فريق بداية حياه
مرحباً بكم في منتدي فريق بداية حياه
يسعدنا إنضمامكم لنا وتشريفنا بمشاركتكم الفعالة

تحيتي مدير المنتدي
eng.Magiver

RaPPeR

اذهب الى الأسفل

RaPPeR

مُساهمة من طرف Ahmed MeDo في الثلاثاء 09 مارس 2010, 2:54 pm


مدبوح مخنوق مشنوق مضروب برصاصه
دكتور ولا مهندس ولا حتى ماسك كراسه
تحب واحده تكون ملاك وفجأ تطلع رااأسه
تبقى حمار لو قلت هى دى الدنيا وهى دى الخلاصه
قالوا زمان كافح واتعب تحقق الامانى
لازم تقع بس تقوم وتحاول مره تانى
ولو حسيت ان الامل هيبقى فانى
عافر دوس وزاحم ده الى راح مش راجع تانى
عايز احكى يوم من حياتى وبيتكرر كل شويه
اصحى الصبح كل يوم لازم اروح الكليه
عينى رايحه فى النوم ببقى نفسى اناملى شويه
فات عليا البدرى ومرزق وقعدوا يستعجلونى
قعدت اسب واقول انا نازل كمان شويه
متأخرين كالعاده وصلنا على الكليه
كابس على المحاضره وبسرعه غير عاديه
طاير على السلم ودماغى مبقتش فيا
بخبط على الباب لدكتورنا العسليه
فى ثانيه بقى قدامى تقولش ده اصله نمس
عينه بتطأ شرار عايز يعمل فيها برنس
والشماته فى عيون اصحابى مستنين من جوه اتهز
قاللى:احمد كالعاده إطلع بره ماتحضرليش تانى ابدا يا حثاله
ببص لاخر الطرأه لقيت واحده جايه
شعرها فى لون الليل وعينها دول ياقوت
لو تتكلم تسمع صوتها حقيقى جامد مووت
عملت شاب كوول وانا ناوى الاغى شويه
عايز افتح اى حوار مع الفرسه المفتريه
فجأه قامت وقفه مع شخص مالوش هويه
فارد صدره نافخ بنشه واقف عامل زى الدب
وبنطلون محزق حجره يادوبك طوله شبر
لمعه شعره عمتنا اول مره يشوف الجيل
واللى زاد وغطى لابس بوكسر لونه بينك
حقيقي شاب اوفر اوفر بجد مش هزار
منه كتير فى حياتنا بسبب سؤ الاختيار
نفسك تهرب منهم تستخبى جوه غار
لكن لازم تنافق من أجل الإستمرار
روحت على البيت وانا فى مرحله الإنهيار
لت وعجن دكاتره وإمتحنات ليل ونهار
أعصابى تهدأ شويه بعد جهود يوم جبار
قلت افتح التليفزيون وأشوف إيه الأخبار
أول واحد حقيقى بيقول كلام عجيب
إن بلدنا بخير إن فرجه عنها قريب
أنت أهبل ولا إيه مبتحسش بالتأنيب!!
ده كله ماشى بيهيس بجد شئ غريب
أيوه بلدنا بخير بس مليانه عيوب كتير
اللى فى كرشه بالع مال غلابه ومحتاجين
واللى زاد وغطى متقيدين بالروتين
واللى بجد يتعب ...... معدومى الضمير
تقوللى نفض فكك إتفرجلك على الاغنيه
اللى قالعه هدومها وقال إيه بتقول شخصيه
وبنطلون فاجر أحمر و بدى عايز ونش بعربيه
حتى لما لدوللى وقفنا قالت مش دى الأغنيه
حقيقى ده فن هابط هابط وبقى عندنا فيه برود
اللى يقولك دكتور سيليكون ولا دى علقه موت
كل نجوم الدبكا معانا وكمان حقن الهرمون
ابو ممدوح حقيقى كفايه قول للشحات مبروك
من الأخر من غير مطوول إختيارتنا بقت منسيه
تسهر طول الليل تبصم مش ورقه لأ ألف وميه
وتتخرج برده حمار نفسك فى وظيفه وهميه
وأخرك برده محل اتارى وتكابير أفلام أجنبية
=-=-==-=-=-=-=-=-=-=-=-=-=-=-=
avatar
Ahmed MeDo
مشرف
مشرف

عدد الرسائل : 562
العمر : 28
تاريخ التسجيل : 09/02/2010

بطاقة شخصية
الاسم: °◦ღ♥MèDø♥ღ◦°
النقاط:
0/0  (0/0)
خيارات: 10

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى