فريق بداية حياه
مرحباً بكم في منتدي فريق بداية حياه
يسعدنا إنضمامكم لنا وتشريفنا بمشاركتكم الفعالة

تحيتي مدير المنتدي
eng.Magiver

علمتني الحياه

اذهب الى الأسفل

علمتني الحياه

مُساهمة من طرف د/لوسيفر في الأحد 13 مايو 2007, 12:46 am

انا مش حقول كلمات منثورة في الموضوع ده

انا عاوز اشارككم وتشاركوني حاجات علمتهالنا الحياة بجد

يمكن نبقى صغيرين ان احنا نقول الكلمة دي

بس والله مش لازم نبقى عواجيز مكحكحين بعصايا معووجة وكرسي متحرك عشان نقولها

اكيد فيه مواقف الواحد اتعلم منها وساعات المواقف دي بتبقى شديدة شوية

لو فيه حاجة اتعلمتها من الحياة قلهالنا يمكن نقدر نستفيد من تجربتك

خدوا بالكم ان شاء الله حيبقى ليك الاجر لو ادتنا معلومة مفيدة وحاجة تعلمتها ممكن تفيدنا
avatar
د/لوسيفر
Administrator
Administrator

عدد الرسائل : 66
العمر : 31
تاريخ التسجيل : 20/04/2007

بطاقة شخصية
الاسم:
النقاط:
10000000/10000000  (10000000/10000000)
خيارات: 10

معاينة صفحة البيانات الشخصي للعضو http://bedaya.roo7.biz

الرجوع الى أعلى الصفحة اذهب الى الأسفل

رد: علمتني الحياه

مُساهمة من طرف good_guy في الإثنين 28 مايو 2007, 2:45 pm

فعلا يااحمد حتى بالرغم من صغر السن فية ناس صغيرة الزمن والدنيا والحياة والناس اللى قابلوهم علمهم كتير فية ناس كبيرة لسا ماتعلمتش انا يمكن هاقول كلمة هى صح مليون المية انك مهما تتعلم من الحياة بتكون لسا مدخلتش حتى مدرسة الحياة الاعدادية الحياة مليانة كتير غير اللى احنا بنشوفة واللى شوفناه اللى اقدر اقول انى اتعلمتوة من حياتى

ان الحب دة مسألة عند الناس وقت وبيعدى مش كل الناس طبعا لكن الاغلبية كدا وفية ناس محترفة فى الكدب عمرك ماتحس انهم ممكن يطلعو كدابين او خاينين

تانى حاجة ان المصالح الشخصية فوق الحب فوق الصداقة فوق حتى الاخواة وبردوة دة مش فى كل الناس
اتمنى ماكنش اطالت عليكم لكن نصيحة من اخ لما تحب ماتحبش اوى عشان هتتخدع وهتحس بالمرار اوى

good_guy

عدد الرسائل : 19
تاريخ التسجيل : 15/05/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: علمتني الحياه

مُساهمة من طرف Doha El.refi في الإثنين 08 مارس 2010, 9:43 pm

موضوع جميل يا أحمد. هبدأ معاكم بموقف بسيط وأنا فى ابتدائى لكن اتعلمت منه كتير
كنت بحب العب connect 4 جدا وكان كل الكبار فى العيلة ينافسونى على فلوس لو غلبتهم وكنت بكسبهم كلهم وببقى فرحانه قوى, وفى مرة كنت بلعب مع جدو وبدأ بابا وعمى و وبعض أفراد العيلة يتجمعوا علشان يساعدوه وبدأوا فى الغش بضحك يعنى علشان يكسبنى لانى يومها شطبت على فلوسهم بصراحة , وعايزين يردوا كرامتهم برضه يعنى هههههههههه, وفعلا كسبونى .

