
34
اسره العزيمه

صفحة على النت لفريق بداية
http://bedayathaya.blogspot.com/

مجهود رائع ليكى يا مى انت واحمد ربنا يبارك لكم ....وفرحت اوى لما لاقيت جدول شريك الحياة في الصفحة ....حسيت انى قدرت اشارك معاكم ولو بشئ بسيط في مجهودكم الكبير ده ....ويارب اكون اد الثقة اللى اعطاها لى الفريق ....واكمل جدول الاسبوع الثانى ....
الثقة : احساس غالي علينا جميعا ان نكون أد مسؤلية ...الحفاظ عليه
فرحت أن علياء .... حالتها النفسية اتغيرت بعد القفزة الثانية ....رغم عدم ثقتها فينا ....ولكنها قفزت المرة الثانية لانها وثقت في نفسها اكثر منا ....
الثقة في الله هى مفتاح حلول كل مشاكل الخوف من نتائج الحاضر وغموض المستقبل

السلام عليكم ورحمة الله وبركاته

انا حزين جدا مما حدث امس طبيعى فى اى بيت وداخل اى اسرة عندما يكون فردا غائب لابد ان تقوم الام او ربة الاسرة ان تعمل لهذا الفرد نصيبه من الطعام حتى يعود لكن بالامس وفى الدورة لم اجد هذا مع انكم على علم باننا انا واخى ذهبنا الى الدرس قبل المغرب ولما انتها الدرس اتينا الى الدورة مباشره ولم نجد حتى من يسالنا هل فطرتم اين الاب هنا الذى يفضل ابنائه على نفسه مع اننا سمعنا خلال المشاركة عن مما نعانى من السلبيات فيما تخص الانانية ارجو ان تهدى لى تفكيرى الى الصواب بالنسبة لما نتبعة خلال المشاركة الاسرية وانا بعتذر عن الخلاف الذى حدث بينى وبين الحسن لانه استفذنى وانا فى حالة رد فعل مش كويس
اسمى:عصام ثابت
اسم السرة:المستقبل
رقمى:145

السلام عليكم
ابرار احمد الخولاني
133
اسرة الحياة
اليوم كان حلو جدا جدا وكنت مبسوطه اوي اوي من اللمه والفطار سوا والواحد حاسس فعلا انه وسط اهله وانا بجد مش عارفه بعد الكورس هيحصلي ايه ازاي مش هشوفكو ياريت قبل ما الكورس يخلص نتفق ونعرف ازاي هنقابل بعض تاني نفسي الفريق كله يبئا معايا في اي حته اروحها نفسي اشوف د/محمد مكروم ود/محمد الطيب علي طول بجد انا مش عايزة افكر في اخر يوم خالص
درس الثقه كان حلو جدا انا استفدت منه اوي وانك لازم تكون صادق وموضوعي وانت بتنقل الكلام لان دي فيها خراب بيوت بعد كده قفزة الثقة انا بصراحه كنت خايفه لاني قبل ما اطلع شفتهم وقعوا واحدة فانا حاسه انهم هيوقعوني اول مرة نطتها غلط لكن تاني مرة الحمد لله انا حاولت ادي شعور لنفسي اني بنط في مايه الحمد لله
وجزاك الله خيرا م/ رحاب علي المساعده الجميلة دي في البحث

امس كان يوم جميل فى نطة الثقة الول انا كنت خايف وفى النطة حسيت باحساس جميل ويجب ارسال الموضوع بالنص حتى يثق الناس فيك وشكرا على الذى فعلته امس ونفسى نبقى على اتصال مع بعضنا

اسمى:عصام
اسم الاسرة:المستقبل
رقمى:145

اسمى/علاء
اسم الاسرة/الامل
رقمى/146

لا تعليق على كلام عصام

انا اسامة
كان يوم جميل والافطار الجماعي كان اجمل

بس انا زعلان لان انا لم اقفز قفزة الثقة ونفسي اعرف لية مقفزتش




وشكرا

اليوم كان جميل جدا بس اصعب احساس لما شفت الناس وانا واقف فوق بس انا كنت واصق فيهم 100%لان جمال كان معاهم

انا استفدت من هذا اليوم بأن يجب علي انا اثق في نفسي حتي اقدر انا اثق في الاخرين ولعبة الثقه خلتني انني لن اخاف ابدامهما يكون الصعوبات ولازم اثق في نفسي كتير حتي يثق الاخرين بي

يا جماعة هاعمل صفحة على النت لفريق بداية حياة ياريت نتابعها لأنها هتبئى ررررررررررررائعة فعلا

http://bedayathaya.blogspot.com/
زالصفحة دي بتاعتي حصل خطأ ودخلت باكونت مي

اليوم كان اكثر من رائع وخاصة الافطار لان بجد حسيت فية بروح الفريق وروح الجماعة بس زعلانة لان مكنش فى نظام
درس الثقة كنت محتاجاة جدا ووعرفت ازاى الواحد يثق فى نفسة ويثق فى الاخرين ويطل اساس المشكلة فين
انا بس عاوزة من د/ الطيب ومستر/ مكروم يقولولنا طريقة ازاى هنقدر نعيش بعد اخر يوم تدريب لانى بجد مش عارةة اخر يوم تدريب ممكن يعدى على ازاى

اميمة ابراهيم
اليوم كان بجد تحفة و الفطار كان رائع و الفريق ده انا حبيته من اول يوم و بصدق كل يوم بيعدى معاه بحبه اكتر و اكتر
اما درس الثقة فكان رائع و مفيد جدا و الواحد اتعلم فيه حاجات كتيره مهمة
ازاى يثق فى نفسه و فى الاخرين و ايه ههيه حدود الثقة و اديها لمين و باى قدر
يعنى كانت مفيدة و غيرت عندنا كتير من المفاهيم لكن التدريب عليها فى قفزة الثقة كان له معنى تانى خالص
انا كنت باشوف النغيير بيحصل امام عيني و فى الحال
ازاى ضعف الثقة بالنفس و بالناس بتعمل حاجز كبيير امام بعض الناس انهم يقدموا على فعل شئ معين
انا كنت بشوف البعض منا بترتعش و بتبكى بكاء مر و هيه رايحه تنط قفزة الثقة و كانها
تساق الى الموت و بعد ان تقفزها اذا بها سعيده جدا تلمع عينيها بالثقة و انا متعجبة جدا كيف حدث هذا التحول و بهذه السرعه

اليوم كان غير عادى مش لاقية كلام اقوله كان يوم جميل جداا اولا الفطار الجماعى واللمة دى كانت حلوة قوى وعلى فكرة انا كنت عاوزة اعمل اكل تانى كتير وخاصة محشى ورق عنب بس الوقت كان ضيق جدا وملحقتش.اما الثقة فانا استفدت منها جدا وانا كان عندى مشكلة كبيرة فى الثقة فى الناس وعرفت ازاى اعالجها.
وجاءت اللحظة الحاسمة فى نطة الثقة مش عارفة انا ليه خفت جدا لما وقفت فوق مع انى كنت مهئية نفسيا للنطة من يوم الانترفيو بس شغل العيال اشتغل لما لقيت نفسى فوق المكتب وقعدت طول الليل احاسب نفسى.
انا محرجة جدا من د.الطيب ومستر مكروم لانى كده حسيت انى ضيعت تعبهم وبجد انا اسفة جدا.
بس عندى طلب مستعجل انهم يحددوا ميعاد ليفل 2 فى اقرب وقت ومايسمحوش لحد من الجوب ده ياخده فى اى مكان اخر علشان نتجمع تانى كلنا فى اقرب وقت.
بجد بحبكم كلكم وارتبطت بيكم جدا ومش عارفة ازاى هيمر يوم من غير ما اشوفكم كلكم.
سالى حسين اسرة الحياة 130

السلام عليكم ورحمه الله وبركاته

ايمان محمد امين
اسره المستقبل
رقمى117

بصراحه اليوم فى الاول كان جامد جدااااااااااااااااااااااااااااااا وذلك لروح التعاون وقمه الحب بين الفريق
والاكل كان ليه طعم تانى مع الفريق اكيد احلى

اما بالنسبه للثقه انا بشكلر د\ مكروم لانه قام بالشرح على اكمل وجه
ولكن نطه الثقه كانت صعبه جداااااااااااااااااااااااااااااااااااااا وكان نفسى جمال يكون معايا فيها
ياخوفى من انهارده واليام القادمه وخصوصا اخر يوم يارب مايجى

بسم الله الرحمن الرحيم
كان يوماً بدايته مليئة بالفرح والسرور الذي عم المكان لاشتراكنا بإعداد وجبة جميلة اشترك فيها جميع أفراد الدورة ، وبعد ذلك دخلنا مرحلة التدريب "أي الجد" وبدأنا نشرح مرة أخرى ، والتي ظننت كعادتي أنه شيىء ممل ولكن كان هذا قبل أن أبدأ الدورة ولكني وجدت المناقشة شيقة جدا ومثيرة وكانت قفزة الثقة من أهم المراحل التي قد تقابل الإنسان في حياته وكانت أيضاً رغم أهميتها مسلية وممتعة .. وأرجو أن تتكرر مرة أخرى .

انا مي محمد صادق 122 سرة مهما يكون
انا امبارح اتبسط جدا من الاك الي مدئدهوش كله وعجبني جدا جدا جدا الرز بالخلطة تسلم ايدك يا طنط سالي
انا كان عندي مشكلة في الثقة في النفس ولما وضحتم ازاي اتغلب عليها لئيت اكتر حاجة تساعدني الثقافة في مختلف المجالات وانا ان شاء الله هفكر في خطة لهذه الرحلة من التثقيف وهئولوكم على الخطة ان شاء الله ادعولي
اما نطة الثقة فانا كنت مش خايفة الحمد لله وكانت لعبة روعة
انا فهمت منها ان اي تجربة ايا كانت اخوضها بكل جرائة
بالنسبة لعلياء (لا تعليق عن قبل النطة وبعد النطة)

أنواع الثقة .....
الثقة بالنفس
الثقة من الاخرين
الثقة في الاخرين
النطة كانت .... صعبة بس ممتعة ....لان الواحد مش عارف هينزل ازاي...
الحمد لله ....الصحبة الصالحة تعطي ثقة بالنفس