اليوم العاشر

السلام عليكم
انا زينب على محمد على المعداوى اسرة التعاون الاسرة رقم 1 رقم العضوية 197 الدفعة السابعة بورسعيد
النهارده اليوم العاشر لينا فى التدريب حاسين بكده ولا لاه ؟؟؟ اذا اتكلمت عن النهارده فاللى هيتقال ان كل واحد مننا عارف هو عاجبه الصفر وعلشان كده واقف عنده او بدا فعلا يخرج منه وخصوصا بعد القسم اللى اقسمناه انا بس عايزة اقول ان شريكة حياتى قالت لى انها متقدرش تحتفظ حتى بالشارة معاها باى شكل من الاشكال عارفين ليه ؟؟؟؟ هى قالت ان اللى نطق بالقسم ده اكتر واحد يقدر معناه واد ايه هيراجع نفسه كل يوم قبل ما يغمض عينيه ؟؟؟؟؟ انتم حسيتم بكده ولا حلفان زيه زى غيره ؟؟؟؟؟
انا حبيت بس الفت نظركم للنقطة دى وانا اسفة للتطويل
واذا اتكلمت عن النهارده فاليوم كان بالنسبة لى تحدى من اجمل ما كنت اتوقع ولكن "وفى ذلك فليتنافس المتنافسون" يا رب كل واحد يستثمر كل لحظة فى عمره بجد قبل ما يقول يا ريتنى !!! كمان الفيلم الوثائقى كان رائع جدا وعن نفسى سجلت بعض الجمل اللى عجبتنى لانها واقعية بالاضافة طبعا لتوجيه دكتور : محمد الطيب جزاه الله كل خير
كمان البرومو بتاع البحر كان رائع جدا وبدا كمان الواحد يقدر معنى كلمة بداية حياة بس يا رب متكنش كلمة نكتبها فى لحظة وتيجى موجة تهدها كمان فى لحظة انا بانصح نفسى قبلكم والله
عايزة اقول كمان ان العرض لموضوع الاستاذة فاطمة الدسوقى كان رائع جدا والمناقشات واقعية جدا وكله لامسها فى حياته
يا رب دايما نكون على تواصل مع بعض على الخير
ايه رايكم لو كل واحد قعد مع نفسه النهارده شوية وفكر كده فى الايجابيات بعد التدريب هتقل ولا هتزيد ويبدا يقوم نفسه ويحط خطة واقعية مش مجرد اننا كنا بنعمل الايجابيات علشان الكل يتباهى بينا فترة التدريب وبس انا من رايى ان ده رد جزء بسيط من حق القسم اللى اقسمناه على الشارة ولا رايكم ايه ؟؟؟؟
انا رغيت معاكم كتير اعذرونى من فضلكم
السلام عليكم

هههههههههههههههههههههه
اولا:ا انا زعلان لان النهاردة هو اليوم العاشر لان خلاص بعد بكرة ونخلص والله ما مصدق انا في الاول كنت مستطولهم بس دلوقتي عدو في ثانية.
ثانيا:والله انا لما سمعت اننا هنقسم انا خفت اوي بس انا الحمدلله لازم هعمل بللي اقسمت عشانه لما تكون التنمية البشرية معلوماتها بالكمية الكافية
ثالثا:انشاء الله الايجابيات هحاول ازودها بالذات واحنا داخلين على رمضان.
ومبروك عليكي السباق في كتابة الموضوع , وعلى فكرة اللي انتي بتكتبيه وبتقوليه في الدورة ده مش رغي بالعكس ده والله مليان افادة. وشكرا ليكي

عمر محمود الجبروني
اب لاسرة الحياة والامل
198

والله انهاردة الايجابيات زادت شوية ,بعد الايجابيات شفنا الفيلم الوثائقي الساعة ونصف وبصراحة كان طويييييييييييل وممللللللللللللل
وكله بيتكلم عن نقطة واحدة واحدة وهي
زي ما قال الرسول صلى الله عليه وسلم: (تفائلوا بالخير تجدوه) بس.

وبعدين اخدنا البريك.......

وشفنا الفيديو بتاع عفيفي وعبدالله وعبدالرحمن وصهيب وكان الفيديو رووووووعة
وبعدين بدأت الاستاذة
فاطمة مشكورة وشرحتلنا درس المهارات وكان درس مهم بصراحة مهم اوي بتستفيد منه في تحقيق هدفك وتطوير شخصيتك وحاجات تانية كتييييييييييير.
والشكر لد.محمد الطيب

وكنا بصراحة مفتقدين د.مكروم
وكمان اسراء وزينب وحمص و طنط ايمان وكل اللي مكانوش موجودين النهاردة.

تسنيم عطية السعداوي
اسرة التعاون
195

النهاردة كان يوم حلو اوي و احلى حاجة كانت الفيلم الوثائقي استفدت منه جدا و اتعلمت ان اي حاجة انا عايزاها هاقدر احققها لو انا حطيت الفكرة في دماغي .

الاسم:آية
الاسرة:التعاون
الرقم:192
انا النهاردة عجبنى البوم بس معجبنيش الفيلم خاااالص بس عجبتنى محاضرة ا: فاطمة الدسوقى
وبشكر د:محمد الطيب

الاسم زينب محسن العدوى
اسرة الحياة والامل
بجد اليوم دة كان صعب جداوانا فى القاهرة قاعدة اقول لنفسى هما خدوا اية وكان نفسى بجد ابقى معاكم واشوف الفيلم االوثائقى الكل قاعد يتكلم علية