المهم هو كان تصرف بسيط وبهزار, دا المفروض يعنى بس أنا زعلت واتنرفزت يومها وبينت ده وقمت من المكان, طبعا كان تصرف غلط يومها والدتى اديتنى درس مش بنساه وهو ان الغضب بيضيع حقك مهما كنت على صواب, وان المفروض نفصل بين الجد والضحك ونعرف ازاى نهزر, وكمان ازاى نتكلم مع الكبير, ومش كل شئ نأخذه على أعصابنا, ومنغلطش مهما حصل,واننا نتقبل الهزيمة بصدر رحب لان الحياة فيها مطبات كتير فالمفروض نعرف ازاى نتعامل معاها ونخليها تقوينا مش تهزمنا, والمكسب والخسارة شئ وارد لازم نتقبله ونتعلم منه, وكمان ازاى يكون عندنا ذكاء اجتماعى.

وده موقف بسيط لكن اتعلمت منه كتير ومبنساهوش عمرى, وان شاء الله لما أفتكر أى درس تانى بشاركم بيه, وشكرا يا احمد على الطرح الجميل ده.
avatar
Doha El.refi
عضو مثالي
عضو مثالي

عدد الرسائل : 144
تاريخ التسجيل : 06/02/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: علمتني الحياه

مُساهمة من طرف رانيا عادل شوقت في الإثنين 22 مارس 2010, 12:23 pm

تحياتي الشديدة ليكي يا ضحي و لوالدتك و للبنات
و بقول ل good guy ان الحب مش وحش اوي كده
حتي لو الواحد في مرة اتخدع لازم يصمد و يفكر بجد
و نصحية مني المرة دي انتظر بعد هذة المحطة اللي انت سميتها خدعة
انتظر شوية بس مش اقل من سنتين ثلاثة والله هتلاقي ان المحطة دي كانت من افضل الحاجات اللي انت مريت بيها
والله هتعرف ساعتها ان يومها ربنا كان بيحبك عشان وصلت المحطة دي وانه سبحانه و تعالي انعم عليك بالمحنة دي عشان انت مؤمن بيه و بقضائه و ان ده كان افضل شئ يحصل لك
علي فكرة عن تجربة
avatar
رانيا عادل شوقت
عضو مثالي
عضو مثالي

عدد الرسائل : 93
تاريخ التسجيل : 06/02/2010

بطاقة شخصية
الاسم: رانيا عادل شوقت
النقاط:
0/0  (0/0)
خيارات:

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: علمتني الحياه

مُساهمة من طرف MONA MOHAMED في الأحد 28 مارس 2010, 4:59 am

كيف اغلب خوفى
مرة كونت ماشية فى الشارع و شوفت كلب بيجرى وارى طفل على عجلة و الطفل بيصرخ و يستغيث بى اى حد يبعد الكلب عنه
اول ما شوفت اصلا الموقف دقات قلبى بقت فى حلقى و ده غير الاحساس بالحراة العالية و العرق
طبعا دى معناها ان عندى فوبيا من الكلاب
المهم طبعا عملت نفسى مش شايفة و لا سمعة حاجة و كملت مشى و قولت اكيد الكلب مش هايلحق يحصل الطفل و هو على العجلة
فجاءة لاقيت الكلب ساب الطفل رجع وقف امامى ينبح بصوت عالى كانه هايهجم عليا قطع على الطريق و المسافة بينه و بينى اقل من متر طبعا ممكن تتخليوا احساسى ساعتها كان ايه؟؟؟
و ما كنش امامى فى عقلى ساعتها غير حلين
اصرخ و انادى على حد فى الشارع يبعده عنى
او اوجه

و اختارت اوجه و صرخت فيه و قولته و بعدين كان اول مرة اسمع صوتى عالى بشكل ده
وقف الكلب ساعتها ساكنا و حسيت الخوف اللى عندى اختفى و بمجرد ما قولته بعدها امشى
اختفى من امامى
بعدها بقيت ادور على الشوارع اللى فيها كلاب و امشى فيها لاغية الحمد الله اتخلصت من الخوف ده

الموقف ده علمنى ان لازم اقعد مع نفسى كل فترة و اكتب كل اللى بتخاف منه فى ورقة و اضع خطة ان اضع نفسى دايما فى مواجهة اللى بخاف منه عشان اكسر عادة رد الفعل الالى بالخوف و اتخلص من اى خوف عندى من اى حاجة
avatar
MONA MOHAMED
عضو فعال
عضو فعال

عدد الرسائل : 37
تاريخ التسجيل : 07/02/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى