فريق بداية حياه
مرحباً بكم في منتدي فريق بداية حياه
يسعدنا إنضمامكم لنا وتشريفنا بمشاركتكم الفعالة

تحيتي مدير المنتدي
eng.Magiver

محتاج مساعتكو

اذهب الى الأسفل

محتاج مساعتكو

مُساهمة من طرف betayaty في السبت 20 مارس 2010, 1:32 pm

السلام عليكم و رحمة الله و بركاته على فريق بداية اسرتى التانية اللي انا سعيد جدا بانتمائي إليها


شجعني التواصل اللي بينا على المنتدى أن اطرح عليكم مشكلتي لعلل و عسى أجد في خبراتكم و تجاربكم الإنسانية حل ليها


 


ازاى يكون تفكيري ايجابي على الأقل 75 % من الوقت  على الرغم من وجود ظروف قدرية  معايا اغلب الأوقات (لا نملك تغيرها لازم نتعايش معها زى   أفراد الأسرة- رئيس في العمل - دكتور في كلية .........)  تمثل إعاقة في تحقيق الهدف و مسببة لمشاعر سلبية زى ضيق-غضب-إحباط –يأس


 


و السلبية توقف اى تقدم و تشل التفكير


 


أرجو منكم تشاركوني بالتعليق حتى لو ما فيش عندكو إجابة


أنا بحلم أن المنتدى يكون زى الشارة حجر ارتكاز و ثبات


الشارة تمثل المبادىء اللى اتعلمناها


و المنتدى  التطبيق العملى  خبرة و تجربة الحياة


 


بحلم ان فريق بداية يكون سند و درع لكل افراده


betayaty

عدد الرسائل : 3
تاريخ التسجيل : 20/03/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: محتاج مساعتكو

مُساهمة من طرف MONA MOHAMED في الأحد 28 مارس 2010, 4:47 am

السلام عليكم و رحم الله و بركاته

انا سعيدة جدا بنظرتك للفريق والمنتدى بالمعنى ده

بس بالوم عليك وضعك لرسالتك بعيد فى القسم العام اعتقد عشان محدش يعرفك مع ان سؤالك عادى جدا مشكلة الزمن ده تقريبا حال الجميع
المهم
ازاى نكون ايجابيين انك تشحن نفسك بيها طب ازاى تعالى نفتكر مع بعض اللى اخدناها فى الكورس
فكر فى الحاجات السعيدة زى
هات ورقة و اكتب فيها النعم اللى انعمها ربنا علينا صدقنى ممكن تخلص كشكول فيها (السمع-البصر-الصحة-اليدين-.......................................) و علقها على الحيطة و اشكر ربنا عليها و تخيل نفسك من غير نعمة فيهم هل حالك ساعتها احسن و لا حالك دولوقتى ؟
اتمتع بالنعم اللى عندك بمعنى متع عينيك باللى بتحب تشوفه و اسمع و اكلم مع الناس اللى بتحبهم و استخدم قدمك فى الذهاب الى الاماكن اللى بتحبها استمتع بحب الاصحاب العيلة .....................الى اخره
خلى دايما فى بالك مقولة دوام الحال من المحال و محدش عارف بكرة هايحصل ايه يعنى مافيش شخص بيفضل موجود جنبك على طول ولا منصب بيفضل مع صحبه على طول حتى البشر عادتهم و سلوكهم بتتغير من المواقف اللى بتحصل لهم الواحد الوحيد الذى لا يتغير هو الله فخلى عندك امل دايما ان بكرة هايجى احسن و استعد له
دايما حاول تشوف احلى حاجة موجودة فى الناس اللى حوليك بمعنى واحد عصبى و عنيف فى تصرفاته و مجادل و ضيق الافق ....... بس طيب انظر دايما للطيبة اللى فيه و تجنب التعامل مع الصفات الاخرى يعنى بلاش تكلم معاه كتير تناقشه فى حاجة دايما كلمه فى مواضيع بيحبها و انت هادى الاعصاب و هكذا وبطريقة دى هابقى سهل عليك تسعدهم و بالتالى على الاقل مش هايكونوا وهما سعداء معاك مصدر للانفاعلات السلبية (افتكر التواصل)
ثقك فى نفسك و قرارتك و لا تتاثر بردود الافعال على تصرفاتك لانك لو تاثرت هاتكون فريسة سهلة لاى انفعال سلبى (افتكر درس الثقة)
الطبيعى انك مش ممكن هاتعرف ترضى كل الناس . الناس غالبا مش بتفكر زيك فا مش فاهماك
حب نفسك مش تلومها لو اتصرفت اى تصرف غلط لان احنا بشر لازم نغلط مش طبيعى نبقى صح على طول
فرغ كل الانفاعلات السلبية جواك
اعتبر ان ضغوط الحياة تمرين ليك على زيادة قوة التحمل و العزيمة زى العداء اللى لازم يجرى كتير عشان يمرن قدميه على سرعة الجرى و تلاحظ حتى اى شغل دولوقتى يطلب فى المتقدمين يكون عندهم القدرة على العمل تحت ضغط فعود نفسك على الضغوط لان تحملها ميزة ليك (افتكر لعبة المنشار)
لو عندك اى موهبة خاصة بيك نميها و زودها بحيث تكون نقطة تميز ليك و الاحساس بالتميز اكيد ها يخليك سعيد
عيش دايما اللحظة اللى هاتحقق فيها حلمك تخيل ان حلمك بتحقق امامك و اتمتع بسعادة تحقيقه (افتكر درس الاهداف )
استمتع بكل لحظة عايشها اصنع سعادتك بنفسك بمعنى
استغل اعياد ميلاد اللى حوليك فانك تعمل حفلات ولو بسيطة يكون فيها لحظة حلوة , زيارة لمنزل بيه الاطفال هات حاجة حلوة الاطفال و انت رايحة ليهم و العب معاهم شوية , حاول تحويل اى موقف عادى الى موقف كوميدى زى مثلا حد طبخ طبخة , بحيث يكون كل يوم عليك كان فيه لحظات سعيدة (افتكر الاوقات السعيد اللى كانت فى الكورس)
اخيرا
القوة الروحية
دائما خلى اعتمادك و توكلك على ربنا سبحانه الوحيد اللى عارف نفسك و نفوس الناس اللى حوليك و عارف خير ليك فين
الا بذكر الله تتطمئن القوب
احفظ الله يحفظك
و من يتق الله يجعل له من كل ضيق فرجا و يرزقه من حيث لا يحتسب
انا عند ظن عبدى بى
تفاؤلوا بالخير تجدوه

و بالشكل ده اغلب الوقت هاتكون فى حالة انفعالية ايجابية و بالتالى هايكون عندك تفكير ايجابى و عزيمة و اصرار و ايمان بنجاح ............و مشاعر حلوة كتير تخليك ان شاء الله تحل اى مشكلة
على فكرة فى افكار تانية كنير ممكن تكون عندك غير دى بس ضع دايما فى عقلك كلمة لازم اكون ايجابى جنب كلمة لازم انجح و ان شاء الله هتلاقى فيضان من الافكار الايجابية
اتمنى يكون ربنا وفقنى و قدرت اساعدك

فريق بداية بورسعيد مش ممكن يتاخر على اى حد خصوصا لما يكون من العيلة زيك
نتمنى نشوفك فى وسطنا قريب
avatar
MONA MOHAMED
عضو فعال
عضو فعال

عدد الرسائل : 37
تاريخ التسجيل : 07/02/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: محتاج مساعتكو

مُساهمة من طرف منال ابراهيم في السبت 03 أبريل 2010, 10:28 pm

بصراحة منى اجابت واوفت وانا مش هازود عليها حاجة لكن بناءا على تجربة انت ممكن متقدرش تغير المقدر والظروف اللى بتكون موجود فيها لكن على الاقل بتعرفتتكيف على الظروف ديه وتشوف ازاى ممكن تطلع باكتر اشياء ايجابية من خلال الظروف ديه
يعنى مثلا مسالة الدكتور ف الجامعه ممكن تتحل لو انت مش فاهم منه حاول تسأله انه يعيد عليك لو مافيش فرصه حاول تتدور على معيد بيقدر يوصل المعلومة بطريق اخرى او لو ملقتش تتدور على طلبة فهموا الدرس ويشرحوا ليك ده لازم هتلاقى حل يناسب الظرف اكيد مش هتغير الدكتور لكن ع الاقل تكون دورت على حل بدال ما نفضل نقول اصل الظروف اصل انا مش بايدى حاجة
فيه كلمه سمعتها مرة من دكتور الطيب فى محاضرة مدام حد فهم واتخرج من الكليه بتاعتك يبقى قفل عليك باب انك تقول الكلية وحشة اوالدكاترة معقدة زى ما هما لقوا طريقة ينجحوا ويتفوقوا يبقى اكيد انت كمان هتلاقى بس تتعب شوية
والكلام ده بينطبق على رؤساء العمل وافرراد الاسرة المفتاح كله فى التواصل وانك دايما تحاول تكون انت اللى بتبدى مش تستنى حد تانى هو اللى يبدء عامل نفسك على انك مركز الكون ف موضوع التواصل ده
وموضوع الظروف خليها تحدى وكافئ نفسك لما تلاقى نفسك نجحت ف التحدى علشان تعطى لنفسك التقدير الواجب
ارجوا اكون جاوبت ده على قد معلوماتى
avatar
منال ابراهيم
مراقب
مراقب

عدد الرسائل : 150
العمر : 36
تاريخ التسجيل : 06/02/2010

بطاقة شخصية
الاسم: منال ابراهيم
النقاط:
0/0  (0/0)
خيارات:

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: محتاج مساعتكو

مُساهمة من طرف betayaty في الإثنين 05 أبريل 2010, 2:01 am

شـــــــــــــــــــــــــــــــــــــــــــــــــــــــــكراcheers Very Happy sunny Very Happy


betayaty

عدد الرسائل : 3
تاريخ التسجيل : 20/03/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: محتاج مساعتكو

مُساهمة من طرف Ahmed MeDo في الإثنين 05 أبريل 2010, 7:23 pm


بصراحه ردك يا استاذه منى اغنى عن اى شيء ماشاء الله
avatar
Ahmed MeDo
مشرف
مشرف

عدد الرسائل : 562
العمر : 28
تاريخ التسجيل : 09/02/2010

بطاقة شخصية
الاسم: °◦ღ♥MèDø♥ღ◦°
النقاط:
0/0  (0/0)
خيارات: 10

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: محتاج مساعتكو

مُساهمة من طرف ramy_elbrens_2010 في السبت 24 أبريل 2010, 4:48 am

هاي يا جماعه معلش انا مش هفتج كتير

بس الي عايز اي حاجه يبعتلي رساله Very Happy
avatar
ramy_elbrens_2010
عضو فعال
عضو فعال

عدد الرسائل : 45
العمر : 20
تاريخ التسجيل : 28/02/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى